YUDAS 1:21 - Allah Wene Fano Wene Hupla Inane

²¹ A'nogo ikhi logolik, hinendawimo nen, ”Ninoe Enupogot Yesus Kristus ninebe endawi nen, nit hobuk nabulal-habulal hilingninabigin,” iluk, nenangorogo logolik he, at Allah nen ninebe endawi andi re, hiren at hinom hundigat logoino o.

YUDAS 1:21 Referans Kwoze

1 YOHANES 4:16

Niren, ”Allah nen endawitninaferek andi futfogosik eberogoat,” iluk anggikhi lago. At obabut he, endawitninafu mondok welagarek andi nen, sa nen obabut he, afuni endawirinafu mondogat welagarek halok he, Allah nen at emberek hundik mondok, nen, aren Allah emberek hundik mondok, welagaikharego.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.

2 TESALONIKA 3:5

Hit hinendawimo nen he: ”At Allah nen he nit ninebe endawi hundik werego,” iluk fut figik, hinobabut Kristus ebe hombunhogo hilingiti lagaikhe hak, obabut waganogo ekhe inomat hokhorogo hilingiti logobagaigen, ninoe Enupogot ebe hinendawirogo logolik, hinendawimo ebethisikhi logouwago.

ROMA 6:23

Weak hilingitarek andi onggo re, wa'lagaikharek andi. Nen, ninoe Enupogot Yesus Kristus ninom hundik were'ma re, Allah obabut fano nen onggo legat nineluk mondok logouwageluk hilingninaferek andi.

YOHANES 14:21

At sa nen, an nen, yi'nogo hilingiti logoin o, ti'nogo hilingiti logoin o, iluk yagahisigi mene andi, nane hologo hilingiterek halok, an nebe endawinggen hundik mene at andi aro. Nen, neisena nen at andi endawinggen hundigat. Nen, an nen at andi nendawinggen hundik logolik, nebe futnobagauwageluk yagasigin o,” iluk yagaisasikhemo,

2 TIMOTIUS 4:8

Afuni inawe walhugunem, inawe uan agaikharek mene onggo fano mene wogisagarek hak, an nebe arat lagunem, ninoe Enupogoren wene ninoba figik, kotik, higithogoat igin andi sambul, aren he, ”Hat higirat hilingiti lagenma,” iluk, onggo fano mene ekhe wo'nesigin werego. Mene re, an enek wo'nesigin fuk. It ekhe inendawimo nen he, ”Yesus we'nige,” iluk, inamolo nen nenangorogo welagaikharek mene halok inebe mondogat ninom wo'nisagain aro.

ROMA 5:21

Weak hilingitaresik wa'lagaikharek andiba, weak hilingitarek mene omame agaikhe andi hak, ninoe Enupogoren wene ninoba mene korogo wokhaluk, Allah ninom hunogo ninobagasikhe andiba, Allah obabut fano nen endawitninaferek mene andi omame agaikhemo re, nineluk mondok logogun andi.

1 YOHANES 5:18

Nit Allah againafuri ta'ninafe mene at amlogo manggusa tatikhe mene a'nogo nen kwelakninarek were'ma, at obabut weak mene a'nogo nen enggi fa'nisagain lego. Halok he, nit weak hundik mondok hilingiti logogun lek, iluk nineluo.

ROMA 5:5

Fano asigin iluk ninendawimo ninagaiyek hikhi lago andiba, Allah nen Areagun wo'nisasikhemo ninendawimo logolik, i hinatarek hak, Allah nen endawitninaferek mene andi ninendawimo peterogo ninobagaikherek andiba ninailo lekhogo welago.

KISAH PARA RASUL 11:23

At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa.

YUDAS 1:24

Hit nineisena Allah omame logolik elok fethinarek logogin mene a'nogo oba lagunem, hineisok peikhogo warigi'lek fanorogo fethinarek logombik he, at ebe fogerari'lagwiba andoma, wene hinoba figi'legat, hinendawimo hinagaiyek anggugu kwelek, at elokhoma hinobagai lagain mene andi, hai wati logouwogo.

1 YOHANES 5:21

Halok nagainafuri e. Hiren tugwi kembu fogeratarek mene andomaba nen agaiserati logolik, hinobabut hebelogo logoino o.

2 TIMOTIUS 1:18

Ninoe Enupogot obabut fano nen higithogo hilingisigin andi sambul, at Onesiforus andi ebe endawi asuago. At fageat he, o Efesus logolik, an hokhorogo lebetniikhi lagaikhe a'nogo, hat furogo helu aro.

YOHANES 1:17

Wene Allah nen komotninafikhe wene a'nogo Musa bene nen yaganisasikhe meneat he, Allah obabut fano nen fanotninafik, eberogo wene yaganisigik uageluk, at amlogo Yesus Kristus lakfei wagaikhemo yaganisasikhe andi.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

2 TIMOTIUS 1:16

A'nogo meneat he, at Onesiforus againafuri inom enek he, hundik-handik, nendawimo fanorogo nendawinggen sebeli weri'lagwi andi nen he, ninoe Enupogoren endawirogo ferinarek logouwago. An nenggi hele warek were'ma noba wesu enggali legat,

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

YUDAS 1:22

Afuni inebe o inom endu na mene, telogo wulakfisagarek andi hak, it ekhe inendawinggen pire mene, hinendawirogo telinafi logoino. Nen, it afuni ekhe yi mene ti mene inendawinggen en nunggunem weak hilingiri'lagwi andi re, su mola fano were'ma, muli weak mene oba labulagunem elokhonggen inabit agarek andi hak, it inobabut weak hilingiri'lagwi andi, hinabiren hinailorogo logolik he, inebe nek he, hinendawirogo logoino o.