YOSUA 7:7 - Allah Wene Fano Wene Hupla Inane

⁷ Yosua nen Tuhan oba ikhi logolik he, ”Tuhan Allah neisena! Nenahalok nit Haren wo'ninarek i Yordan fena fikhit yoma wagagin? Afuni Amori meneba wogisagain iluk wo'ninarek wagagin a? Nit wa'lasuageluk hilingiten a, nit he i Yordan fena fikhit a'lima logoiloma nen he fano!

YOSUA 7:7 Referans Kwoze

IBRANI 12:5

Ineisenalagen inagainafuri komorinafarek andi hak, hit Allah againafuri mene, aren komorinaferek wene andi hinonggot ageba? Aren ikhi logolik: ”Afuni an nendawinggen hundik mene halok inebe lombok komorinafik it an nagainafuri mene iluk, fakhogo igirek mene halok inebe lombok yei inoatik, igirek andi nen he, namlogo e. Haren he, neisena Enupogot Allah nen komotnafe, iluk hendawimo nen serametfuluk herakfisagun o. An nen, weak hilingiten, iluk yagaheti halok, hendawimo puk agi'lek logoino,” iluk isikhemo lisu palogo fesukwa.

2 RAJA-RAJA 3:10

A'nogo hilinglagaikhemo raja Yoram en ikhi logolik he, ”Yago, nit alomat lasugun higi. Tuhan nen he, nit ninebe henaganet raja Moab mene inenggiba ninobagaigiluk hilingite higi!” iluk isikhe.

MATIUS 17:20

at Yesus nen he, ”Hit hinendawinggen furogo noba himbiret fikhi lagep lek andi nen o. Kibi-kibi enggen magenggelak mene feik lakfagarek andi hak, hinendawinggen an noba endebat enek himbiret fembik he, tom ari yagati logolik, Aroma nen higilogo ekhema andoma asi lan o, iluk yagasugun halok he, andoma nen ekhema andoma asi lagain aro. Hiren yi mene ti mene hilingisumo re, ekhe elok legagi'lek fano nek asigin, iluk eberogoat yagahisigi. Mene re, munggwarengge obabut weak mene yi hangge inendawimo were'ma re, sumburu ninggi'lek samban umo nek he, elok henegeisogo wulibigin o,” iluk yagaisasikhe.

MATIUS 17:17

A'nogo yagatikhemo, at Yesus nen he, mel yagatikhe: ”Hit afuni o yogondak welagep mene yi re, hinendawinggen an noba eberogoat iluk himbiret figi'lek logolik nong akhikhi lagep yoma ri! An hit ninom nenggi miren oba logogun nogo. Hit yi'nogo hilingitu kwelek nafe morogo nenggi miren logogin,” iluk yagaisasikhesik he, ”Yenggerek ari an noba waluk we'ni o,” iluk yagaisasikhemo.

BILANGAN 14:3

It afuni andoma nen nit ninebe ninoa'luk, ninagagwi inom, ninagainafuri inom, hele warogo fisoageluk Tuhan nen o andoma wo'ninarek lageluk waga andi nenahalok. Ninambotkwe o Mesir lamo elo'lek nogo? Elok lagoin aro,” iluk yagaisasukwa.

KELUARAN 17:3

A'nogo yagaisasikhe meneat he, it afuni omanogo i mondok nele hokhorogo agaikhemo re, Musa oba inane mul-mul fikhi logolik, mel yagatukwa: ”Nit ninebe inom, ninagainafuri inom, ninanggo inom, i nele nen o yoma wa'lasuageluk, o Mesir en wo'ninarek wagen andi nenahalok,” iluk yagatukwa.

KELUARAN 16:3

A'nogo inoba fesukwasik, mel yagaisasukwa: ”Nineisena Tuhan nit ninebe o Mesir a'lima nen ninoasuageluk herakninobagauwem o. Nit o Mesir logolik he, wam ninggik, sumburu roti mene ninggik, ninalabut ninghogo ninggi lagagu meneat he, o yoma yi mene ti mene le'ma nele nen ninebe mondogat wa'lasuageluk wo'ninarek wagep yoma ri!” iluk yagaisasukwa.

BILANGAN 14:16

At Allah nen againafuri o it wogisagaluk wene warisasikheba andoma woginarek lagain omame legen he, o leimo afuni le'ma andoma inoate, iluk it ekhe yagaisogoin aro.

YOSUA 7:6

Yosua inom it afuni a'nogo melalinafu mene inogogwi omanogo inom inendawimo mondok weak agaukwasik he, inasu mondok tilip-talap isasukwasik, fong warogo pelagi logolik wul yalelogo inunggul oba fesukwasik, lingge hundik hup hundik he Tuhan nen Peti Wene Warek a'nogo era'lu inelokhe sagaum logolik inendawi warikhi lagaukwa.

YOSUA 7:8

Tuhan neisena! ap ninaselei mene nen he Israel mene yei warogo lakfisa wagaikha. Yogondak he an nen ninggi'nogo igin?

1 SAMUEL 4:3

A'nogo inoatukwama, it ap ineluk poloksek inawi tenda mene wurikwe wagaukwama, it inogogwi nen mel isukwa: ”Nineisena Tuhan nen ap ninaselei mene Filistin mene nen ninoasuagaluk hera'ninobagaikhemo ninoata andi nenahalok nogo? Nineisena Tuhan nen nit ap Filistin mene nen ninoasinogoluk telninabuagen he Peti Wene Warogo Allah wo'ninafikhe iluk hilingik a'nogo, o Silo nen wani lambik waluk wesuogo,” iluk isukwa.