An Tuhan Lego Mondok welagi mene a'nogo nen wene yi menfikhi lagi hilingi'mo re, it ap pok mene inom, inagap pale'lek mene inom, An nane hologo hilingiri'lagwi lek mene inom he An nawi wuri'mo andoma ibi-eberogo nenat kwikhi logogun lego. Wene andi re, it ap pok mene ap Israel mene inanggele'ma femhogo werek mene faget ogo ikhi lagiat andi,” iluk ikhe.
ZAKHARIA 14:21 - Allah Wene Fano Wene Hupla Inane21 O Yerusalem oba inom, Yehuda ba inom, panci andoma mondogat he Tuhan Omame Mondok Hokho mene a'nogo obaget amu enogo hilingitu mene fogoin. Afuni wam warogo fei wagu mene nen he, panci andoma wam fugu mene omanogo isatu mene wanhi logogun. Inenggi andiba asi wesigin sambul he, ap onggo palhu mene re Tuhan Omame Mondok Hokho mene a'nogo Aiba andoma ekhe logogun lek. Gade chapit la |
ZAKHARIA 14:21
27 Referans Kwoze
Andi faget he Aren ikhi logolik, ”Yago, hit Israel mene yi. Hiren he, An nebe hineisena Tuhan Allah welagirek mene a'nogo hinelu asugun o. An nebe re Nandom Sion mondok horek mene a'nogoba logogin, Nen, o Yerusalem ogore An nonggwarek nawi kota fano horek awiat hilingisogo fagain o. A'nogo hilingfugunem, hobuk afuni pok mene o andoma kwikhi logogun mondok lego.
A'nogo meneat he, it afuni ekhe weak inabit mene hilingitarek mene inom, it wesagun anggwelek inoatarek mene inom, it pailak hilingitik, fakfisoageluk hilingitik, agarek mene inom, it afuni inoatarek mene inom, it inendawinggen tugwi kembu oba himbirik logolik fogeratarek mene inom, it inambeba nen lalinafik, yi mene ti mene hilingiti logolik, lalinafik, agarek mene inebe lombok inom, mondogat o kota andi abel endakwe logogun o,” iluk yaganete.
A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.
Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.
Inenggi andi sambul he kuda asubene abolok lelok-lelogenggetu mene porek omanogo ebene re hesesengge wokfuluk, ”Tuhan obaget amu enogo werek,” iluk palogo foumo logogin. O Tuhan Aiba panci omanogo re, mangkok Tuhan obaget warogo nolhi logolik mezbah elokhoma enogo werek mene hangge iluk anggikhi logogun.
Arigini'mo re, hit Yakub ambisangma mene yi sani, Hineisena Allah ba hinendawinggen tibet fuluk, sugulogo At ambit waga logoni o. Hit hinebe hineluk logolik he, hinendawinggen hundik hilingitik, higithogo nek hilingitik, hilingitu logolik hinendawinggen hambuk haluk hineisena Allah nen hilingisigin iluk nenangotu logoni.
Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.
Kweang it eise asimbik logogun mene andi oan sumburogo it inunggulenu lombok wogisigi'lek logolik he misik ekhe Tuhan obaget mene tak amu enogo fogoin. Kweang andi uanhogo re 12,5 kilometer en mene fogoin. Nen esanggo sabiarogo re 10 kilometer fogoin. Ma re o andoma mondogat oba re mondok fano horek oba ikhi logogun.
Piblisite