ZAKHARIA 11:11 - Allah Wene Fano Wene Hupla Inane

¹¹ Nenggi a'nogo sambulat Tuhan nen wene watikhe mene a'nogo palagaikhe. Nen, it ap domba onggo palharek inap omanogo nen futfikhi logolik he, an nobabut hilingiti lagi mene andomaba Tuhan ane ili'lago iluk futfesukwa.

ZAKHARIA 11:11 Referans Kwoze

ZEFANYA 3:12

O andoma re, afuni inunggulenu ekhe inedawimo sebelfakhaluk An nen lebetninabuageluk hilingitarek mene nek he o andoma femhogo logouwageluk herakfisagain. It enek he o andoma higit logogun.

LUKAS 19:48

A'nogo abok palhi lagaukwa meneat he, it afuni hokhorogo re, at Yesus ane ugunem inesanggo hologo mondok welagaukwa andi nen he, at ebe ninggi'nogo wasu heat hilinglaga lagaikhe.

LUKAS 7:22

Yohanes agoromi wagaukwa mene omanogo mel yagaisasikhe: ”Hiren he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o. Ineilenggen mum mene fenggenogo fano agik, inawe wut warek mene kwe lagik, inoba henanggo inailo mene higirinafunem fano agik, inesanggo tagum mene huakhogo holhik, warek mene inelugerinafik, it ekhe inagarek lek mene fano wene yagaisigik ugunem hineilenggen neegep a'nogo furogo yagasi lano.

LUKAS 2:38

A'nogo ugu were'ma, at Yesus agaisa eisena inom kwisukwasik welagaukwa andi sambul inoba wagaikhesik he, mel isikhe: ”Allah neisena a,” iluk hai watikhesik he, it afuni o Yerusalem mene inanggele'ma nen, Allah nen hobuk telninabigin iluk nenangorogo welagaukwa mene mondogat yagaisikhi logolik, ”Ebe waga yi,” iluk, yenggerek a'nogo abok yagaisikhi lagaikhe.

LUKAS 2:25

Andi sambul ap o Yerusalem mene ekhe enu Simeon. At obabut he, fano, Allah ailorogo logolik, mondok higithogo hilingiti lagaikhe. A'nogo hilingiti logolik, afuni Israel mene inendawimo fanorinabi wesigin mene andi nenangorogo were'ma, Allah Areagun oba louk isikhemo welagaikhe.

MIKHA 7:7

Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

YESAYA 40:31

Oba nen he, ap Tuhan oba inendawinggen himbirik logolik logogun mene re, inomame ket mene kwelakhikhi logogun. It inebe re sue pim agerabul omame meneba tarogo yat patma lagarek hak hilingik logogun. It he humusek laga logogun oba nen inomame lek aga logogin lek, nen kwe laga logogun oba nen inoba lebelek aga logogin legat.

YESAYA 14:32

Ap Filistin inaben yonggongge lakfisa wesugun mene andoma inoba re niren onggo ninggi'nogo yagaisogoin nogo? Niren yagaisikhi logolik Tuhan en o Sion a'nogo re mondogat wute o, nen At againafuri enggin-fenggin hugu welagaikharek mene re o andi elonggoma inagap telek logogun o, iluk yagaisogoin o.

YESAYA 8:17

Tuhan ebe At againafuri Yakub en tagomangge mene inoba nen hina'lagaba nen he an nen hobuk fano asigin iluk At oba nendawinggen himbirik logolik mondok welagi o.

MAZMUR 69:33

A'nogo hilingitunem andi ineilenggen healuk he afuni inoba enggin-fenggin hilingfisugunem werek mene re inagaiyek agaikharek, nen it afuni Allah apne wanharek mene re inalong ari'lagwi.

ULANGAN 31:29

An nebe arat wa'lagunem he, it afuni yi inobabut mondok weak asimbik, wene an nen it yagaisigi mene andi, iren he, wene andi nit ninabiro, iluk herakfisogoin andi, an nelu o. A'nogo herakfisikhi logolik, nineisena a'mage lagauwagaluk, wene aren, hilingitup, iluk isikhe mene hilingitunem wene hokho meneat inoba fagain o,” iluk yagaisasikhe.

ULANGAN 31:21

A'nogo hilingisumo, an nen yi mene ti mene inailo mene hokhorogo inoba fagain o. A'nogo meneat he, wuni yi nek he, afuni nen unggum inoba fugunem pilingiti logolik, it ekhe inelu mene nen, eberogoat yi'nogo hilingita, iluk agarek andi hak, iren he, eberogoat yi'nogo hilingitugu, iluk eberek logolik wuni andi wat logouwago. An nen o it wene warisasigiba andoma oan woginarek kwigi'lek welagi meneat he, it inendawimo eberi'lagwi mene andi An nelu o,” iluk yagatikhe.

2 TAWARIKH 9:14

Andoma re it ap yi mene ti mene onggo palhik hunitik ugu inaben inom, nen it inangge hokhorogo fisogo logolik onggo palhi lagaukwa inaben inom, pajak inanggweang onggo wogeti lagaukwa meneet wenagaisogo re fuk. It ap raja o Arab oba welagaukwa mene inom, nen it ap gubernur Israel oba welagaukwa mene inomen emas inom perak inom wogeti lagaukwa.

YEREMIA 32:8

Andiba re Tuhan nen ane ikhe mene higithogo re, Hanameel a'nogo nen an nebe raja awi istana solombonma omanogo were'ma nen wagasik he aren an noba kweang andi onggo palin iluk mimingnafe. Andiba re nendawimo nen he Tuhan nen ane eberogoat an noba ikhe anggigi.