YOSUA 7:2 - Allah Wene Fano Wene Hupla Inane2 Andem huli re, Yosua nen ap inebe fenakwe o kota misik ekhe o Betel en mo lagai wagarek fikhit o Bet-Awen horokhogo, o Ai andoma ineil penesi loageluk lakfisasikhe. Lakfisasikhemo lagaukwasik he, iren hilingisuageluk yagaisasikhe mane a'nogo mondogat hilingfuluk he, Gade chapit la |
YOSUA 7:2
18 Referans Kwoze
Hit afuni Israel mene nen he An noba hinendawinggen tiphogo logolik hilingiti lagep lek! Oba nen it Yehuda mene andi re hiren hilingiti lagep andem hakhogo hilingiti logoinogo. Hiren o Gilgal iluk ogo nen o Betel iluk ogo wene kabogesugun iluk ekhe hilingisu fuk. O andoma nen Tuhan Eluk Mondok welagarek agun a'nogo enuba hombuk palu fugat.
A'nogo yagaisilik lagaukwama, ap inebe andogosi lagu kwelek, it ap Filistin mene ogo re, ap Israel mene inom weim yabuogoluk, inebe andogotukwaat. A'nogo andogotukwa andi, kereta kuda nen lisogo waluk weim yafarek mene 30.000 nen inom, it ap kuda amboloba hurek logolik weim yafarek mene inebe 6.000 nen inom, ap tentara ineisok oba laluk weim yafarek mene inebe ial i laut yenggelek esanggokwe welagarek andi hangge mondok hokhorogo andogotukwa. A'nogo andogotukwasik, o Bet-Awen nen abel elikwe mo liabi wagarek higit o Mikhmas andoma inawi tenda ba wusi wagaukwa.
A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.
A'nogo hilingi'luk he, pikhirat i ambutmo higit tom hokho meneba o kota Betel esanggoma, mo liabi wagarek higithogo andoma wagaikhesik, o Betel en honggolek, Ai nen honggolek andoma o sabu su meneba ekhe wutikhe. O wutikheba andoma nen he, o mo ubukhogo kwikherek higit he, o Betel andi, nen, o mo liabi wagarek higit he, o Ai andi. O andoma yi mene ti mene Allah faget warogo noleti logogun oba obuluk mezbah ekhe wutikhesik Tuhan fogeratikhe.
Raja-raja inomame leget fisasikhe mene, inebe abirengge lambulogo re 31 nen. Inebe andem he raja-raja o kota-kota yiba welagaukwa mene enu re yi: O Yerikho inom, o Ai (Betel horokhogo) andi mene inom, Yerusalem, Hebron, Yarmut, Lakhis, Eglon, Gezer, Debir, Geder, Horma, Arad, Libna, Adulam, Makeda, Betel, Tapuah, Hefer, Afek, Lasaron, Madon, Hazor, Simron-Meron, Akhsaf, Taanakh, Megido, Kedes, Yokneam (o Karmel oba andoma) inom, Dor (i aik oba welagaukwa mene) inom, Goyim (o Galileaba) andoma inom o Tirza inom oba welagaukwa inap inomame leget fisasikhe.
A'nogo yagatukwama, at Yosua nen o Sitim en ap inebe pire mene o Kanaan ineil penesi loageluk inayonggo fuluk wulakfisa wagaikhe. Ap inebe pire andem wulakfisa waga logolik, ”Hinebe hinagaisogo lambik, o Kanaan andoma ebe esin hangge re, o Yerikho andoma hineil fanorogo pene'no o,” iluk yagaisasikhemo ap aremnogo o kota a'nogo wulibi wagaukwasik, he yanani nilik nikhi lagaikhe mene enu Rahab aiba kwisukwasik welagaukwa.
Aren o kota-kota lakfisasikhe kwe omanogo enu re yi: o Betel inom, Rama inom, Yehuda inom, abel a'makwe selatan fikhit andoma inom, Yatir, Aroer inom, Sifmot, Astemoa inom, Rakhal inom, afuni Yeramahmeel inawi kota werek mene inom, afuni Keni inap inawi kota inom, Horma inom, Bor-Asan inom, Atakh, Hebron inom andoma lakfisasikhe. O kota at Daud inom agoromi inom leil warik nikhi lagaukwa kwe andoma onggo inagaiyekhogo iluk lakfisasikhe nek.
Yago hit afuni Hesybon mene yoma re, hinawi kota Ai a'nogo re mondogat wolelenggen etemo re le aga logoni o! Yago hit hemi o Raba hemi yoma re le hinane kwi kwerogo yakhikhi logoni o! Fong warogo logolik he hinasu karung su ikfahaluk logoni. Hit hinanggembu Dewa Milkom a'nogo inom ap imam-imam omanogo inom, nen it pemerintah ineabu legoma hilingiri'lagwi mene omanogo inom he hele warogo huginabi lagaikharek oba omanogo huginabi lagaikhanggere hit he hinebene hinagambut palogo hinendawi ou hilik laga logoni!
Piblisite