ZAKHARIA 7:13 - Allah Wene Fano Wene Hupla Inane

¹³ An nane ikhi lagagi mene holhi lagaukwa le'ma re, iren samban oba An nayonggo fikhi lagaukwa mene ogore holhi lagagi legat andi.

ZAKHARIA 7:13 Referans Kwoze

YEREMIA 14:12

Iren inambe heang logolik, An noba lebetninabin iluk kino yaganesumo mene ogore An nen inane nesanggo holhi logogin lek, nen iren An nobaget nendawimo nagaiyek hoageluk nolhik, gandum enggen nolhik hilingisugun meneba nen ogore An nen nagaiyek it inoba fagain legat. Agamhogo re An nen it inebe weim oba nen inom sumburu ouwagen inom, ouen oba nen inom mondogat leget fisagain o,’ iluk yaganete.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

YEREMIA 11:11

Andiba re, An Tuhan nen it ineluet fikhi logolik, enggin mene An nen it inoba lakfei wesumo re it he hina'lasugun lek. Iren ambi An noba lebetninabuageluk kino yaganesugun halok mene ogore An nen it inane holigin mondok lek.

MIKHA 3:4

Hiren Tuhan oba yagati logolik, ”Lebetnisan o,” iluk hinane kwesugun oba nen Aren hit hinane onggo yagahisagain lego. Nen, hiren mondok kwanirek mene hilingiti lagep andiba re, hiren samban ugun mene ogore Aren esanggo holigin legaro.

YAKOBUS 4:3

Nen, ekhe Allah kino yagati lagep meneat he, hinonggwarek faget enek hinendawimo nen nunggunem helouwogeluk kino u lek mene yagati lagep andi nen, wokhisili'logo lego.

LUKAS 13:25

Nen, o andoma ap awi eisewerek mene andi menlasimbik, kwe te'merogo yagati logoumo re, hit enda'ma mendek logolik kwe papaget hikhi logolik he, Noe! Nit kwe hu'nisan, iluk yagasugun meneat he, aren he, hit hinebe an nonggoro. Koma nen wagep, iluk yagahisugunem,

YEHEZKIEL 20:3

Afuni wa'lagaikharek mene yi re, hane afuni inogogwi ferinarek welagaikharek mene oma inoba ikhi logolik he, An Tuhan Lego Mondok welagirek mene nane yi'nogo ikhe iluk yagaisan o, ”Hit he hinailo lek pegengge An nen hit hinoba yi'nogo ti'nogo yagahisoageluk yaganeti lagep ari ambi! An Allah neluk mondok welagi mene nenuba hilingi'mo re, hiren yi'nogo ti'nogo yaganisoageluk kino yaganetu aplere nabitsek welagi! An Tuhan Lego Mondok welagirek mene nen nane mondogat igi andi, ikhe iluk yagaisano,” ikhe.

YEHEZKIEL 14:3

”Afuni wa'lagaikharek mene yi re, ap wagaikha inap arem he inendawinggen tugwi kembuba nek himbiret fuluk werek oba re it inebe weak mene elema kwi lagaikha inabo. Ariginik inap oba nen iren An heinok wo'nabugun iluk wagaikha andi a?

YESAYA 50:2

An nen it inagainafuri wolinabi wagu sambul, nenahalok it An nagainafuri mene nen ap misigen iluk ogo ekhe onggo ili'lagwi lek? Iren anggikhi logolik An nen it inagap telinafik, lologo fisigik, hilingisu elo'legen iluk, inabolok lek werega? Ibi-eberogo nen he, An nen hilinglasuageluk ugunem he i laut firitok ikhi laga, nen i lagu agai mene omanogo terenghogo kweang iringik mene hilinglagunem, ikan mondogat wathigik lagunem fili a'luk amben mondok sang ikhi laga.

AMSAL 28:9

Sa nen Allah awene melalek a'nogo higithogo hilingiti logogin lek halok, Allah nen ogo aren samban ikhi logogin mene andire hebak aferek logogin.

AMSAL 21:13

Ap ekhe inangge lek mene nen kinoti logolik eige iluk agarek mene omanogo ane hologo lebethigi'lek logoligen, at onggwarek faget enek lebetnabuageluk kino igin halok he, lebethikhi logou lek hak.

YEREMIA 7:27

Andi nen Tuhan nen ikhi logolik, ”Ariginik enggere Yeremia ahwi, haren mondogat andoma re An nagainafuri inoba yagaisikhi logogin oba nen he iren hat hane yagaisikhi lagen mene andoma futfikhi logogun lego. Nen, haren it wolinafi logogin oba nen he iren inane onggo ikhi logogun legaro.

YEREMIA 11:10

Iren he weak it inombawi nen An nane hologo hilingiti'legengge hilingiti lagaukwa mene omanogo hilingiti logolik, iren mene tugwi kembu amu mene omanogo apne wili'lagwi, An nen yi'nogo ti'nogo hilingiti logoino iluk yagaisasigi mene a'nogo higithogo hilingiri'lagwi lek. It Israel mene inom Yehuda mene inom he An nen it inombawi inom wene wat-wat agagu mene a'nogo taganhogo nek hilingiri'lagwi.

YEREMIA 11:14

Andiba re, Yeremia ahwi. It inobaget samban igik, An noba leberisan iluk kino yaganetik, u fugo! It anggolorek logolik An noba lebetninabin iluk kino yaganetu halok, An nen inane holhi logogin lego.

YEREMIA 14:2

”Yehuda re awi kota omanogo wa'lasu hak hilingitu nen endawinggen heiselhi logolik werek. Afuni o andi mene re kweangma wengik logolik limamit fali'lagwi, Yerusalem he lebetnabuageluk oak heinet wari'lago.

RATAPAN 3:44

Hat hanini re o hena mondok hik mene andi hak hilingi'mo re, Niren samban ugu mene re fanorogo lagai wesu re, elo'lek ari'lago.

YEHEZKIEL 8:18

Hit he An na'mage mondok elalinhogo hilingitunem hogoin! An nen hobuk nendawirinafik, inaweak sagalogo legetfisigik igin mene ekhe werek lek. Iren samban oba nenu hombuk palogo ugun oba nen he, hilingik kwelek An nesanggo holigin legaro!” iluk ikhe.