ZAKHARIA 12:12 - Allah Wene Fano Wene Hupla Inane

^12-14 Andi nen, it ineisok erokwe mene omanogo inebe lombok le yagaisogo logogun. Nen it Daud ambisangma mene omanogo ineisok erokwe mene ogore, Natan ambisangma mene ineisok erokwe mene omanogo ogo, Lewi ambisangma mene ineisok erokwe ogo, Simei ambisangma mene ineisok erokwe mene ogo, nen ap amu mene ineisok erokwe mene ogo le yagaisogo mondok logogun. Nen, ap ineisok erokwe lombogen ogore inebe lombok le mondok aga logogun, nen it ineisok erokwe lombok omanogo nen ap ogo hemi ogo inamu-inamu le aga logogun o,” iluk ikhe.

ZAKHARIA 12:12 Referans Kwoze

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.

LUKAS 3:31

Elyakim andi re, Melea amlogo. Melea andi re, Mina amlogo. Mina andi re, Matata amlogo. Matata andi re, Natan amlogo. Natan andi re, Daud amlogo.

MATIUS 24:30

A'nogo hilingitu kwelek, an abat ta'lasi wagagi a'nogo arat wesigin iluk, afuni inendawinggen wenggelogo futfouwageluk pogoroba ekhe hilinglasigin oba nen, afuni inunggulenu lombok le agu kwelek nomamerogoat ohena anggele'ma pi wagunem, ineilenggen neambik hokhorogo foge'nabugun o.

ZAKHARIA 7:3

A'nogo lakfisa waga logolik, ”O Tuhan awiba meisalkhukwa mene andi faget niren tahun hundik-hundik andoma tugi fuap meneba werek kwelek he sumburu ninggi'lek ninambe pok welago aremnogo hakhogo logouwoga? Iluk imam inom, nabi inom inoba heinok woginabi lano,” iluk lakfisa wagaikha.

2 SAMUEL 5:14

At ebe o Yerusalem logolik, againafuri ap taginafikhe mene inenu re: Syamua inom, Sobab inom, Natan inom, Salomo inom,

1 KORINTUS 7:5

Halok he, hemi ap hinom nogo ikhi logogun. Heksek logogubo. Samban uogeluk halok he, yi'nogo ugun: ”Elama faget weat logouwok,” iluk weneane hinom imbigen, samban ikhi logombik he, hobuk hinom lambukhogo logoino. Hinendawinggen sebelugun elo'lek andi nen, Iblis nen hinendawimo kagalinogo iluk he, hinom lambukhogo logogun andi.

YOEL 2:16

Afuni mondogat andogerinapluk he, tegelogo fisani. Ap inaluendek mene inom, yenggerugwi magendek mene inom, omalik eilak oba mene inom, nen it tugum souge ket lambulinafa mene inom ogore, it inebe nogoli'lagwi kwe andoma herak fisaluk wesuak enego.

YEREMIA 31:18

Hobuk an nesanggo holhunemen he afuni Israel mene re inendawimo heiselogo, inane ikhi logolik he, ”Tuhan nineisena, nit he wam maro eil oan wati'lek mene hangge hilingik welagagu o, oba nen he niren futfuluk hilingisuageluk he Haren yaganisasigin, nen yogondak he nit sugulogo Hat hoba wesuogeluk hilingiti lago, nineisena. Ma re, Tuhan Allah nineisena, Haren nit nekhengge wo'ninabin o.

YEREMIA 13:18

Tuhan nen an noba ikhi logolik, ”Raja inom at agaisa inom takhta ba re mahkota ebe mene at ungguloba puksegengge a'nogo waganogo pikhenggere hurek werek oba andoma nen puakhogo yagaisan o.

YEREMIA 4:28

Kweang he fong wasigin, pogot he hik-kiruang teng igin. Tuhan ane mondogat ikhemo re hilingisigin anggikhe mene andi sugi asigin lek. Aren wene mondogat tegetemo re endebat iluk ogo taganet fagain mondok lek.

YEREMIA 3:21

Tom unggulkwe andoma nen ap inane lenggu lengga ili'lagwi andi re afuni Israel mene weak hilingitik, it ineisena Tuhan Allah oba inonggot agik, aga mene a'nogo oba ebetasik lebetninabuageluk kinoti logolik le ari'lagwi o.

2 SAMUEL 12:1

A'nogo hilingitukwama nen, hobuk At Tuhan nen Natan Allah ane yagaisikhi lagaikhe mene a'nogo ayonggo fesikhesik, Daud oba lakfei wagaikhemo wagaikhesik mel yagatikhe: ”Ap inebe pire mene re, at ekhe kain angge hokhorogo werek mene, nen ekhe re enggi lek elagaik mene emberek inawi kota misi'mo welagaukwa.

KELUARAN 12:30

A'nogo inoati logolik, o misik meneba omalik misik iluk ekhe ineluk fisigi'lek inoatikhe andi nen he, le mondok hokhorogo agunem, inane inesanggo holhukwasik, at raja inom, at agoromi inom, afuni Mesir mene mondogat inom, hokhorogoat ineluk agaukwa.

ZAKHARIA 12:11

Inenggi andi sambul he o Yerusalem oba andoma lenggu-lengga mondok hokhorogo ugun, andi re o lembah Megido Hadad-Rimon faget le aga lagaikha hakhogo le asugun.