ZAKHARIA 5:8 - Allah Wene Fano Wene Hupla Inane

⁸ A'nogo were'ma re malaikat a'nogo nen ikhi logolik, ”He yi re weak mondok hilingitarek mene a'nogo ilirengge werego,” iluk ikhi laga. A'nogo ikhesik he, he a'nogo nekhengge si ugu a'nogo elema tamakhogo kwelakfikhesik he sa'lip yagarek mene a'nogoba sebel fugunem higi.

ZAKHARIA 5:8 Referans Kwoze

1 TESALONIKA 2:16

Allah nen it afuni enda'ma mene telinabuageluk niren fano wene yagaisilik lagunem, afuni inanggwe palharek hak, it afuni Yahudi mene andi nen he, ”Wene fano wene andi yagaisogoin lek,” iluk wene pali'lagwi andi. A'nogo hilingiti logolik, hundik-handik weak hilingitarek meneat he ekhe inom hilingiri'lagwi andi nen, Allah a'mage lagaikhesik, wene hokho mene inoba fikhe andi.

MATIUS 23:32

Halok he, hinambu-hinombalak eroba nen hilingiti lagaukwa andi hak, hit wurep oba a'nogoat hilingiti logoni o!

ZAKHARIA 5:7

Si ugu andi sa'lip he no posiemanggen meneba hilingik welaga. A'nogo hilingi'mo re an furatunem en he sa'lip a'nogo hurogo lagagunem he si ugu a'nogo elema re he mene ekhe hurek were'ma higi.

MIKHA 6:11

Ap lisu anomor henarogo palogo waluk wagik, kilo henarogo walhogo waluk wagik ugu kwelek, An nen wene oba figi'lek nafe motfisagain nogo a? Wene oba fou hagaro.

RATAPAN 1:14

Aren he an naweak omanogo abirengge waganogo misi'mo yelfikhesik, an nalonggopma kelfikhemo enggin nen he nomame mondogat lek hilingisogo nobagaikhe. Tuhan nen he an nebe it naselei mene inenggiba wogisikhemo re, it andi ninom walhaluk nebe ogalare elo'lek aga.

AMSAL 5:22

Ap weak mene nen aweak hilingiterek mene andi re onggwarek faget wephogo fakhili'lago.

MAZMUR 38:4

Hat ha'mage an noba fugunem he an noba ou mondok weakhogo hugu welagi, an naweagen he nebeba mondogat selek ekhe werek lek.

KEJADIAN 15:16

Afuni Amori mene inobabut mondok weak hilingitunem wene inoba fagain mene oan welagi andi nen he, haren tagongge mene re, huli inebe enggaminogoba ta'lasimbigen hat hombalak inambotkwe o yoma wesugun o,” iluk yagatikhe.

HOSEA 12:7

Arigini'mo re, hit Yakub ambisangma mene yi sani, Hineisena Allah ba hinendawinggen tibet fuluk, sugulogo At ambit waga logoni o. Hit hinebe hineluk logolik he, hinendawinggen hundik hilingitik, higithogo nek hilingitik, hilingitu logolik hinendawinggen hambuk haluk hineisena Allah nen hilingisigin iluk nenangotu logoni.

AMOS 8:5

Hit hinonggwarek hinendawimo nen anggikhi logolik he, ”Yago, niren Hari Raya faget ebetu mondok logolik welago mene yi re, mondok aninu weak oma re agwi. Nit he no gandum enggen omanogo onggo hunira hak he linggene ebeti lago mene yi weak-weak kobok ili'lago lek omari. Niren ninangge onggo hunirugu mene erorasugun enggere ki sambul linggene Sabat mene andi kobok igin nogo? Niren henarogo hilingitik ilirengge enggin waletu meneba nineranhogo lalinafik, ninane nen awia labelogo onggo heligik, hilingiti logoilo mene agwi.