YUDAS 1:22 - Allah Wene Fano Wene Hupla Inane

^22-23 Afuni inebe o inom endu na mene, telogo wulakfisagarek andi hak, it ekhe inendawinggen pire mene, hinendawirogo telinafi logoino. Nen, it afuni ekhe yi mene ti mene inendawinggen en nunggunem weak hilingiri'lagwi andi re, su mola fano were'ma, muli weak mene oba labulagunem elokhonggen inabit agarek andi hak, it inobabut weak hilingiri'lagwi andi, hinabiren hinailorogo logolik he, inebe nek he, hinendawirogo logoino o.

YUDAS 1:22 Referans Kwoze

GALATIA 6:1

Nerugwi nagaila'lak. At ekhe weak hilingitunem hineilenggen hegep halok he, at andi ambotkwe obabut hebelasuageluk, hit Allah Areagun eberogoat hinendawimo werek mene nen hinane liokhogo komo'no o. Komotunem a'nogo, hit a'nogoat hinoba asinogo iluk, hinonggwarek hinebe hebelogo logoino.

YEHEZKIEL 34:17

Yago, hit An nandomba mene re hinesanggo fanorogo holini o! An Tuhan Lego Mondok welagirek mene nen hit hinoba nane ikhi logolik he, An nen hit hinawene hinebe lombok ayo wurogo piling hinabimbik fano mene weak mene oba nen lenogo ale'ma figik domba mene andoma kambing mene oba nen minggilogo ale'ma figik igin o.

GALATIA 4:20

An hit faget ninggi'nogo hilingisigin he, nobakhe palari'logo andi nen, an nendawimo nen he, yogondak ya hinoba wesimbik ninom logolik nane hunogoat mene hak ekhe yagahisele e, iluk, nendawimo anggigirek andi.

YUDAS 1:21

A'nogo ikhi logolik, hinendawimo nen, ”Ninoe Enupogot Yesus Kristus ninebe endawi nen, nit hobuk nabulal-habulal hilingninabigin,” iluk, nenangorogo logolik he, at Allah nen ninebe endawi andi re, hiren at hinom hundigat logoino o.

2 KORINTUS 2:8

At ap andi ebe hinendawirogo ambotkwe wanubagaigen iluk, komorogo yagahisigi andi.