ZAKHARIA 6:8 - Allah Wene Fano Wene Hupla Inane

⁸ Andi nen at malaikat a'nogo nen an noba yaganeti logolik he, ”Kuda o Babel laga mene andi nen he Tuhan a'mage werek mene a'nogo sebelogo fikhe o,” ugunem higi.

ZAKHARIA 6:8 Referans Kwoze

YEHEZKIEL 5:13

An na'mage mondok lagagunem nanini ari'lago mene andi hat hoba figik, weagethafik imbik halok enek he An noba lombuk igin o. A'nogo andoma mondogat hilinglasumo nek he, haren An noba tiphogo hilingiti lagen le'ma An nanini hat hoba fikhi lagi mene andi re An Tuhan nen nane yagaheti lagi mene andi faget eberogo anggagain o.

ZAKHARIA 1:15

Oba nen andi ero re it nagainafuri inoba na'mage fugu mene hambuget haluk welagiba nen it inunggulenu inap andi nen he, An nagainafuri inoba enggin-fenggin hugu mene a'nogo ekhe inom engginet fisugu weregen he, it inunggulenu inailo legengge fanorogo welago, iluk anggili'lagwi mene andi re, An na'mage inoba fugu welagi o.

YEHEZKIEL 24:13

Yerusalem yei, haren mun weak ina'meilo mene hilingiti lagagin mene andomaba hat hebe emetfakhasigin o. Ma re An nen horogo hobagagin iluk walhikhi lagiba nen, hat mondogat emetlagaginmo a'luk he hilingisu re elo'lek aple ari'logo. Hat hebe oan horogo hilingfakhigi'lek werek kwelek enek he An nanini a'nogo hat hoba fagain huli asigin.

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

YEHEZKIEL 16:42

A'nogo hilingisigin andiba An nanini andi wulakfisambik enek he, An nendawinggen sakho igin, nen An hobuk na'mage lagagik, nendawimo weak agik, igin mondok lek.

YESAYA 48:14

Hit mondogat kaboget fuluk he An nane fanorogo hinesanggo holini o! It tugwi kembu andoma inanggele'ma nen he An nagainafuri wenaginafigi mene nen hobuk o Babel pin kugun iluk isukwa mene ekhe werek lek, aren he An nendawimo wenggelhirek mene higithogo nek hilingisigin.

YESAYA 1:24

Iren a'nogo hilingiri'lagwi andiba re, nit Israel mene nineisena Tuhan Allah Omame Mondok Hokho mene a'nogo nen ikhi logolik he, ”Hiren An ninom seleirogo logolik na'mage lagauwageluk hilingitunem nendawimo sebelhikhi logolik welagi mene andi re An nen ogo onggo weaget hinobagaginmo re, hobuk hiren An noba enggin mene kwelaknobagakhi logogun mondok lego.

PENGKHOTBAH 10:4

Hat hoba ap ekhe omame logogin mene nen wenakhetu halok he, yabu hilingiti logogin mene herak fisagain iluk yagasu fuk. Hat weak hilingiten mene hokhorogo werek kwelek oba nen, hafe morogo sebel haluk logogin halok he aren sagalogo legetfisagain.

HAKIM–HAKIM 15:7

A'nogo hilingitukwama, at Simson nen ap Filisitin mene mel yagaisasikhe: ”Hiren hinobabut a'nogo hilingiti lagep meneat hilingitep higi. An nen hiren ninoatep mene andi inunggulmo hinoati'lek halok, an nen ungguulmo figi'lek logou re nabit,” iluk hombuk palogo yagaisasikhe.

HAKIM–HAKIM 8:3

Ma re, at Allah nen afuni Midian mene inogogwi inebe pire Oreb inom, Zeeb inom, hit hinenggiba fikhemo re, inebe hiren inoatep mene andi, an hilingiti mene faget agaukhogo fogetnabugun anggegep a? Lego. We, hirat agaukhogo fogethinabugun o,” iluk at Gideon nen a'nogo yagaisasikhemo, ina'mage lek agaikhe.