YUNUS 3:10 - Allah Wene Fano Wene Hupla Inane

¹⁰ A'nogo hilingitukwama, Tuhan eilenggen isasikhesik he, ”It andi inobabut weak hilingiti lagaikha mene herakfisaga higi,” iluk isikhesik he, attak wene inoba fembik inoasigin iluk isikhe mene a'nogo sugirogo herakfisasikhe.

YUNUS 3:10 Referans Kwoze

YEREMIA 18:8

inunggulenu a'nogo inaweak oba nen inendawinggen agam etu halok An nen hilingisigin iluk nendawimo menenei wenggelfugu mene a'nogo sebelu hagaro.

LUKAS 15:20

A'nogo anggasikhesik, o welagaikheba a'nogo hebisaluk he, eisena a'nogo oba wesigeluk oan wagunem, at eisena a'nogo nen yatma wagu kwelek eilenggen yethasikhesik he, endawinggen abolok isikhesik, fungusek lagaikhesik he, obakhe felikhogo hai ambe saluk-saluk watikhe.

AMOS 7:6

A'nogo igimo, Tuhan endawimo ebete mene a'nogo agam etesik he mel yaganete: ”Hat heilenggen yethegen mene andi ogore, ebe asigin legaro,” iluk yaganete.

LUKAS 11:32

Nen, at Yunus andi nen it afuni o Niniwe mene andoma Allah ane yagaisikhi lagaikhemo re, inobabut hebel lagaukwasik yi weak ti weak hilingiti lagaukwa mene herakfisasukwa o. Mene re, at Yunus andi enu lek hangge aro. We, an yoma welagi yi nek he, esinat andi nen he, o wurep oba Allah nen afuni wene inoba figik, kotik, igin andi sambul he, afuni o Niniwe mene andoma inebe menlasimbik, hit afuni o yogondak welagep mene yi mel yagahisogoin: Hit weak, hinenggali, iluk yagahisogoin aro,” iluk yagaisasikhe.

KELUARAN 32:14

A'nogo yagatikhemo At Tuhan nen afuni andi unggum inoba fembik mondok-mondok inoasigiluk isikhe mene andi kamo isikhesik he, inoati'lek herakfisasikhe.

AMOS 7:3

A'nogo ayonggo figimo, Tuhan nen hilingisigin iluk endawimo anggasikhe mene a'nogo agam etesik he mel yaganete: ”Hat heilenggen hegen mene andi re ebe asigin lego,” iluk yaganete.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

YUNUS 4:2

A'mage lagasikhesik, Allah ayonggo fikhi logolik he, mel yagatikhe: ”Tuhan neisena! O attagenat an naiba logolik aremnogo Haren a'nogo hilingisigin iluk an nen isigi lek nogo? Isigiat anggigi! Hat he hobabut inelagaik isigik, afuni hendawi hundik hilinginafik, hendawinggen sakhorek oba hilingitik, hobabut fetakhogo hilingiti'lek logolik afuni weak hilingitu mene inoasigin iluk inabok palherendigen he, hobuk hendawirinafi legen a'nogo nelu logolik he, an heise o Spanyol lagaluk lagagi anggigi.

1 TAWARIKH 21:15

Andi nen he, Tuhan en malaikat ekhe o Yerusalem legatfisa loageluk lakfei wagaikhe. Oba nen he, at malaikat a'nogo hun Arauna awi Yebus agun a'nogo nen gandum enggen kigilhi lagaikheba aremnogo asi wagaikhe hak he Tuhan ane isikhe mene a'nogo hebekhogo yagati logolik he, Arat, inoatun o,” iluk yagatikhe.

YESAYA 30:18

A'nogo hilingitu kwelek oba nen Tuhan nen endawi hundik hilinginaferek mene a'nogo hit hinoba inuk hisagain iluk nenangot hisikhi logolik werek. Hit endawi hundik hilinghinabigiluk fik-fouksek logolik werek. Andi re At Tuhan he ebe Allah tiphogo mondok hilingiterek mene hilingi'mo re, ap At oba inendawinggen tibet fuluk logogun mene re inagaiyekhogo logouwago.

YEREMIA 36:3

An nen enggin mene it Yehuda mene inoba lakfei wesigin mene andoma faget inesanggo holhambik he it inobabut hebelugun logou hago. Andiba re it inaweak hilingiri'lagwi mene inom, ina'mageba hilingiri'lagwi mene inom andoma re An nen sagalogo leget fisagain o,” ikhe.

YEREMIA 42:10

”Hiren ambi o kweang yiba femhogo logogun halok he wene hit hinoba hilinglari'lago mene andoma faget An nen nendawinggen warikhi lagi hilingi'mo re, An nen hit sebelogo hinobagakhi logogin lego oba nen legeisogo hinobagakhi logogin. Nen An nen hit pelakhinobagakhi logogin lek oba nen he menegaisogo hinobagakhi logogin o.

YUNUS 4:11

Haren hele ari faget mene ogore, hendawimo mondok weak aga andi. Nen, An nen he, afuni o Niniwe kota hokho mene yiba inagainafuri weak hilingitu mene inom fano hilingitu mene inom penhaluk furogo hilingisu lek hak inonggot mene inebe 120.000 nen inom, inanggo hokhorogo inom, andoma nendawirinabigin lek anggegen a? Nendawirinabigin aro,” iluk yagatikhe.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

YEREMIA 18:7

Ma re linggene misik sambul ekhe An nen okerajaan hea athe inunggulenu ekhe mene hea, waganogo wanhik, halik halokhogo figik, wolelenggen tagalogo figik, hilingisigin iluk ugunemen,