ZAKHARIA 7:7 - Allah Wene Fano Wene Hupla Inane

⁷ Andi re Tuhan nen ap nabi bene nen o fem attak-attak andoma o Yerusalem oba afuni inebe inangge sik-pikhogo were'ma welagaukwaba andoma a'nogo yagaisikhi lagaukwa. Andem oba afuni re o kota nen esanggo-esanggo andoma re welagaukwa lek, we abel selatan fikhit inom, barat fikhit inom he, tom alemkwe andoma nek welagaukwa.

ZAKHARIA 7:7 Referans Kwoze

YEREMIA 17:26

Afuni re o kota Yehuda ba andoma nen inom, it desa-desa o Yerusalem horok-horokwe andoma mene inom waga logogun, nen it fena re wilayah Benyamin mene oba nen he punu helang alemkwe inom, o tom-tomkwe omanogo nen inom, o Yehuda abel selatan fikhit omanogo nen inom waga logogun. It waga logolik he, wam warogo nolhu mene inom, nolhu lek mene inom, gandum fogoin mene inom, amben fano mene kemenyan inom, An hai watnafi logolik fogoin engge inom, An nawi wuri'mo waluk waga logogun.

YEREMIA 32:44

Kweang onggo wanhu mene faget sertifikat fouget fuluk he meterai to'morogo inenggiba lisu palfigik, amusu figik, hilingfuluk omamerogo iluk he afuni ineilhanem en hilingiti logogun. Andoma re o wilayah Benyamin oba inom, o Yerusalem haningisogo desa-desa andoma bene inom, kota tomkwe werek mene andoma bene inom, tom erokwe werek mene andoma bene inom, Yehuda ba o sili selatan fikhit andoma bene inom, a'nogo nek hilingiti logogun. Unggulenu yi re An nen it inanggweang yiba nen inebe halfisagain o. Iluk An hineisena Tuhan nen nane mondogat igi,” ikhe.

YEREMIA 7:23

An nen he we An nebe it inobaget ineisena Allah were'ma it An nagainafuri a'luk logouwageluk he An nane hologo hilingiti logoino iluk enek he yagaisasigi. Nen, it inendawimo inagaiyekhogo logouwageluk he An nawene melalek higithogo hilingiti logoino iluk yagaisasigiat.

YEREMIA 7:5

Hit hinebe welagep aple inom, hinobabut hilingiti lagep aple inom agaum e'ni o. Nen hiren he ap ekhe inoba higithogo nek hilinginafi logoni.

YEREMIA 33:13

O kota-kota tomkwe werek mene inom, tom erokwe mene inom, o Yehuda abel selatan fikhit andoma inom, wilayah Benyamin meneba andoma inom, desa-desa o Yerusalem haningisogo werekwe andoma inom, o Yehuda ba kota werek mene inom, he it ap domba konharek mene nen inanggo domba wenaginafi logogun. Iluk Tuhan nen nane mondogat igi,” ikhe.

YEREMIA 22:21

Hit hinebe fanorogo welagagip aremnogoba re An nane hit hinoba mondogat yagahisasigi, oba nen he hiren ikhi logolik, nit he holugun ninabiro iluk ikhi lagagip. Hinobabut ariginik mene andi re o attagen pikhit yogondak huli nen engge An nane hologo hilingiti'lek hilingitunem hisikhi lagi o.

YESAYA 55:3

Hit An nunggulenu mene andoma hinesanggo holini o, An nen hineluk mondok logogun mene wokhisagain enggere, An Noba waga logoni o. An nen nendawi hundik hilinghinafik, tiphogo nek hilingitu welagik, hilingiti logogin iluk Daud oba wene waretigi a'nogoba hilingi'mo re, An nen hit ninom wene mondok-mondok logogun mene wati lagi o.

ULANGAN 34:3

nen yikwe i ambut higit o Zoar en kota Yeriko e kurma hokhorogo were'ma andoma lagai wagaikharek oba lei mondok liok layokse'ma andoma inom, yetha wesuagaluk yagatikhe.

YEREMIA 13:19

O Yehuda meneba nen kota selatan fikhit werek mene omanogo mondogat ap sali kwi wagaikha o, nen ap salek mene andiba nen polokhogo ekhe wulibi la re mondok elo'lek. Afuni Yehuda mene omanogo mondogat he huginabi lagaikharek oba omanogo woginarek lagaikha o,” iluk ikhe ino.

YEREMIA 44:4

An nen he, hit hinoba hundik-handik ap An namingmingengge nabi omanogo inayonggo fuluk lakfisa wagunem, iren hit hinaniniba mondok hilingiti lagep mene An nabit anggigirek mene andoma a'nogo hilingitu lego, iluk yagahisikhi lagaukwa.

ZAKHARIA 7:6

Nen ekhe iren inamburu ninggik, inagai ninggik, hilingitu logolik it inoba homot fisikherek mene omanogo nek herarik laga lagaikha o, iluk ikhe yagaisano, ugunem higi.

ZAKHARIA 7:8

At Tuhan Omame Mondok Hokho welagarek mene a'nogo nen an noba wene yi'nogo yagaisano iluk yaganete,

ZAKHARIA 7:12

It he inendawinggen mondok omamerek logolik were'ma nen enek he inendawinggen mondogat helep aga lagaukwa. Nen an nawene melalek it ap nabi attak welagaukwa mene omanogo inebene nen wogisasigiba nen he hologo hilingiti lagaukwa lek andi nen he An na'mage lagaikhi lagaikhe andi.