ZAKHARIA 8:21 - Allah Wene Fano Wene Hupla Inane

²¹ It afuni o kota misik ekhe nen he it kota ekhe meneba ikhi logolik, ’Nit he, Tuhan Omame Mondok Hokho welagarek mene a'nogo fogerasi lambik he, Aren nit fanot ninobagauwageluk kino yagasi louwogen he, ninom logouwgen weni o!’ ikhi logogun.

ZAKHARIA 8:21 Referans Kwoze

ZAKHARIA 7:2

Afuni o Betel werek mene nen he Sarezer inom Regem Melekh inom nen it inagoromi inom Tuhan nen fanotninabin iluk yagasi loageluk o Tuhan Omame Mondok Hokho mene were'ma iluk agarek awiba omanogo lakfisa wagaikha.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MAZMUR 103:22

Yago, hit Aren mondogat elalogo hinobagasikhemo logolik, o wilayah Aren melalinaferek meneba welagep mene omanogo mondogaren he, At Tuhan enek fogerati logoino! An nendawinggenma nen Tuhan fogerati lagi o,” iluk wuni watikhe.

ZAKHARIA 8:22

A'nogo yagaisugunem he, afuni hokhorogo inom it ekhe inunggulenu inomame werek mene inebe hokhorogoat inom o Yerusalem wesimbik, An Tuhan Nomame Mondok Hokho mene a'nogo fogetnafik, An nen fanorinabuageluk kino yaganetik, i waga logogun.

2 TAWARIKH 11:16

A'nogo hilingitunem he it afuni inunggulenu Israel mene mondogat inendawinggen eberogo meneba it afuni Israel mene ineisena Tuhan Allah a'nogo apne wanhi lagaukwa mene omanogo re, it ap Lewi inap a'nogo o waluk Yerusalem lagunem omanogo, iren he Allah it inambu-inombalagen apne wanhi lagaukwa mene andiba wam warogo Tuhan wogeti logogun iluk he, irogo o Yerusalem waga lagaukwa.

YESAYA 2:3

A'nogo waga logolik iren he mel ikhi logogun, ”Nit he afuni Israel mene nineisena Tuhan Allah awi wuri'mo, louwogen we'ni o. At Tuhan ebe Andom Sion oba awi kota Yerusalem logolik, ane ili'logo andi nen he Aren nit komotninafunem he niren At ane furogo hologo hilingitu mene faget yanggul ninabuakhogo re louwogen we'ni o,” iluk ikhi logogun.

YEREMIA 31:6

Eberogo nenat, hinenggi ekhe wesigin meneba re ap o kota kagalek werek mene nen Efraim tom oba nen humeti logolik, ”Nit he o Sion nineisena Tuhan Allah ambit lagauwogen we'ni o, iluk ikhi logogun,” ikhe.

YOHANES 1:37

agoromi inebe pire aremnogo wene ane yagaisasikhe mene inesanggo holhukwasik he, Yesus ombo'ne lagaukwa.