YUDAS 1:13 - Allah Wene Fano Wene Hupla Inane

¹³ Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

YUDAS 1:13 Referans Kwoze

2 PETRUS 2:17

It ap ineran nen agarek mene andi inobabut he, o hibiba i elesi firok ikherek andi hak, firok igik, ohena sogoien waluk lagarek andi hak, hesanggeat woginarek lagik, ikhi logogun o. Allah nen it andi o mum hikhakse'ma andoma logouwageluk inobuluk halogo fisasikhemo werego.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

YESAYA 57:20

Oba nen, ap ina'mage weak mene re i laut agum founalhu were'ma, aloget figi'lek welagarek andi higit werek. Nen i eil omame nen al alengge inom, fesi inom ha'luk wagarek andi higit werek.

MAZMUR 65:7

Hat homame hokho logolik legaisogo hobagali'lagwi mene a'nogo enek asuageluk, Hat henggi homamerogo o tom mondogat menhigik fesigin.

WAHYU 20:10

A'nogo nunggu kwelek, at mene olomene hangge a'nogo inom, at ekhe nen, ”An Allah ane yagaisikhi lagi,” iluk eranen lalinaferek mene a'nogo inom, i laut endu mene yenggele'ma hendali al hangge amben weak mene enu belerang inom endu amulok nunggu mondok welagare'ma andoma hambokhogo pelakfisasikhe mene a'nogo andoma were'ma, Iblis a'nogo hobuk inoba hambokhogo pelakfisikhemo inom andoma logolik, linggene hubanggo heinet wato mondok-mondok logogun isigi.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

YUDAS 1:6

Nen, at Allah nen it malaikat yonggo pelakfisa wagarek mene hilingisu mene sumburogo wogisasikhe meneat he, it ekhe nen inagaila'lak hilingisugun mene inafane hilingi'luk he, inonggwarek inaiba herakfisasukwama, Allah nen hele mondok logogin meneba inenggi hele warogo o mondok mum wea'ma kweang abel manggwe fisasikhemo werek andi. A'nogo mondok logombigen, hobuk afuni wene hokhorogo inoba fagain andi sambul, it inomat inoba feigeluk he, inenggi hele fikhalinabigin andi hinendawimo ebe'ni.