ZAKHARIA 1:5 - Allah Wene Fano Wene Hupla Inane

⁵ Ma re, it inambu-inombalak inom it nabi andoma inom yogondak he koma werek nogo? It he, inebe werek lek andi.

ZAKHARIA 1:5 Referans Kwoze

PENGKHOTBAH 12:5

Kwe liabek lagau re hailo agik, ebekwe hendawimo fuluk erogat lagik, hesi helel mondok yauwak igik, kwe lagu aple heisok enggin agik, igin. A'nogo hilingisigin andem oba re, hendawimo yi namolo ti namolo Nen hinebe re hinobalik mondok-mondok logogun oba omanogo lagunem he, afuni kwebene logogun mene nen he inouwak le agik, fong watik, hilingiti logogun.

PENGKHOTBAH 12:7

Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,

KISAH PARA RASUL 13:36

At Daud andi re, agaila'lak ambine ta'lagaukwa mene inom logolik, Allah nen, yi'nogo hilingisuak, iluk endawimo anggasikhe higithogo hilingiti lagaikhesigen, ebe wa'lagaikhe andi. Wa'lagaikhemo re, ombalak warek salinafukwaba inoba loukhogo salhukwama re, fili agaikhesik, lek agaikhe andi.

YOHANES 8:52

it ap Yahudi mene omanogo nen he, mel yagatukwa. ”Ap Abraham inom, ap Allah ane yagaisikhi lagaukwa mene omanogo inom, arat wa'larik lagaukwa meneat he, haren ikhi logolik, ap sa nen an nane hologo hilingiti logogin halok, wa'lagi'lek eluk mondok logogin o, iluk egen andi nen he, munggwarengge obabut weak mene eberogoat hendawimo kwikhesik werek, iluk futhobagogo.

PENGKHOTBAH 1:4

Inagainafuri attak tagomangge mene nen taginafu mene wa'lagu kwelek, hobuk tagomangge mene nen taginafu mene weinam asi wagik, hilingirik wagu kwelek meneat he kweang he munen agi'lek etok mondok werek.

MAZMUR 90:10

Nit ninebe umur he we, 70 tahun huli nek welagorek. Mene re, ninomame werek halok enek he, 80 tahun huliba asi lagorek. A'nogo meneat he ninebe a'nogo nineluk logolik he yi enggin ti enggin hikhi logolik mondok welago. Nen ninebe umur endebat a'nogo wela'luk arat lek agorek andi.

YEREMIA 36:28

buku yinggilik amu mene ekhe wanimbik he, buku attak meneba palek welaga aremnogo higithogo paluageluk yaganete.

RATAPAN 5:7

Nit ninambu ninombalak weak hilingitukwa mene re yogondak it inebe werek lek, oba nen he it inaweak hilingitukwa meneba yogondak nit ambisangma hikhi lago.

1 SAMUEL 25:1

A'nogo hilingitukwasik inenggi aninurogo welagi'legat at Samuel a'nogo wa'lagaikhe. At wa'lagaikhemo it afuni Israel mene mondogat fong watunem inom wasugun iluk kabogetukwasik, at ebe onggwarek aiba o Rama omanogo salhukwa. A'nogo wa'lagaikhemo salfuluk he at Daud a'nogo o Param leimo andoma lagaikhe.

2 RAJA-RAJA 13:14

Inenggi ekhe sambul he, at Elisa Allah ane yagaisikhi lagaikhe mene a'nogo oba ou weak weregen he, ap Yoas afuni Israel mene inoe raja a'nogo Elisa ebe eilenggen ha wagaikhesik, ebe horogat wa'lasigin weregen, obaget le aga logolik mel yagatikhe: ”Nit afuni Israel mene faget homamerogo mondok telninafendek mene neisena, neisena e,” iluk le agaikhe.

2 RAJA-RAJA 13:20

A'nogo yagatikhesik, inenggi welagi'legat at Elisa ebe wa'lagaikhemo, ebe warek kweangma salhukwa. A'nogo salhukwasik welagaukwa andem oba re, ap ekhe inaiba o Moab mene nen afuni Israel mene inoasuogoluk inebe ekhe tahun ebe lombok oba inenggi misigam waga lagaukwa.