YOSUA 7:25 - Allah Wene Fano Wene Hupla Inane

²⁵ Fisa lagaukwasik he, Yosua nen hun Akhan oba ikhi logolik he, ”Nenahalok haren nit mondogat ninoba enggin-fenggin andi hilingiten? Yogondak Tuhan en hat weaget habigin!” iluk yagatikhe. A'nogo yagatikhemo re afuni Israel mene mondogaren he hun Akhan ebe inom at eisok erokwe mene inom omanogo helep huk pinggi inoatukwa. Nen angge yi mene ti mene mondogat inom, nen ekhe mene-ekhe mene hinatikhe mene omanogo inom endumo mondogat nolhukwa.

YOSUA 7:25 Referans Kwoze

YOSUA 6:18

A'nogo meneat he, it ekhe mondogat legetfisikhi logolik, yi mene ti mene mondok legetfisogoin mene andi, hugulengge ekhe wanhubo. Hiren ekhe wanugun halok, Allah nen nit afuni Israel mene ninawi su mene wuri'mo yoma homan ninobagambik ninawi elokhonggen weaget fagain o.

1 TAWARIKH 2:7

Hun Karmi amlogo abo Ahar hun Zerah ambisangma mene nen ta'lagaikhe mene andi nen he, it weim yabi lagaukwasik yi mene ti mene telhukwa mene Allah faget iluk wendeberogo fesukwa mene omanogo wanhikhemo, it afuni Israel mene inoba enggin-fenggin hilingisogo fisasikhe.

ULANGAN 17:5

ap kwanirogo hilingite mene andi re o kota abel endakwe fikhit waluk wulibi laluk, helep oba ebe pinggi warogo feino.

IMAMAT 24:14

”Ap andi waluk O Sabu Salek oba nen endakwe fikhit wulibi laluk he, it afuni nen Allah homan fugunem inesanggo holha mene halok he, ap andi eberogo weak hilingite iluk inelu asuageluk he, inebe lombogen inenggi ap andi unggul oba sebel fogoin. A'nogo sebel foumo it afuni Israel mene mondogaren helep hugoba nek wasumo wa'lasuak.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.

GALATIA 5:12

Hit weagethinabuogeluk hinagap hinenggalimo mene palhinabuogeluk hinendawimo ninghogo kagali'lagwi mene andi, hit Allah againafuri mene hinanggele'ma nen tekhogo mondok hela wulibuago!

YOSUA 7:15

A'nogo hilingitunem ap inoba enek agu mene omanogo nen ogo, yi mene ti mene wanu fuk iluk igimo nen helaga mene omanogo hinago werek halok he, at ebe inom, at eisok erokwe mene mondogat inom, angge yi mene ti mene andoma mondogat inom felelenghogo endu nolinabugun, andi re aren wene warek mene a'nogo taganhogo hilingitik, nen it afuni Israel mene inanggele'ma nen kwanirek mene hilingitik ikhe andiba weak mene oba asigin,” ikhe iluk yagaisano, iluk yagatikhe.

ULANGAN 21:21

iluk a'nogo yagaisugunem, it afuni ap mene nek o kota andi werek mene omanogo nen omalik a'nogo helep oba tunghogo wasumo ebe pinggi wa'lasigin. A'nogo hilingisugun andiba re hiren weak mene andi lek hilingisogo foumo, it afuni Israel mene mondogaren inesanggo holimbik he inailo nek asigin,” iluk yagaisasikhe.

IMAMAT 21:9

It imam mene ina'logomi nen yanani hilingirik nugu halok he aren eisena sebelogo fagain andi nen endumo nolugun fano.

IMAMAT 20:14

Ap ekhe nen agwe wanhesigen agaisa inomat woginafe halok he, andi mondok hilingisu elo'lek mene hilingitemo iluk inebe henaganet endumo nolinabumo wa'lasugun. Inobabut a'nogo hilingisugun mene andi re hit hinanggele'ma ekhe logogun mondok lek.

KEJADIAN 38:24

Tugi henagan hak welagaukwasigen at Yehuda holhugunemen he, ”He Tamar at eamalhe a'nogo re yanani nilik nugunemen omalik a'ma aga o,” iluk ugunem holhikhe. Holhikhesikhe he, at Yehuda nen miminginafi logolik, ”He andi waluk we'luk he nolfoumo wa'lakhoago,” iluk yagaisasikhe.

KEJADIAN 34:30

A'nogo hilingitukwama, at Yakub en Lewi inom Simeon inom yagaisikhi logolik, ”Yogondak he, it Kanaan inap inom, Feris inap inom, afuni o sili yiba werek mene inom, an inabiret nobagagasik werek. Enggere nit ninebe hokho welago lek hilingi'mo it afuni o sili yoma werek mene inebe misik sebe imbik, an noasi kwi wesumo nen he, an nagainafuri neisok erokwe menere mondogat lek asu hago,” iluk yagaisasikhe.

1 SAMUEL 14:29

A'nogo yagatikhemo, at Yonatan nen he mel isikhe, ”An neisena nen nit ninunggulenu mene ninoba wene andi ikhere obabut weak mene yaganisikhemo higi. Kwela'nean! An kin amusu endebat ekhe ninggirik oba nen he, noba mondok hambuk ikhemo welagi yi.

ULANGAN 13:11

A'nogo inoasumo re, afuni Israel mene mondogat inesanggo holimbik he, inailo a'luk, it ekhe nen weak mondok a'nogo hilingiti'lek logogun o,” iluk yagaisasikhe.

AMSAL 1:19

Eberogo nenat, ap inangge inenggi abisak hinakhugu logolik ina'mageba herarik nikharek mene andoma re, it inonggwarek inebeat onggo palogoin o.

AMSAL 15:27

Ap sa nen enggi werek asigin iluk eranhogo lalhigik helagain halok he at onggwarek againafuri weagerogo fisagain, ap sa nen uang hinagaisogo wogosugun mene nabit iluk herakfisikhe halok he eluk fano logogin.