ZAKHARIA 1:1 - Allah Wene Fano Wene Hupla Inane

¹ Hun Darius afuni Persia mene faget inoe raja menlagaikhesik ferinarek werek kwelek tahun pirenek mene tugi sirek meneba were'ma, Tuhan nen an Zakharia hun Berekhya amlogo, hun Ido omba a'nogo noba wene yi'nogo ino, iluk yaganete.

ZAKHARIA 1:1 Referans Kwoze

MATIUS 23:35

Andi halok he, it ap inobabut higit hilingiti lagaukwa mene, inamep wulagaisogo inoarik wagaukwa andi, huli ero Habel obabut higithogo hilingiti lagaikhe mene oe nen watikhe andiba nen pikhit, huli wurep oba, at Berekia amlogo Zakharia andi Allah awi wurik honggolek, Allah anggo warogo endu noleti lagaukwaba honggolek, tulem watigip andi huli, it mondogat inamep hit hinoba lombok hinenggiba werego.

ZAKHARIA 7:1

Hun Darius raja menlagaikhesik ferinarek werek kwelek enek he tahun enggaminogonek meneba tugi sogo mene enu Kislew tanggal empat meneba were'ma, Tuhan nen nekhengge wene yi'nogo ino iluk, an yaganete.

ZAKHARIA 1:7

Tugi Syebat andi re tugi nalonggop mene tanggall 24 oba raja Darius nen ferinarek were'ma nen enek he tahun pirenek mene werek kwelek, o hubanggo nabikanggoba Tuhan nen wene yi'nogo ino iluk yaganete.

EZRA 4:24

O Tuhan Awi wuti lagaukwa mene a'nogo kwe palhukwaba nen, ap inoe raja ket mene Darius it afuni Persia mene faget menlagaikhesik melalinafu werek kwelek enek he tahun pire hilinglagaikhe.

HAGAI 2:10

At Darius raja menlagaikhesik ferinarek were'ma, tahun pirenek mene tugi sogo meneba tanggal dua puluh empat oba re, Tuhan Omame Mondok Hokho mene a'nogo nen nekhengge at nabi Hagai bene nen wene yagaisasikhe.

HAGAI 1:1

Hun Darius afuni Persia mene faget raja menlagaikhesik ferinarek werek kwelek tahun pirenek meneba re, tugi falfalik mene tanggal satu ba werek kwelek, Tuhan ane nabi Hagai bene nen yagaisasikhe. Wene hilingisuageluk Tuhan nen isikhe mene andi re hun Sealtiel amlogo Zerubabel afuni Yehuda mene inobaget gubernur welagaikhe mene andi inom, hun Yozadak amlogo Yosua ebe Imam Agung welagaikhe mene andi inomen hilingisuageluk yagaisasikhe.

HAGAI 2:20

Linggene andi sambul enek tanggal dua puluh empat oba tugi sogo mene werek kwelek Tuhan nen ane enggi pirenek meneba Hagai yagatikhe.

HAGAI 1:15

A'nogo hilingfesikhemo re, it omanogo tugi falfalik meneba werek kwelek Tanggal dua puluh empat oba at raja Darius ebe ferinarek logolik werek kwelek enek tahun pirenek meneba yabu o a'nogo wutu mene faget eroratukwa.

EZRA 5:1

Andem sambul he ap nabi inebe pire mene hun Hagai inom Zakharia Ido amlogo a'nogo inom aremnogo Allah wene it afuni Israel mene ineisena Allah enuba afuni Yahudi mene o Yehuda ba werek mene inom, o Yerusalem oba werek mene inom, inoba wene yagaisikhi lagaukwa.

ZAKHARIA 6:9

Tuhan nen an noba yi'nogo hilingi'no iluk yaganete.

HAGAI 1:3

A'nogo yagatikhesik nekhengge at Hagai bene nen Tuhan nen it againafuri omanogo inoba yagaisikhi logolik,