ZAKHARIA 11:5 - Allah Wene Fano Wene Hupla Inane

⁵ It afuni onggo palharek mene omanogo nen he inanggo domba omanogo wasuogeluk he nit weak hilingisugun iluk mel wenggelhi'lek hilingitarek, nen it afuni domba eino onggo wanuogeluk hilingiti logolik he, yi'nogo agarek, ’Yogondak he nit ninenggi werek agonggere Tuhan fogerasuok!’ iluk agarek. Nen it gembala-gembala domba eisewerek mene omanogo nen he inendawirati'legengge nen hilingitarek andi.

ZAKHARIA 11:5 Referans Kwoze

YEREMIA 50:7

It he afuni inom ambi agu mene nen he inoba sagali iwe'luk he yei weakhogo inoari'lagwi. An nagainafuri inaselei mene nen ikhi logolik, ”Afuni andoma re Tuhan eilhanem weak hilingiti lagaukwama re niren hilingiti lago mene andi re weak he lego. It inombawi re Tuhan oba eberogo anggikhi lagaukwama re it ogore At oba nek tiphogo hilingiti logou mene hilingiri'lagwi o,” iluk ili'lagwi.

HOSEA 12:8

Tuhan nen it inunggulenu Israel mene inoba ikhi logolik he, ”It afuni Kanaan mene nen weak hilingiti lagaukwa hak hiren ogo a'nogoat hilingiti lagep. Hiren mene hinangge onggo palhik, hunitik ikhi logouwageluk fisikhi lagep mene omanogo nen he it ekhe inom kam warogo yi mene ti mene inoba hunitarek mene omanogo inoba re ilirengge taganhogo walet hagaresik lalogo wogisili'lagwi.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.

YOHANES 16:2

Afuni nen o samban agarek oba nen hit hinenggi lisogo wulak hinobagagunaro. Nen, hobuk it afuni hit hinoasugun mene inebe lombok inendawimo nen he, Allah faget fano inoato, iluk, ugun mene werek aro.

MATIUS 23:13

A'nogo yagaisasikhesik, it Allah ane lisu palek eisewerek mene inom, Farisi mene inom, inom mel yagaisasikhe: ”Hit ap Allah ane lisu palek eisewerek mene yi inom, hit Farisi mene yi inom, hinagap oba nek fano hangge logolik hinendawinggen pire mene yi ri! Hit andi afuni Allah awe a'ma kwinogo iluk he, hirenat kwe yagati lagep yoma ri! Hit hinonggwarek kwigi'lek logolik he, it ekhe kuogeluk ugunem, hiren he, ”Kugun lego,” iluk wene palhi lagep yoma ri!

YEHEZKIEL 34:21

Hiren he domba ou mene omanogo tamakhogo lakfisigik, hinandimugen taung isigik, ikhi lagepma re it omanogo domba esa logalek oba andoma nen wulibi lili'lagwi.

YEHEZKIEL 34:10

An Tuhan Lego Mondok welagirek mene nen hit hinoba ikhi logolik: An yire hit hinaselei mene o. An nandomba andoma nekhengge hit hinoba nen helamo re, hiren halinafi logoni iluk hit hinoba lombot fagain lek, nen hit he hinonggwarek mene faget enek wenggelikhi logouwageluk An nen yagahisagain lego. An nandomba andoma hit hinoba nen hinagap teliginmo re hiren nunggu mene asugun legaro,” ikhe iluk yagaisan, isikhe.

YEHEZKIEL 34:6

Andiba re An nen mene domba omanogore punu uan meneba inom, tom ebene inom andoma yugunat nikherek. It he o kweangma mondogat sagare'ma re ap misigen ogo futfisigik, heraginafik ili'lagwi lek.

YEREMIA 2:3

Israel, hat hebe re An nonggwarek nangge mene welagen, Nendawi hundik mene hilingi'mo nendawirogo hilinghafi lagi mene, Afuni nen hat hoba yi ou ti ou hobagali'lagwi mene re, An nen unggum weakhogo it inoba wogisigirek, iluk An hineisena Tuhan nen nane arat igi o,” ikhe.

NEHEMIA 5:8

Kabogetugusik an nen yagaisikhi logolik he, ”Afuni Yahudi mene inebe it ap inunggulenu pok meneba onggo palinafi lagaukwa mene omanogo niren ninomamerogo lologo wulaginabik lagagu. Oba nen he yogondak he hirogo Yahudi hinap oba nen, he hiren he it inebe onggo huninabuogeluk hinane mondok ninghogo yagaisikhi lagep!” iluk yagaisasigi. A'nogo yagaisasigimo re inogogwi melalinafi lagaukwa mene omanogo re inane endephogo iluk ekhe isukwa lek.

2 RAJA-RAJA 4:1

Linggene misik oba re he sogwe ekhe ap nabi mene agwe at Elisa ba lagaikhesik yagati logolik, ”Neisena, an nagun he ebe wa'lagama o! Nen at ebe re Allah ane hologo hilingiti laga mene andi re neisena haren ogo helu aro, oba nen aren ap inangge ekhe oba palek were'ma re, an nagun wa'laga mene a'nogo oba palegengge a'nogo faget ap ebe yogondak wagasik he, angge obali'mo re an neagwi inebe pire aremnogo helambik amingmingenggeap eragain iluk wagasik werego,” iluk yagatikhe.

WAHYU 18:13

amben fano mene kami inom, heinde hangge mene inom, larengga hangge mene inom, e mur amusu inom, kemenyan amusu inom, anggur enggen amusu inom, wam amusu inom, tepung inom, gandum inom, wam sapi inom, kuda inom, domba inom, kereta inom, afuni inebe inamingmingengge logouwageluk inom, mondogat waluk laluk, sani inoba onggo wanhi logogun,” iluk le aga lagaikha.

YOHANES 10:1

At Yesus nen wene a'nogo yagaisasikhesik he, hobuk ekhe mel yagaisasikhe, ”An nen wene ekhe eberogoat yagahisago. Ap sa nen domba enggi abisak wanigeluk ebe lalma kwigeluk he, kwe ebekwe kwigi'lek obakhe talogo kwikhe halok he, at andi yogot enggi abisak wanherek mene aro.

WAHYU 3:17

Hit he, hinelagaigat, hineilenggen mumat, hinalfulukwaat, logoligat he, nit ninebe inendawi hak mondok weagat welago, iluk futfigi'lek, hiren ikhi logolik: Nit he, ninebe ninonggwaregen kainet fakhogosik, yi mene ti mene ninelagaik agi'lek, nineilmo werek welago, iluk ikhi lagep andi.

HOSEA 12:9

It inane ikhi logolik he, ”Nit yogondak ninenggi werek ago, niren lalogo helikhi lago mene andiba re ninenggi werek aga lagoma re, ap ekhe nen ninenggali wasu lekhago, ili'lagwi.

AMOS 2:6

Tuhan nen ikhi logolik, ”Afuni Israel mene hundik-handik weagenek hilingitu nen he, An nen eberogoat unggum wogisagain. Ap higithogo hilingitarek mene nen agaila'lak inangge we elama faget iluk wanhu mene nekhengge obali'mo fili'lagwi lek mene omanogo re iren inamingmingengge asuagaluk onggo huninafa. Andi hakhogo re iren afuni inenggi lek mene nen palegengge faget onggo obali'mo fou mondok elo'lek mene omanogo ogore, iren palegengge andi re, ineisok sandal wuthogo onggo fou hakhogo meneba nen he a'nogo nek hilingfisili'lagwi andi.