YOSUA 8:23 - Allah Wene Fano Wene Hupla Inane

²³ We ap raja Ai mene andi nek he wati'legengge ebe eluk senetukwasik he, Yosua were'ma waluk lagaukwa.

YOSUA 8:23 Referans Kwoze

1 SAMUEL 15:8

A'nogo inoarik laga logolik, afuni Amalek mene mondogat inom, tentara inom, mondogat inoatikhe. A'nogo meneat he, at Saul agoromi tentara mene inomen afuni Amalek mene inoe raja Agag fakfesukwasik, eluk fikhi logolik he, wam domba sapi ebe mondok fano mene inom, sapi, domba eagwi otholik mene inom, yi mene ti mene onggo hokho mene inom, wendeberogo wanhi logolik he, wam weak mene inom, yi mene ti mene onggo endebat mene inom enek he, mondok legetfisasukwa.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

YOSUA 10:17

It a'nogo hinago were'ma nen aben ineilenggen isasukwasik he Yosua yagasi lagaukwa.

YOSUA 8:29

Raja kota andi welagaikhe agun a'nogo re, ebe e mendek meneba hele kelogo porogo fesukwama werek kwelek o hu'mo agaikhe. Mo ubuk ugu kwelek aremnogo re Yosua nen ap warek a'nogo wani lambik he, o kota kwe ki lagaikharek oba ambe pale'ma sele'ma andoma hugisa lani, iluk yagaisasikhe. A'nogo hilingitikhemo re obalik aremnogoba re helep hokho-pokhorogo kaboget fesukwa. Helep andoma re yogondak huli nen andemat werek.

YOSUA 8:24

A'nogo it Israel inap esa a'nogo nen ap inaselei mene it muginarek o lei esi le'ma wagaukwa mene omanogo felelenghogo inoatukwasik he, it a'nogo sugulogore o Ai lagaukwasik, afuni o andoma werek mene omanogo mondogat inoasi lagaukwa.

YOSUA 10:22

Andi mondogat hilingitukwasik, at Yosua nen ikhi logolik he, ”Yogondak oumo helep kwe yagarek mene a'nogo hurogo ap raja inebe fuaben aremnogo woginarek wulibi we'ni,” iluk yagaisasikhe.