ZAKHARIA 3:8 - Allah Wene Fano Wene Hupla Inane

⁸ Imam Agung Yosua ao, hesanggo holin o. Nen hit at agaila'lak imam welagep mene andoma ogo, hit he o hobuk andoma fanorogo logogun mene faget enegengge re hit welagep. Hobuk andem oba re An namingmingengge enu, ”Asimit,” andi lakfei wesigin.

ZAKHARIA 3:8 Referans Kwoze

YEREMIA 23:5

Tuhan nen ikhi logolik, ”Inenggi ekhe asi wesigin meneba re An nen ap raja misik ekhe mondok katokhogo hilingiterek mene hun Daud ambisangmangge mene menfagain o. Menfoumo re raja andi nen endawinggen kagalek logolik melalinafik, o kweang mondogat andomaba katokhogo mene nek hilingitik, eberogo mene nek hilingitik ikhi logogin.

YESAYA 11:1

Raja Daud ambisangmangge mene re e mukfugu mene hak. Oba nen he, e ebe mukfugunem andimiba nen asimit suphogo lagaikherek andi higit hobuk Daud ambisangmangge mene nen raja ekhe weinam asigin o.

ZAKHARIA 6:12

A'nogo hilingfembik he at yagati logolik, An Tuhan Nomame Mondok Hokho welagirek mene a'nogo nen ikhi logolik, ’Ap enu Asimit ikhi logogun mene andi nen he at ebe logogin huli andoma yi'nogo ti'nogo hilingiti logogin mene ambisangma fanorogo nek hilinglaga logogin o, nen aren he o Tuhan Awi a'nogo nekhengge wusigin.

YEREMIA 33:15

Andem higit he ap misik ekhe katokhogo hilingiti logogin mene ap Daud ambisangmangge mene re raja logouwageluk menfagain. Raja andi nen he o kweangma mondogat andoma katokhogo hilingitarek awene inom, eberogo hilingitarek awene inom enek hilingiti logogin.

YESAYA 53:2

Tuhan endawimo anggikhi logolik At amingmingengge andi re e kweang amusu le'ma nen fulelogo lagaikherek hak lagauwak anggikherek. Niren at he fano pugun se'ma hogoin oba ekhe werek lek, nen nit ninamolo a'luk ninendawinggen wanu mene ogo ekhe werek legat.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 20:3

Nen, o kota Asdod a'nogo hukhogo kwelakfesukwa sambul he Tuhan en ikhi logolik, ”An namingmingengge Yesaya re tahun henagan inukhogo asu laberek legengge eisok agut kwelabek legenggeat welaga. Andi re o Mesir inom Sudan inom oba asigin mene faget enegenggerogo welaga andi.

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

YEHEZKIEL 12:11

An nen hat hoba hilingiti mene andoma re hobuk it inoba hilinginabigin mene mondogat ilirengge re andoma. Andi re it inebe aben huginabi lamo hele warek mene asimbik logogun mene faget enggere it inoba yagaisano.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YESAYA 52:13

Tuhan nen ikhi logolik, ”Eberogo nen he An namingmingengge nen ambisangma fanot fagain o, at legeisogo fikhi logolik agaukhogo fogerati logogun.

YESAYA 49:5

An oan ta'lagi'lek werek kwelek Tuhan en an At amingmingengge logouwageluk nayonggo fikhe. At againafuri Israel mene andogorogo fisaluk woginarek inambotkwe sugulogo At oba wesuageluk nayonggo fesikhe. Tuhan nen he an ap nenu werek logouwageluk hilingisogo nobagaikhe, nen At Allah re, an nomamet nafu mene werek.

YESAYA 8:18

An nagainafuri ninom afuni Israel mene nen futninobagauwageluk enegenggere nineisena Tuhan Omame Mondok Hokho mene Andom Sion oba welagarek mene a'nogo nen ninayonggo fuluk la'ninobagai wagama welago ari o.

LUKAS 1:78

Nineisena Allah obabut fano nen endawitninafikhesik, o hil lakfei wagarek andi hak, ninoba lakfei waga logolik,

YEHEZKIEL 37:24

It he ap raja misik mene raja Daud hak mene a'ma sebetfisamo inenggi mondok-mondok andoma melalinafu logogin. Iren he tiphogo nek An nawene melalek omanogo hilingiti logogun. Nen inenggi mondok-mondok faget it inom iren tagomangge mene inom he kweang An nen Yakub wogotigiba it inambu inombalak welagaukwaba andoma logogun.

YEHEZKIEL 34:29

An nen he it ineabukwe mondogat heiselogo hilingfoumo re o kweang andiba sumburu ouwak ekhe logogin mondok lek. At he ap inunggulenu amu mene nen li'norinafi logogun legat.

YEHEZKIEL 24:24

A'nogo hilingitunem he an Yehezkiel he hit hinobaget ilirengge asigin. Hit hobuk an nen hilingiti lagi ari hakhogo hilingiti logogun mene faget hilingiti lagi. Tuhan ane ikhi logolik, ningginik sambul wene andi tibugu halok he hiren hobuk At Tuhan Lego Mondok welagarek mene iluk hinelu asugun o,” iluk yagaisasigi.

YESAYA 49:3

Aren an yaganeti logolik, ”Hat Israel he An namingmingengge mene o, haren hilingisigin oba re An nenu legeisogo nobagakhi logogun,” ikhe.

MAZMUR 71:7

An kagalnarek werek mene re Hat homame a'ma fetnarek welagenma re, an neluk logolik it afuni hokhorogo nen an nobabut walhigik hilingisuageluk welagi.