ZAKHARIA 2:8 - Allah Wene Fano Wene Hupla Inane

⁸ Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

ZAKHARIA 2:8 Referans Kwoze

MAZMUR 17:8

An nebe Hat heilenggen elonggoma mene hakhogo halnafi logoino, neisena. An he it afuni weak hilingitarek mene nen mu'niugunem he Hat hogolabi a'ma kwelaknobagakhi logoin o.

ULANGAN 32:10

O ekhema lagik, ekhema lagik nugunem, inebe woginafikhe, o leimo afuni inareng le'ma, nugunem woginafikhesik, elele waganogo, ferinarek welagarek, Nen at onggwarek mene lugouwageluk, ferinarek logolik, eilen woginarek nikherek.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.

MATIUS 25:40

an ap kain nenupogot andi nen he, it afuni omanogo mel yagaisagain: Hiren an nagoromi inenu lek mene ekhe were'ma a'nogo hilinginafi lagagip andi, anat hilingnafi lagagibo, iluk, eberogoat yagahisigi, iluk yagaisagain.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.

YOHANES 17:18

Haren an nebe afuni kweangma mene inoba laknobagai wagagin a'nogo hak, an nen it a'nogoat afuni kweangma mene inoba lakfisigi o.

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

ZEFANYA 2:8

Tuhan Omame Mondok Hokho Mene a'nogo nen ikhi logolik he, ”It afuni inunggulenu Moab mene inom, Amon mene inomen he An nagainafuri li'norinafi logolik pilibinabi'lagwi mene andoma An mondogat nesanggo holhi o. It An nagainafuri inanggweang omanogo teluogeluk he inane nen lalinafi lagaikha.

HABAKUK 2:8

Hiren he, afuni inunggulenu lombok o yi awi ti awi welagaikharek mene, hinaniniba inebe inoatik, inawi kota meisalhik, inebe weagerinafik, ikhi logolik, inangge hinenggi abisak telogo helasigip andi nen he, hobuk it mene ekhe fena ineluk logogun mene nen, lagokhogo hit hinangge inenggi abisak telogo helogoin o.

MIKHA 7:10

Attak he, it inaselei mene nen nit pilipninafi logolik yi'nogo ikhi lagaukwa, ”Hit hineisena Tuhan Allah andi re ebe koma werek nogo?” iluk ikhi lagaukwa. Oba nen yogondak he, nit nineisena Tuhan nen nit ninobaget hilingninaferek mene andoma nisambik he iren inenggali asugun. Nen, it ninaselei mene andoma re fesi ebekhe kwe were'ma sebelharek andi hakhogo sebelisamo nineilenggen isogoin.

MIKHA 5:6

Tuhan nen he yi mene ti mene yago meneba lilengge ebene figik, meiso pelabi wagik, ugunem fano agarek andi hak, afuni Israel mene fena ekhe ineluk werek mene andi afuni inunggulenu lombok inanggelekwe logolik, afuni mene inoba himbirik welagi'lek Allah oba himbirik were'ma, Aren fanorinabigin.

MIKHA 4:11

Hit afuni Yerusalem mene yi. Afuni inunggulenu lombogen he, hit Yerusalem mene hinoasuogeluk inebe arat logalhasik werego. A'nogo logalhasik he iren weim abok ikhi logolik, ”Afuni o Yerusalem mene andi re mondok alperelogo legetfisogoin o. O kota andi re, meisak lambukhogo hilingi'mo nineilenggen hogoin!” iluk ili'lagwi.

AMOS 1:13

Tuhan nen ikhi logolik he, ”It afuni inunggulenu Amon mene re hundik-handik weagenek hilingitu weregen he, eberogoat An nen wene inoba fagain o. Iren it inaiba wilayah omanogo hokhorogo wialasuageluk hilingiti logolik, iren hemi o Gilead hemi ineagwi ina'ma mene inalabut pelanghigik inoata andi.

AMOS 1:11

A'nogo isikhesik Tuhan nen ikhi logolik he, ”It afuni o Edom inap he hundik-handik weagenek hilingitu weragen he, eberogoat An nen unggum wogisagain o. Iren he inendawirinafi'lek engge it inagaila'lak Israel mene a'nogo inoasi kwisukwa. A'nogo hilinginafukwasik he iren ina'mage inoba fikhi logolik inendawirinafi'lek sebelinarek welagaikha andi.

AMOS 1:9

Tuhan nen ikhi logolik he, ”It afuni o Tirus inap he hundik-handik weagenek hilingitu weregen he, eberogo An nen unggum wogisagain o. Iren he, afuni inunggulenu misik mene ekhe hele warinarek lagaukwasik he afuni Edom mene inoba wogisasukwa, iren he wene inom inane misik wata mene a'nogo taganhogo hilingita andi.

YEHEZKIEL 35:5

O attagenat engge hiren Israel mene hinaseleirek logolik, inaweak onggo unggum enggin mene wurep kobokhogo wogisogoin sambul aremnogo re, hiren hineil fuluk welagagip.

YEHEZKIEL 26:2

”Afuni wa'lagaikharek mene yi re, it afuni o Tirus werek mene nen it inagaiyek hokhorogo hilingitik, a'mit sup-sap liafik hilingiti logolik inaneba re Yerusalem a'nogo mondogat wolelenggenhogo hilinglaga o! Yi mene ti mene onggo palhi logolik omame werek awi a'nogo re mondogat longgo ikhe. At he nit ninom walhamo re elo'lego! Iluk ili'lagwi o,” yaganete.

YEHEZKIEL 25:15

Tuhan Lego Mondok welagarek mene a'nogo ane ikhi logolik, ”Ap Filistin mene nen he o attagaren engge ina'mage fugu mondok welagaukwasik ina'makwe het oba mondok elo'lekhogo hilingfisigik, mondogat legetfisigik, aga.

YEHEZKIEL 25:12

Tuhan Lego Mondok welagarek mene a'nogo nen ikhi logolik, ”Unggulenu Edom mene nen he hit Yehuda mene hinoba inaniniba hilinghinobagakhi lagaukwama a'luk he, iren ogo ina'mageba hilinginafi lagaikha mene andi re weak hokho mene hilingiti lagaikha.

2 RAJA-RAJA 24:2

Wene a'nogo palhukwasik Tuhan nen at amingmingengge it nabi omanogo bene nen wene isikhe mene higithogo re, Aren ap inobabut weak inap inasikhe liklouksek mene it inunggulenu Babel mene inom, Siria mene inom, Amon mene inom, Moab mene inom he at raja Yoyakim inom weim yagaisogo re Yehuda inap sebelogo fisoageluk lakfisa wagaikhe.

KEJADIAN 20:6

Yagatikhemo, Allah nen onggo abiba yagati logolik, ”Eberogoaro, hat hendawinggen mondok fano logolik hilingiten andi an nelure'ma re, an weak noba fegen hanogo iluk hagap telogo hobagagi o. Haren he andi agap sen hoak iluk herak fisegen andiba nen, he andi agun he, Nawene yagaisugu mene hilingi'mo hat wa'lagen hanogoluk samban hobaget igin enggere yogondak he andi agun onggwarek wogom o, nen haren he andi agun onggwarek wogosigin lek halok he hat hebe inom hat hamlogomi halinafi lagen mene mondogat inom wa'lasugun.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

ZAKHARIA 2:9

”Tuhan amu negen hit hinom weim yabigin o! Nen, Hit he, it hinamingmingengge higit ferinarek welagagip mene andoma nen weaget hinabugun. Andi ebe hilinglagu halok he, Tuhan Omame Mondok Hokho mene a'nogo nen an laknobai wagama iluk hirogo hinelu asugun aro,” ugunem higi.

MATIUS 25:45

an nen he, ”Hiren afuni ekhe inenu lek mene halolot fisikhi lagagip andi re, anat halolot nobagakhi lagagibo, iluk yagaisasikhesik he,

KISAH PARA RASUL 9:4

Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

HABAKUK 2:17

Hit hinaniniba afuni o yi awi ti awi welagaikharek mene inamep wulagaisogo inoatik, inawi kota sili mondok weagerogo figik ikhi logolik, o Libanon andoma e mondok mugusogo sukwalet fesigip andi hak, hinebe a'nogo mugusogo leget hinobagagin o. Hiren wam, sue paik andoma mene warogo legetfisasigip andi hak, wam paik sue andi nen hobuk lagokhogo hinailo mene hilinghinobagagin aro.

AMSAL 7:2

Hit hineluk fano logobagaigen he, an nen komothinafi lagi mene andi, nane hologo hilingiti logoino. An nen komothinafi lagi mene andoma re hinonggwarek hineilenggen alelogo fetaluk welagep andi hakhogo fetaluk logoino.

YEREMIA 12:14

Tuhan nen ikhi logolik, ”It o negara Israel inom horokhogo werek mene o kweang An nen nagainafuri Israel mene wogisigimo nen weaget faga mene a'nogo faget he wene re yi'nogo yi o: Kweang oba nen wilibik engge sanogetarek hak, ap inanini mene andoma re it inanggweang oba nen An nen wulak fisagain o, nen Yehuda re it inenggiba yinggilogo fisogoma nen An nen lologo fisagain.

YEREMIA 27:7

Yi afuni ti afuni inunggulenu lombogen he at obaget hilingitik, at amlogo obaget hilingitik, at omba obaget hilingitik, ugu werek kwelek enek he, o kweang andi sebelasigin huli andoma logogin. Andem sambul he it inunggulenu Babel mene re inunggulenu inomame werek mene andoma inoba inom, raja hokho mene inoba inom inobaget hilingiti logogun.

YEHEZKIEL 26:20

Andi nen An nen hat hanggweangma ap wa'la'luk lagaikharek oba omanogo lakhobagaumo lambik it ap o andemen wa'lagaukwa mene omanogo hinom mangosi lagain. An nen hat hanggweangma ap wa'lagaukwa mene inanggele'ma andoma lakhobagaumo logogin. Andiba re hat hanggweang oba it ekhe logogun lek, nen hat faget ogore afuni ineluk werek mene inanggele'ma nen ekhe wurep wokhiikhi logogun legat.

YEHEZKIEL 38:14

Andi faget he Tuhan Lego Mondok welagarek mene a'nogo nen wene yi at Gog yagasuageluk laknobagai waga, ”An nagainafuri Israel mene inailo legengge fano liokhogo were'ma andem, hat wesimbik pin talogo kwi wesigin.

YESAYA 49:19

O sili haren mene afuni inareng le'ma mondogat lei pirimsek mene a'nogo yogondak he afuni o andoma logogun inamolo mene nen mondogat hopot faga o. Nen afuni hat hebe leget hobagauwogeluk hilingiri'lagwi mene omanogo hat hoba nen mondogat yatma hela lagaikha.

YEHEZKIEL 36:11

Afuni inom, hinanggo inom, An nen ekhe inom oba loukhogo wokhisugunem, attak he maben hak welaga oba nen he, mondok hokho-pokhorogo sik pik ugun, nen iren he, inagainafuri inom, inombawi inom, hokhorogo taginabugun. It inebe re o andoma attak welagaukwa hakhogo were'ma An nen sik pikhogo ekhe hikhi lagaukwa lek mene hilingfisagain. Andiba re, iren An Tuhan welagirek mene a'nogo inelu asugun.

YEHEZKIEL 38:11

Haren o kweang leget pa'leget waganek lek mene, nen afuni ogo inailo legengge inendawi seramhogo werek awi andi nen ekhe kota leget pa'leget waganek lek aiba, inendawi hambugengge iluk ogo werek lek aiba andi inom wolelenggenhogo fagain iluk wene tekhogo isigin.

ZAKHARIA 8:5

Nen, ebekhe kwe o kota laga logogun kwe andoma re yenggerugwi magendek mene yele yafi logogun mene nen hoporogo hilingik logogun.