Afuni fenakwe ekhe minggilogo re ou amben weak meneba nen inom, sumburu ouwagen inom, o kota yiba asi wesigin mene andiba nen mondogat wa'lasugun. Fena ekhe minggilogo re karogen o kota endakwe fikhiren inobakhe tegethigik inoasigin. Nen fenakwe ekhe minggilogo re An nen o unggut-unggut higithogo telfolisigik, karok fanghogo sikmuk isigik, igin.
ZAKHARIA 13:8 - Allah Wene Fano Wene Hupla Inane8 nen o andoma mondogat afuni logogun mene re inebe minggilogo dua pertiga hakhogo re wa'lasugun. Gade chapit la |
ZAKHARIA 13:8
34 Referans Kwoze
A'nogo ugunem he, o sili hokho a'nogo kweang pakhogo henagan minggilogo hilinglagik, afuni inunggulenu lombok Allah ebe inonggot mene inawi sili lombok mondogat sanik-sanokhogo wolelenggen tagalagik, ugunem, Allah nen he, ”An na'mage hokho anggur amusu hinago hak a'nogo, at o Babel hokho a'nogo wogosigin,” iluk abok yagatikhe mene andi endawimo ebetesik, wogeti laga higi.
Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.
It inebe 10 nen mene logogun oba nen ap misik ekhe o kweang andiba logogin halok he eiloak legasiginat. Oba nen he e wein mugusogo lakfugu mene andimiba nen asimit suphogo lagaikherek andi hak, afuni inunggulenu andi mene alinlan ekhe logogun mene re, hobuk An nagainafuri a'luk inebe horek mene logolik enogo logogun mene erorasugun aro,” iluk yaganete.
At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.
An wesimbik hit hinagap telogo hinobagagin. Ap inunggulenu An nen hit telfol hisasigikwe mene andoma re An nen mondogat leget fisagain, oba nen hit he a'nogo hilinghinabigin lek. Eberogo nen hit he unggum andiba nen ekhe fulelugun lego, oba nen he An nen hit hinoba unggum wokhisagain mene andi re higithogo nek werek higithogo hinoba fagain. Iluk An Tuhan nen nane mondogat igi o,” ikhe.
It wesuogeluk waga logolik he, it afuni An nane oak sagalogo fuluk hilingiti logogun mene omanogo were'ma ineilenggen isikhi logogun. Nen, imbalo nen it inebe warek andoma ninggi logogin mene re wa'lasugun mondok lek, nen endu it nolinabigin mene ogore nagul aga logogin mondok legat. A'nogo hilingi'mo afuni mondogaren ineilenggen isaluk inali'lip mondok hikhi logogun o,” iluk ikhe isikhe.
Ap ina'mage lagaikherek mene inom wene sagalharek mene inom he An nen hit hinanggele'ma andoma nen lisogo wulakfisagain. It An nen woginarek inanggweang it inebe yogondak werek oba andoma nen wulibi lambik, it nekhengge Israel mene inanggweang oba andoma sugulogo loageluk yagaisagain lek. Andiba re An nebe Tuhan welagirek mene a'nogo hiren hinelu asugun o, ikhe.
Piblisite