ZAKHARIA 12:8 - Allah Wene Fano Wene Hupla Inane

⁸ Inenggi andi sambul he, An nen afuni Yerusalem mene nawe a'ma fisaluk ferinarek logogin. Nen, inanggele'ma nen he, mondok inomame lek mene ogore, Daud omame welagaikhe hak hilingisogo fisagain. It inebe re malaikat An mene nen halinafunem hakhogo re, it he An nonggwaregen halinafunem, it Daud ambisangma mene nen halinafi logogun.

ZAKHARIA 12:8 Referans Kwoze

ZAKHARIA 9:8

An nen nanggweang faget kagalek logolik, it ap pok mene esa logalek kwe andi kwe nen lagu mene re inanggwe palhi logogin. An nen it ap inenggi omameba sebelinarek werek mene andoma An nagainafuri mene hobuk weaget fisanogoluk hilinginabigin lek. Andi re, it enggin-fenggin hili'lagwi mene An neilenggen mondogat isikhi lagi andi nen hilingisigin,” iluk ikhe.

ZAKHARIA 2:5

Tuhan nen wene wati logolik, At onggwarek ebe o kota andi faget pa'leget higit endu meneba haningisogo logolik along palogo fisogo logogin, nen, At ebe re along-palonghogo logolik omame hokho mene logogin, ikhe iluk yagasi lan o,” ugunem higi.

MIKHA 7:16

A'nogo hilingitunem it afuni inunggulenu amu mene andoma nen ineilenggen healuk he, iren ninomame werek iluk anggili'lagwi mene andoma re, hilingisu lek hak iluk futfuluk inenggali asuak. Nen, iren inelouk-pineloukhogo hilingitarek mene andoma mondogat longgo ugunem he, inane igi'legat inesanggo holhi'legat logouwak.

MIKHA 7:8

O Yogondak he, nit o mum oba welagoba nen, nineisena Tuhan nen seleget ninabigin. Nen peikhogo warogoin oba nen, ninambotkwe menlasugun. Andi nen he ninaselei mene nen nit hilingik welago mene ineilenggen nisaluk inagaiyek asugun mene ekhe werek lek.

YOEL 3:10

Yabu sige wanhi lagep mene andi re karok weim yafu mene hilingisogo figik, pisok yi mene ti mene palhi lagep mene andi re, afuni talinafu mene hilingisogo figik, ino o! Nen, it ap inomame lek mene nen he, An ogo it tentara nen hilingitarek higit hilingisiginat, iluk ikhi logouwak aro.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

WAHYU 22:16

A'nogo yaganetesik, at Yesus nenat hobuk yaganeti logolik he, ”Yi wene ti wene yi abok, an nagot malaikat en hit nagainafuri o yi awi ti awi andogoti lagep mene mondogat yagahisoageluk hinoba lakfei wagi andi re, an Yesus nen aro. Nen, e asimit fulelherek andi hak, ap Daud en tagongge mene a'nogo re, an nebe aro. Nen, hesagal wap o mo yegelogo lagai wagarek higiren, liabi wagarek mene amulit hokho a'nogo re, an aro,” iluk yaganete.

IBRANI 11:34

endu amulok inailo mene nagulogo figik, karok oba inoasu mene inonggwaregen inebe teligik, inomame lek meneat he, inomame agik, weim yafi logolik inomame arik he, inom weak mene esa hokhorogoat mugisigik,

1 TIMOTIUS 3:16

Wene andi, nit Allah awe a'ma logolik eberogoat iluk anggogorek wene hinago welagaikhe mene Allah nenat fakhogo weinamet fesikhemo, ”Wene andi esin,” iluk fakhogo ikhi lago. Andi re: At Kristus ebe afuniat weinam agaikhe o. At Allah Areagun nen, ”At Kristus andi eberogoat,” iluk sele'mat fesikhe o. It malaikat Allah nen yonggo pelakfisa wagarek mene ineilenggen hasukwa o. Agoromi nen at hilingiti lagaikhe wene a'nogo yi afuni ti afuni endakwe mene yagaisilik lagaukwa o. Afuni o yi awi ti awi mene ekhe hokhorogo aren, ”At ebe eberogoat,” iluk, inendawinggen at oba himbiret fesukwa o. At Allah nen pogoroba fogeratu mondok welagaikhare'ma liakfesikhemo welagarego. Wene andi re, at Allah nenat weinamet fesikhemo fakhogo ikhi lago o.

ROMA 9:5

Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

MALEAKHI 3:1

A'nogo ikhi lagepma re At Tuhan Omame Mondok Hokho welagarek mene a'nogo nen wene onggo ikhe, ”An nanggwe fanorogo yati logouwageluk, An namingmingengge ekhe lakfei wesumo re, we ferekhogoat hiren An hera'nafi lagep mene Tuhan a'nogo An nawi wuri'mo andoma wesigin o. Ap an nen lakfei wesigin mene faget hiren hinendawimo eberek mondok welagep mene a'nogo wesimbik he, An nen wene wathisasigi mene andi fakhogo yagaisikhi logogin o,” iluk yagaisasikhe.

MIKHA 5:8

Hobuk it Israel mene nen he it inaselei mene mabenet fisaluk inebe mondogat legetfisogoin.

HOSEA 12:3

Tuhan he wene unggulenu Yehuda mene inom werek, Aren it Israel mene ogo it inobabut oba unggum wogisagain. Nen Arenat it inobabut hilingitarek oba ambisangma hilingfisigik igin.

YEREMIA 27:10

Iren hit lalhinafi logolik he o kweang yatma wokhinarek logoin o. An nen he hit hinonggwarek hinanggweang oba oma nen mugusogo wulak hinobagaumo re hit hinebe mondogat hineiloak legasugun.

YESAYA 63:9

it inoba enggin-fenggin hagarek mene a'nogo re At oba aga. Tuhan ebe nenat it inebe telinabi waga, nen inobali'mo iluk ap yonggo lakfisagarek andi hak lak fisa wagi'lek. At amu nenat it inelagaik isaluk endawi hundik hilinginafikhesik he fikhalogo fisasikhe. Attagen engge Aren hambogoisogo woginafik, agaumo felikhogo woginarek lagik ikhi laga.

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

YESAYA 49:7

Allah Horek Mondok logolik Is rael mene inagap telinaferek mene a'nogo nen, mel ikhe ap andi oba li'norogo inabit oba fagarek mene inom, nen it inunggulenu lombok welagaikharek mene omanogo nen at oba inabit anggagarek mene inom, nen it ap inenu werek mene inamingmingengge a'luk werek mene a'nogo nen inom, at oba ikhi logolik, ”Raja-raja andoma nen he, An nen hilingisigin mene neogoin aro, it inebe menla'luk An fogetnafi logogun. hilingisigin mene omanogo ineilenggen haluk he it hobuk hebekhogo An fogetnafi logogun aro. A'nogo hilingitunem it ap inenu werek inap logogun mene omanogo nen ogo ineilenggen haluk he ineindep awi yagaisogo fogetnabugun aro,” iluk ikhe. Andi hilinglasigin andi re, At Tuhan nen Amingmingengge a'nogo mondogat wenagaisogo fikhe andi nen hilingisigin. At Allah Horek mondok logolik Israel mene ineisena welagarek mene andi nen, Aren wene ikherek meneba tiphogo nek hilingiri'lago andiba hilingisigin.

YESAYA 30:26

Tugi re mo yaterek hakhogo selegerati logogin, nen mo re nisambul yaterek mene re we harek oba nen he andem sambul he inenggi wenagaisogo sabiroba mene misik seberogo hak selek mondok hokho mene hilingik logogin. Andi mondogat hilinglasigin andi re Tuhan nen At againafuri mene inoatikhe mene omanogo inoumo yelfisigik, fano hilinginafik, igin sambul andi hilinglasigin.

MAZMUR 82:6

An nen hit hinoba ikhi lagolik he, ”Hit he mondok esin mene welagep andi nen yagahisikhi lagi o, nen hit he At Allah ebe Mondok Lego werek mene a'nogo againafuri welagep.

HOSEA 1:7

Oba nen he, An Tuhan, it ineisena Allah nen afuni Yehuda mene andi nendawirinabimbik telinabigin o. A'nogo meneat he, sikhe oba inom, karok oba inom, weim yafarek mene ekheba inom, ap tentara kuda ba lagaluk yafarek meneba inom, telinabigin lego,” iluk yaganete.

KELUARAN 14:19

A'nogo yagatikhesik, Allah agoromi malaikat ekhe afuni Israel mene esa logalek inelokhoma waga lagaikhe mene higilogo inambotma higit asi lagunem he, o hena telik welagaikhe a'nogo higilogo,

KELUARAN 33:2

An nen he, malaikat ekhe hit wokhinarek mondok loageluk ayonggo fembik hinoba lakfei wesigin o. Wokhinarek lamo, An nen he, afuni inunggulenu Kanaan mene inom, Amori mene inom, Het mene inom, Feris mene inom, Hewi mene inom, Yebus mene inom, mugusogo wulakfisagain o.

IMAMAT 26:8

Nen, hit hinebe fuaben oba nen he ap hinaselei mene inebe 100 nen mene inomame elok mabenet fisa hak logogin. Nen hit mene ap hinebe 100 nen oba nen he it inaselei mene inebe 10.000 nen mene elok mabenet fisa hak logogin.

YOSUA 23:10

Hit hineisena Tuhan Allah a'nogo nen wene yagahisikhe mene higithogo re, Aren hit hinobaget weim yafunem he ap hit hinanggele'ma nen he ap mondok hokho-pokhorogo mabenet fisikhi logogun o.

MAZMUR 8:5

afuni andi nek he ningginigen, Haren it inoba eberek mondok welagen nogo? It andi sani iluk, Haren inebe ferinarek mondok welagen nogo?

YESAYA 31:4

Tuhan nen an noba ikhi logolik he, ”Singa nen ninggerek engge sebelek logolik, it ap wam domba konharek mene esa logalek omanogo nen inane hokhorogo kwetu mene omanogo faget ailo agi'lek welagarek andi hakhogo re, An nen hobuk Punu Sion a'nogo faget weim yabimbik sebelogo fisogo logogin o.

ZAKHARIA 9:14

Nen At Tuhan ebere At againafuri mene inoba inugisigik, Nen At andok he eilabut hakhogo pising-pasang isigik, Tuhan Omame Mondok Hokho mene a'nogo nen weim yabi kwikhi logolik enekhogo iluk he trompet ane futhigik, nen selatan fikhiren sogoi sielu hokho mene funha wagik, igin.

YESAYA 33:24

Nit ninaiba nen ap misik iluk ogo ouen ekhe heinet wati logogun lek, nen weak mene mondogat he Aren sagalogo leget fisagain.

ZAKHARIA 10:7

Afuni Israel mene re ap sikhe fisogo mene mondok inaninirogo hilingitu mene hak, inomamerek logogun, nen ap anggur amusu nunggunem inendawimo inagaiyegetarek hak, hilingiti logogun. An nen it inoba inalonget fisikhi lagi mene ari re, it inambisangma mene nen inenggi ekhe wagik-ekhe wagik ugu kwelek andoma inonggot agi'lek eberek mondok logogun. It he An nen hilinginafirek mene andoma faget, inendawimo inagaiyek hikhi logogun o.