YUNUS 4:2 - Allah Wene Fano Wene Hupla Inane

² A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

YUNUS 4:2 Referans Kwoze

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 145:8

Nineisena Tuhan andi re, endawi hundik mondok logolik, ninelagaik were'ma endawit ninaferek mene. Aren weak-weak wene ninoba figi'lek, endawi hundik hilingninaferek.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

MIKHA 7:18

Nineisena Allah, Hat hemberek higit mene ekhe werek lek, it hagainafuri fena werek mene inaweak hilingiri'lagwi mene omanogo haren sagalogo leget fisikhi lagen. Nen Hat he wene ninoba fuluk aninurogo welagen lek, oba nen hebekhogo re hendawi hundik hilingninafi lagen mene huli warek lek mene andiba hagaiyek ninoba fugu welagen.

YEREMIA 18:8

inunggulenu a'nogo inaweak oba nen inendawinggen agam etu halok An nen hilingisigin iluk nendawimo menenei wenggelfugu mene a'nogo sebelu hagaro.

KELUARAN 32:14

A'nogo yagatikhemo At Tuhan nen afuni andi unggum inoba fembik mondok-mondok inoasigiluk isikhe mene andi kamo isikhesik he, inoati'lek herakfisasikhe.

MAZMUR 78:38

Oba nen he, At Allah nen, At againafuri endawi hundik hilinginafi logolik, it inaweak onggorabethogo fisasikhe, nen it inebe mondogat leget fisasikhe lek. At a'mage hobugalep lagagu kwelek oba nen he hambuget hikhi lagaikhe, At anini lagaikherek mene a'nogo it inoba fikhi lagaikhe legat.

AMOS 7:3

A'nogo ayonggo figimo, Tuhan nen hilingisigin iluk endawimo anggasikhe mene a'nogo agam etesik he mel yaganete: ”Hat heilenggen hegen mene andi re ebe asigin lego,” iluk yaganete.

YUNUS 3:10

A'nogo hilingitukwama, Tuhan eilenggen isasikhesik he, ”It andi inobabut weak hilingiti lagaikha mene herakfisaga higi,” iluk isikhesik he, attak wene inoba fembik inoasigin iluk isikhe mene a'nogo sugirogo herakfisasikhe.

YUNUS 1:3

Oba nen, at Yunus endawimo nen he, Tuhan herakfisaluk agaiserogo heise o Spanyol yatmaat a'lima lagain, iluk anggasikhe. A'nogo anggasikhesik, o Yofa lagaikhe re, afuni kapal oba o Spanyol louwogeluk ugunem lagaikhe. Lagaikhesik he, kapal a'nogo onggo wogisasikhesik he, elonggoma kwisikhesik, Tuhan herakfisaluk it inom o Spanyol yatma andoma lagain iluk inom lagaukwa.

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

AMOS 7:6

A'nogo igimo, Tuhan endawimo ebete mene a'nogo agam etesik he mel yaganete: ”Hat heilenggen yethegen mene andi ogore, ebe asigin legaro,” iluk yaganete.

MAZMUR 90:13

Tuhan neisena. Ha'mage het-pet ili'lago mene andi re ki huliba nen legasigin nogo? Ha'mage siok imbik he, hambotkwe nit hamingmingengge mene yi hendawit ninafi logoin o, neisena.

LUKAS 10:29

at ap a'nogo endawimo nen he, Yesus nen, ap andi fano hilingiterek mene, iluk anggoageluk, mel yagatikhe: ”Afuni ninom welagorek mene nendawinggen hundik logogun andi, inebe sani,” iluk a'nogo yagatikhemo,

YEREMIA 20:7

Tuhan neisena, Haren an konafi lagenma an konek mene welagi. An nebe mabensek kwelek Hat enek he homame mene hilingik welagenma a'luk he an sebelogo nobagegenma welagi. A'nogo were'ma afuni inebe lombogen ineilenggen nen senggel nabi'lagwi, huberen pikhit hu'mokwe huli li'not nafu mondok werek.

ULANGAN 4:31

Nit nineisena Tuhan Allah re, afuni mondok endawirinaferek mene o. Ma re, Aren hit kofologo herakhinobagagik, hinebe legethinafik, At onggwarek enat hinombalak wene warogo woginafikhe mene andi hinonggoragik, ugun mondok lego.

MAZMUR 103:8

At Tuhan he endawi hundik hilinginafik, inelagaik were'ma endawirinafik ikherek mene werek. At obabut mondok hombunsek logolik, endawi hundik mondok hokhorogo hilinginafu werek.

YEREMIA 26:13

Halok he hit hinebe welagep aple inom, hinobabut hilingiti lagep aple inom, fanorogo hebelimbik he, At Tuhan nen hilingisigin iluk wenggelhe mene andi sugwi asuakhogo re, hiren hineisena Tuhan Allah ane hologo nek hilingiti logoni o.

YEREMIA 42:10

”Hiren ambi o kweang yiba femhogo logogun halok he wene hit hinoba hilinglari'lago mene andoma faget An nen nendawinggen warikhi lagi hilingi'mo re, An nen hit sebelogo hinobagakhi logogin lego oba nen legeisogo hinobagakhi logogin. Nen An nen hit pelakhinobagakhi logogin lek oba nen he menegaisogo hinobagakhi logogin o.

YUNUS 3:9

A'nogo hilingitunem he, nineisena Allah a'mage ninoba fikhesik ninoasigiluk ninabok palhesik werek andi, herakfisambik endawit ninabigin a? Lega, sa elu,” iluk wene ero wulafukwa.