ZAKHARIA 12:5 - Allah Wene Fano Wene Hupla Inane

⁵ A'nogo hilingitunem it Yehuda inap ineisok erokwe mene omanogo inendawimo nen anggikhi logolik, ’Tuhan Omame Mondok Hokho mene a'nogo nen At againafuri o Yerusalem werek mene inoba inomamet fisikhemo o,’ iluk ikhi logogun.

ZAKHARIA 12:5 Referans Kwoze

ZAKHARIA 10:12

An nen nagainafuri inomamet fisagain, andi nen he, iren An nane hologo hilingiti logolik An nobaget enek hilingitu logogun, iluk An Tuhan nen nane mondogat igi o.” isikhe.

YOEL 3:16

Tuhan ebe andom Sion oba logolik, ane kwe igik, o Yerusalem logolik, ane unggunggu ane hangge pak igik, igin o. At ebe nen hilingitunem pogot kweang abolok igin. A'nogo abolok igin meneat he, nineisena Tuhan ebere At againafuri Israel mene inebikhit agik, awe a'ma fisaluk ferinarek welagik, igin.

MAZMUR 18:32

At Allah andi re we Tuhan amu nek werek, nen nit ninili wo'ninaferek mene ogore we At alegat werek.

MAZMUR 144:1

Daud en isikhe mene. At Tuhan andi re an nebe awea'ma nobagaluk fetnarek werek mene hilingi'mo re Arenek fogerati logouwok! Aren he weim yafarek mene andoma an yanggulnafik, o pin talogo inoatarek mene andoma an yaganetik, ikherek,

MAZMUR 18:39

An nen inebe warogo hulambet fisugunem he, it inebe feisakhogo menlasu re elo'lek. Nen an neiso'ma warogo taiget fisugunem he libi lebe u re elo'legat.

YESAYA 28:6

Tuhan nen he ap hakim wene inoba higithogo hilingitu mene wogisigik, it ap selei mene nen inoasi wesinogoluk o kota kagalek werek mene inoba inailo lek mene hilingfisigik, igin.

ZAKHARIA 12:6

Inenggi andi sambul he Yehuda inap ineisok erokwe omanogo re An nen e wurogo nolek meneba endu fagaisogo kwelakfugunem amulok kulung hikherek hak inom, athe gandum enggen palugun horokse'ma anggele'ma endu fagaisogo kwelakfugunem hilingiterek hak inom, hilingisogo fisagain. Nen, iren he inunggulenu inera'lukwe werek mene omanogo leget fisogoin. Oba nen afuni Yehuda mene re o kota andomaat logolik inailo legengge logogun.

ZAKHARIA 10:6

Tuhan nen ane ekhe inom ikhi logolik, ”It afuni o Yehuda mene re An nen inomamet fisagain o, Afuni Israel mene re An nen inagap telinabigin. An nen it inoba nendawirinafi lagimo re, woginarek nekhengge it inawi eroma fisa wesigin. An nen it ekhe inunggulenu mene inoba herakfisigi'lek wene warisasigi hakhogo, it inoba ogo mondok fanorogo hilinginabigin o. It ineisena Tuhan Allah re we An namu nek welagi hilingi'mo re, iren samban ugu mene An nen inane nesanggo holhi logogin.

YEREMIA 33:26

An nen wene at Yakub ambisangma mene inom, nen namingmingengge Daud ambisangma mene inom faget watigi mene andi re fisogo mondok logogun. At Daud en tagomangge mene ambisangma mene misik ekhe nen he Abraham, Ishak, Yakub inambisangma mene melalinafi logouwageluk An nen wenagaisogo fagain. An nen nagainafuri inoba nendawirinafik, nen it inebeba sik pikhogo logouwageluk hilingfisigik igin aro,” iluk ikhe.

YEREMIA 30:21

Raja hit fethinarek logogin mene re hit hinunggulenu mene logogin. An nen at ebe nambit wesuageluk woletunem he selekhogo An noba horokhogo waga logogin. Ap sa nen ekhe amu endawinggen wenggel fuluk ambong serogo An nelokhoma asi wesu hak anggegep? Hit he An nagainafuri mene asugun. Nen An he hit hineisena Allah asigin, iluk An Tuhan nen nane mondogat igi o,” ikhe.

YESAYA 60:17

An nen no perunggu obali'mo re emas waluk wesigin, posiemanggen obali'mo re perak waluk wesigin. E obali'mo re perunggu wokhesigin, nen helep obali'mo re posiemanggen wokhesigin. Nen o kweang hat haiba andi re, An nen hambukhogo logolik lombukhogo logouwageluk hilingisogo fagain. A'nogo hilingfoumo re o andiba wene katokhogo oak palhi logogun mene omanogoba nen elokhe fanorati logogin.

YESAYA 32:1

Hani, inenggi ekhe wesigin meneba re ap raja misik ekhe wene higithogo inoba figik kotik ikhi logogin mene wesimbik melalinafunem, ap inogogwi kaindek ferinarek logogun mene omanogo nen ogore wene higithogo nek hilingiti logogun.

YESAYA 29:10

Tuhan nen he hit nogo nineilhogo kunalhikhi logolik nogo homokhogo uwageluk hilinghinabigin. Aren he ap nabi ineilenggen mumet fisigik, ineilenggen fano yethagarek mene inelokhe salfisigik, igin.

YESAYA 1:26

O attak hit hinogogwi unggum pilingitarek inap hakim inom, komorinafarek inap inom welagaukwa andi hak, hobuk ap inobabut ariginik mene wenagaisogo fisambik wokhisagain o. A'nogo wokhisamo re, hit afuni Yerusalem mene re tiphogo hilingitik, higithogo hilingitik agarek aiba iluk yagahisikhi logogun o,” iluk ikhe.

YESAYA 1:23

Hit hinogogwi kaindek fethinarek welagaikharek mene omanogo re wene oak sagalogo hilingiti logolik he, afuni yogot wanharek mene inom sebe'luk weak hilingiri'lagwi andi. A'nogo hilingiti logolik he yi mene ti mene weat wogisugunem heligik, inenggi a'makwe nen heligik hilingiri'lagwi. A'nogo hilingiti logolik he, yenggerugwi suarek mene afuni unggum pilingitarek oba omanogo nen unggum inoba fisugunem it inebikhit agi'lek, hemi sogwe mene inane agarek mene omanogo inane holhi'lek, hilingitarek andi.

YESAYA 1:10

Hit Yerusalem mene hinogogwi fethinarek mene hinom he afuni o Sodom Gomora mene inobabut wanhigipsik welagebo. Nineisena Tuhan en wene yagahisikherek mene andi furogo holfuluk he nit nineisena Allah nen wene yaga hisikherek mene andi fanorogo wanhi logoni o.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

HAKIM–HAKIM 5:9

Ap Israel mene inogogwi kaindek weim awene agarek mene inom, afuni holhu mene inomen inendawimo nen anggaluk weim yabugun aga andi, Nendawilage, iluk hai wathinafi lagi o, Tuhan enek fogerati logouwok!

ZAKHARIA 12:4

Inenggi andi sambul he An nen kuda andoma mondogat inafekwe nonghong isigik, nen ap amboloba lagaluk lagu mene re An nen lugu-lugirinafik, nen it afuni Yehuda mene re An nen kagalinarek welagik, hilinginabigin oba nen he it inaselei mene inanggo kuda re An nen eil puk mene hilingisogo fagain.

ZAKHARIA 14:14

Ap mene nek o Yehudaba nen he, o Yerusalem ili wanhi logolik weim yafi logogun. Hugulengge wanhu mene iluk he iren ap inunggulenu inera'lukwe logogun mene omanogo inangge mondogat emas inom perak inom, inasu kabogeritikhi logogin mene omanogo inom helikhi logogun.

YESAYA 28:5

Tuhan Omame Mondok Hokho mene a'nogo re it At againafuri tindelek logogun mene omanogo inobaget he owil-owilengge elokhe fano mene ap kaindek wagunem inungguloba puget fisagarek andi hak o andi sambul At ebere andi higit asigin.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.