ZAKHARIA 7:5 - Allah Wene Fano Wene Hupla Inane

⁵ ”Afuni o kweang yiba werek mene inebe mondogat inom, nen it imam lak inoba yi'nogo yagaisano, iren tugi fuap meneba inom sabit meneba inom hinambe pok welagik, le yagaisogo welagik, hilingitu werek kwelek enek tujuh puluh tahun hilingiti lagaikha mene andi re iren An nobaget esinet nobagaikhi logolik hilingiti lagaikha re lego.

ZAKHARIA 7:5 Referans Kwoze

ZAKHARIA 1:12

A'nogo ugunem malaikat a'nogo nen ikhi logolik, ”Tuhan Homame Mondok Hokho mene a'nogo nen, tujuh puluh tahun andem oba re, Haren Yerusalem oba inom Yehuda ba inom inoba ha'mage fesigin. Haren he, henggi ki huli nen wene inoba mene andi leget figi'lek inoba fugu mondok logogin nogo?” iluk heinok wanhunem higi.

1 KORINTUS 10:31

an nen yi'nogo yagahisak. Sumburu inom, i inom ninggik, yi mene ti mene hilingitik, a'nogo mondogat ikhi logolik he, afuni nen Allah fogerasuagelugat hilingiti logoino o.

ZAKHARIA 7:6

Nen ekhe iren inamburu ninggik, inagai ninggik, hilingitu logolik it inoba homot fisikherek mene omanogo nek herarik laga lagaikha o, iluk ikhe yagaisano, ugunem higi.

ZAKHARIA 7:3

A'nogo lakfisa waga logolik, ”O Tuhan awiba meisalkhukwa mene andi faget niren tahun hundik-hundik andoma tugi fuap meneba werek kwelek he sumburu ninggi'lek ninambe pok welago aremnogo hakhogo logouwoga? Iluk imam inom, nabi inom inoba heinok woginabi lano,” iluk lakfisa wagaikha.

KOLOSE 3:23

Yi mene ti mene hilingiti logolik hinendawimo nen he: ”Afuni faget hilingiti lago lego. We ninoe Enupogot fageraro,” iluk, hinendawinggen oba nen hilingiti logoino o.

2 KORINTUS 5:15

Nit mondogat faget wa'lagaikhe andi re, nit ninebe ninonggwarek faget nineluk logouwageluk wa'lagaikhe fuk. We, nit ninebe at faget logouwageluk, at ebe nit faget wa'lagaikhesigen ambotkwe eluk agaikhe andi.

MATIUS 23:5

Iren ekhe mene ekhe mene hilingiri'lagwi andi mondogat he, ”Afuni nen ineil nisoageluk inendawimo anggikhi logolik hilingiri'lagwi o. Iren he, samban ikhi lagi,” iluk, Allah ane suesinggaba lisu palogo inelhaba homatarek a'nogo, iren hokhorogo homatik, su endakwe mene hunogoat labetarek a'nogo, iren su ogo'lu uanhogo igisogo labetik,

MATIUS 6:16

A'nogo yagaisasikhesik he, ekhe mel yagaisasikhe: ”Hit sumburu ninggi'lek sambanat ugu mondok logouwogeluk halok he, it afuni ekhe inagap oba nek fano hak logolik, inendawinggen pire mene nen, Afuni ekhe nen enegat futninobagaluk inelokhonggen ofuselogo welagaikharek andi hak, logogun lek. It andi onggo hela hak he, we, afuni nen enegat yerisagarek andiat iluk, eberogoat yagahisigi o.

MATIUS 6:5

A'nogo yagaisasikhesik ekhe mel yagaisasikhe: ”Halok he, hit samban ikhi logolik, afuni ekhe inagap oba nek fano hak logolik inendawinggen pire mene nen he, samban ikhi lagi andi afuni nen futnobagauwageluk, Allah awi wuri'mo kwagaresik he, inebe menla'luk samban igik, kwe handogalma menla'luk samban igik, agarek andi hak he, ikhi logogubo. It andi onggo hela hak he, we fogerinabi'lagwi andi aro, iluk eberogoat yagahisigi o.

MATIUS 6:2

Nen, hit ekhe hinagarek werek mene nen, it lek mene leberisouwogeluk halok: An yi'nogo hilingiti lagi, iluk hinane a'mit suphogo hilingiti logogubo. It ekhe inendawinggen pire logolik inagap oba nek fano hangge logolik, o samban agarek oba kuluk inom, ebekwe laga logolik inom, it ekhe nen: It fano, iluk fogerinabuageluk hilingiri'lagwi andi, hit a'nogo hilingiti logogup. It andi onggo hela hak he, we fogerinabi'lagwi andi aro.

ZAKHARIA 8:19

”Tugi enggaminogo nek mene inom fuap mene inom sabit mene inom nomolo mene inom, oba andoma re sumburu ninggi'lek inambe pok logolik hilingitarek mene oma re afuni Yehuda mene nen he, mondok inagaiyekhogo inanggiluk oba ebetu mondok logogun. Eberogo wene inom, fano liokhogo welagaikharek awene inom hinendawirogo logoni o!” iluk ikhe isikhe.

YEREMIA 25:11

O kweang yi abirengge re An nen wolelenggenhogo weaget fisamo re inane tiring-tereng ugun. It inunggulenu lombok esanggo-esanggo werek mene andoma re raja Babel mene amingmingengge 70 tahun logolik obaget hilingiti logogun.

2 RAJA-RAJA 25:23

Afuni Yehuda mene ap tentara inom, inogogwi kaindek mene inom, inenu re, ap Netanya amlogo Isimael andi inom, ap Kareah amlogo Yohanan andi inom, ap Tanhumet awi kota Netofa mene amlogo Seraya andi inom, ap Yazanya awi kota Maakha mene andi inom, ap Babel mene yagaisikhi logolik, ”Nit maben ago, hat henggiba logogun,” iluk igi'lek mene were'ma, afuni nen he, ”Nebukadnezar en he, ap Gedalya ebe gubernur logouwagaluk menfikhe,” iluk isukwama, inesanggo holhukwasik he, it inebe mondogat at Gedalya ebe o Mizpa were'ma oba andogotukwa.

YESAYA 43:23

Hiren An nobaget wam warogo nolnesuogoluk waluk wagi'lek, nen An agaukhogo wam yi mene ti mene nobagauwogoluk waluk wagi'legat hilingiti lagep. Oba nen An nen he, Wam An faget warogo nobagai we'ni iluk yagahisigik, Amben fano mene kemenyan nobagai we'ni iluk yagahisigik, ikhi lagi lek oba nen.

YESAYA 58:3

Inunggulenu andi mene nen heinok wo'niikhi logolik, ”Tuhan eilenggen higi'lek kwelek andoma nenahalok ninambe heang logogun nogo? Aren futninobagagu lek kwelek oba nen nenahalok nit ninendawinggen sebel fakhaluk logogun nogo?” iluk agarek. A'nogo ugunem Tuhan nen ikhi logolik, ”Eberogo nenat, hiren hinambe heang logoligen he hit hinonggwarek hinenggi werek agu mene nek herakhigik, ap onggo faget yabu hilingitarek mene omanogo hinomameba sebelogo fisigik,” ikhi lagep.

YEREMIA 29:10

Andi nen Tuhan ane ekhe inom ikhi logolik, ”Babel oba were'ma tujuh puluh tahun arat tibi laga halok enek he, An nen hit hinoba ebesimbik, wene wathisasigi mene a'nogo higithogo hobuk hinambotkwe wokhinarek o yoma wesigin o.

YEREMIA 52:12

Tanggal sepuluh tugi fuap meneba werek kwelek nen at raja Babel mene Nebukadnezar a'nogo nen melalinafi logolik were'ma nen enek tahun sembilan belas meneba were'ma, hun Nebuzaradan a'nogo re o Yerusalem wagaikhe. At andi eabu re hun Nebukadnezar wene komorogo yagatik, nen it ap raja kagalek werek mene omanogo faget kepala welagik, hilingiti lagaikhe agun.

HOSEA 7:14

Iren inendawinggenma ibi-eberogo nen samban An noba ili'lagwi lek. Iren samban ikhi logolik he it inebe nogoli'lagwiba omanogo weing la'luk, afuni An noba eberogo anggili'lagwi lek mene nen hilingiri'lagwi omanogo hakhogo re le ari'lagwi. Iren ambi gandum inom anggur inom kino yaga'neti logolik halok he, ap kembu dewa fogerari'lagwi mene nen hilingitarek hakhogo inebene inagap palikhi logolik kino yaganeri'lagwi. It he mondok ibi-eberogo nenat An nane sagalogo hilingiri'lagwi.

ZAKHARIA 7:4

A'nogo hilingitama Tuhan nen wene an noba fikhi logolik, yi'nogo yagaisano iluk yaganete mene re yi:

2 RAJA-RAJA 25:25

A'nogo yagaisasikhemo, lagaukwasi'mo nen, tahun andi mene tugi it inenggi wenati lagaukwa higithogo 7 ba, inenggi ekhe it ap Elisama omba, Netania amlogo enu Ismael, ebe ap it raja lagen tagongge meneat welagaikhe mene andi, ap ekhe inebe 10 nen inom o Mizpa wagaukwasik ap Gedalya ebe wati logolik, ap Yehuda mene inom, Babel mene inom, at inom welagaukwa mene inomat inoatukwa.