YOSUA 8:4 - Allah Wene Fano Wene Hupla Inane

⁴ Lakfisikhi logolik he it inoba wene yi'nogo melalogo lakfisasikhe, ”O kota andi ebe abel elikwe fikhit sali logoin enggere hinebe yatma la fugo, a'nogo sali lambik he pin kuogeluk fik-fouk e'no.

YOSUA 8:4 Referans Kwoze

HAKIM–HAKIM 20:29

A'nogo Tuhan nen yagaisasikhe mene inesanggo holhukwasik it Israel inap a'nogo nen he, tentara iren mene omanogo it inebe o Gibea horok-horokwe hinagokwe omanogo hou salek-palek hilingfisilik lagaukwa.

KISAH PARA RASUL 23:21

Mene re, haren wene it aga andi, hologo hilingitun. Ap inebe 40 nen, ekhe inomat, logoligen Paulus ebe wasuogeluk weim abok agasik elokhoma salek logogun aga o. Iren he, Paulus ebe wati'lek logolik, sumburu inom, i inom, ninggi'lek logombik, arat wato halogen nogoin o, iluk hombuk palhasik werek. A'nogo logolik, yogondak iren he, wene aren onggo ninggi'nogo yaganisagain, iluk yetharek werego,” iluk yagatikhe.

PENGKHOTBAH 9:16

Andi nen an nen wenggel hikhi logolik he, hebelagaikharek andi re inomame mene inom higitsek lek mondok along werek. A'nogo hilingik oba nen ap inenggi lek mene nen hebel-hebel aple hilingitu mene a'nogo re legeisogo fagarek lek. Nen, at ane ikherek mene ogo futfagarek legat.

PENGKHOTBAH 7:19

Hebelek mene andi nen he onggwarek agun a'nogo omame hokhorogo wogeterek, nen ap o kota misik ekheba inomame werek inap inebe 10 nen werek oba nen ogore hebelek mene andi nek he omame mondok hokho werek.

1 SAMUEL 15:5

A'nogo hilinglagaikhemo, at Saul agoromi inom afuni Amalek mene inaiba kota horokhogo lagaukwasik he, i firokse'ma tonggoma andoma selei mene inelokhoma hou salek welagaukwa.

1 SAMUEL 15:2

Aren he, afuni Amalek mene inombalagen afuni Israel mene o Mesir en wagunem inoasuogoluk isukwa andi nen it wene inoba fagain o.

HAKIM–HAKIM 20:36

Andiba nen enek he it Benyamin mene a'nogo nen he nit ninomame lek ago iluk inelu agaukwa. It Israel inap esa hokhoba omanogo re it inagoromi o Gibea horok-horokwe salek mene omanogo inoba inendawi himbirik logolik he ineranhogo it Benyamin mene a'nogo lirinarek wagaukwa.

HAKIM–HAKIM 20:33

A'nogo isukwasik he it Israel mene esa lirinabi lagaukwa mene a'nogo lirinarek he. o Bal-Tamar lagaukwasik omanogo esa foli lagunem he, ap tentara it mene fena o Gibea horok-horokwe salhukwa mene omanogo o kota endakwe fikhiren siakhigik wulibi wagaukwa.

HAKIM–HAKIM 9:25

Ap Abimelekh a'nogo ebe fakfouwogeluk he, ap o Sikhem mene omanogo re tom punu bene omanogo fisilik lagaikhemo kagalek welagaukwa. A'nogo kagalek logolik it afuni kwe andi kwe wagu mene re inebe fakfisaluk inangge telhigik helikhi lagaukwa. A'nogo hilingitunem he wene andi faget at Abimelekh yagasi lagaukwa.

YOSUA 8:16

O kota Ai oba ap mene inebe mondogat he, Yosua agoromi inom muginarek loageluk yonggo fesukwa. Oba nen he it a'nogo nen Yosua agoromi inom muginarek lagu kwelek he o kota omanogo nen eil uanhogoat lagaukwa.

YOSUA 8:3

A'nogo yagatikhemo yagaisasikhesik he, Yosua a'nogo agoromi tentara inebe abirengge inom seberogo o Ai louwogeluk fik-fouk etukwa. Aren he agoromi kabelek mene weim inaninirogo yafarek mene nek inebe 30.000 nen penogo hubanggo lakfisasikhe.

2 RAJA-RAJA 7:12

A'nogo hilingitukwa andi re, o hubanggo oan wei igi'lek werek kwelek hilingitukwa. A'nogo meneat he, at raja ebe nogo ikherek oba nen menla'luk wulibi wagaikhesik agoromi mel yagaisasikhe: ”Hinesanggo fanorogo holini o. It ap Siria mene nen hilingisuogeluk hilingiri'lagwi andi, an futfigi o. Iren he, nit sumburu ouwak welago andi inelu andi nen he, nit sumburu herarik wulifunem ninebe ninelugengge fa'ninobagambik, ninawi kota sebeli kwi wesuogeluk inawi tenda wurik herakfuluk leimo afuni le'ma andoma kagalfagasik werek anggikhi lagi o, nagoromi,” iluk yagaisasikhe.

2 TAWARIKH 13:13

A'nogo ugu kwelek aremnogo re at Yerobeam en he it ap Yehuda inap a'nogo inoasi loageluk he, it agoromi fena inambotkwe walingisi laluk logouwageluk yagaisasikhe, nen it fena re, inolokhe fikhiren inom yabuageluk yagaisasikhe.

HAKIM–HAKIM 9:32

Enggere hat hebe inom nen it afuni hat mene inom he o hubanggo yabumo hina'lasi lano.