YUNUS 4:6 - Allah Wene Fano Wene Hupla Inane

⁶ Were'ma re, Tuhan nen at Yunus endawimo fanorogo kunmo logouwagaluk hobut hangge mene ekhe yakfei wagaikhe. A'nogo yakfei wagaikhemo re at Yunus endawimo agaiyek mondok hokhorogo agaikhesik kun a'ma welagaikhe.

YUNUS 4:6 Referans Kwoze

1 KORINTUS 7:30

Afuni ekhe le ari'lagwi mene halok he, le ari'lagwi lek mene hak logouwak. Nen, it ekhe inendawimo inagaiyek hili'lagwi mene halok he, inagaiyek hili'lagwi lek mene hak logouwak. Nen, it ekhe yi mene ti mene onggo palogo helili'lagwi mene andi, eise agi'lek mene hak logouwak.

LUKAS 10:20

A'nogo meneat he, it munggwarengge inobabut weak mene nen hit hinane holha mene andi faget, hinendawimo hinagaiyek anggagubo. Meneat he, hinenu pogoroba lisu palek werek andi faget enek he, hinendawimo hinagaiyek hikhi logoni o,” iluk yagaisasikhe.

YUNUS 1:17

It a'nogo hilingirik lagu kwelek he, Tuhan nen ikan hokho mene ekhe ayonggo fesikhesik lakfei wagaikhemo, Yunus ebe ikan a'nogo nen haumhogo nasikhe. A'nogo nasikhemo, at Yunus ebe ikan alabutmo kwalaikhesik werek kwelek hup enggi henagan welagaikhe.

YESAYA 39:2

Wagaikhemo re Hizkia nen endawi fanoba ap wagaukwa mene omanogo woginafikhesik at angge enggi werek hilingik welagaikhe mene emas, perak inom, amben-amben engge inom, amusu amben fano mene inom, agoromi sikhe fisogo mene nen weim yafafarek mene omanogo mondogat inom, yi mene yi mene o at raja ebe were'ma inom, o kweang aren ferinarek oba andi inom welagaikhe mene omanogo ekhe herakfigi'lek mondogat inugisasikhe.

ESTER 5:9

A'nogo isikhemo re, Haman a'nogo he Ester en seni isatikhe mene omanogo naluk ambotkwe waga logolik he endawimo hai en agaiyegerik wagaikhe. Oba nen he at Haman ebe o raja were'ma kwi laguba solombonma aremnogo asi lagaikhesik hilingitunemen he, at Mordekhai nen he menla'luk at agaukhogo legoisogo figi'legengge were'ma hasikhesik he, at a'mage hokho mene lagasikhe.

AMOS 6:13

Hit hinonggwarek foget fakhikhi logolik, niren Lodebar omame leget fesugu iluk ikhi lagep. Nen, hiren nekhengge hinane ikhi logolik, ”Nit he, o Karnaim pin kwi logoin he ninomame elogat welago,” iluk ikhi lagep.

YUNUS 4:5

A'nogo yagatikhemo re, Yunus o kota nen wulifikhesik, o mo liabi wagarek fikhit andoma lagaikhesik hurek welagaikhe. Andoma logolik o sabu ekhe wutikhesik he, elonggoma kwisikhesik hurek logolik he, ”Afuni o kota Niniwe mene inoba ninggi'nogo hilinglasigin,” iluk nenangot hikhi logolik welagaikhe.

YUNUS 4:7

A'nogo meneat he, hubet o hil lakfei wagu kwelek he, Allah nen kon ekhe lakfei wagaikhemo wagaikhesik he, hobut oak a'nogo aigen palhikhemo re, sawet agaikhe.

AYUB 7:2

It afuni inamingmingengge mene nen nalong palnarek logoilep anggikhi logolik werek higit, nen it ap yabu hilingitu mene nen onggo wo'nesuageluk nenangot hikhi logolik welagarek higit.