YOSUA 7:11 - Allah Wene Fano Wene Hupla Inane

¹¹ Afuni Israel mene weak hilingitama o. An nen wene melalfisikhi logolik, wene warek An inom it inom wat-wat agagu mene andi tiphogo hilingiti logouwageluk yagaisasigi, oba nen he, wene andi sagal faga! Nen yi mene ti mene wolelenggen tagalogo feino iluk igi mene omanogo iren he helaga. Helagasik weinam asinogo iluk he, it inasungge anggele'ma andoma hinagaisogo fakhaga o.

YOSUA 7:11 Referans Kwoze

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

KISAH PARA RASUL 5:9

A'nogo yagatikhemo, at Petrus nen he, ”Hit hagun hemberegat, wene yi'nogo hilingisuok, iluk ikhi lagepsigen nineisena Allah Areagun obabut paluogeluk hilingitep andi nenahalok. Ap hat hagun ebe warek kweangma sali lagaikhasik, hat a'nogoat wokharek wulibuogeluk olilu kweba ineisok abolok ilik wagaikha ari o,” iluk yagatikhe.

MATIUS 22:21

iren he, ”Ari Kaisar aro,” iluk yagatukwama, at Yesus nen he, ”Kaisar mene halok he, Kaisar at wogetik, Allah mene halok he, Allah at wogetik, ikhi logoino o,” iluk, yagaisasikhemo re,

ZAKHARIA 5:4

Tuhan Omame Mondok Hokho welagarek mene a'nogo nen ikhi logolik he, homan inoba asigin mene andi re it afuni yogot wili'lagwi mene inawi wurik lombok ebene inom, nen hesangge hombuk pali'lagwi mene inawi lombok inom andoma lakfei wesigin. Inawi andoma re, homan inoba fugu were'ma nek he o wurik mene omanogo wolelenggen tagalogo kaboksek logogin,” iluk yaganetunem higi.

HABAKUK 2:6

Oba nen he, it inawe a'ma fisili'lagwi mene andi nen, it inomame werek mene omanogo inane asegen wogisigik, inenggali watik, ikhi logolik he, ”Hat hangge lek oba nen kabogerikhi lagenma re homan ugu logoin o! Ki huli nen weak-weak nenggi werek asigin iluk ap hat hoba palegengge werek mene omanogo nombalegengge wo'ne'ni iluk hane ninghogo yagaisugu logogin nogo?” iluk agarek andi.

HOSEA 6:7

Oba nen he at Adam en hilingitikhe higit, hiren ogo An ninom wene watigip mene a'nogo sagalhi lagep.

YEREMIA 31:32

Oba nen wene An nen inombawi inoba o Mesir en woginarek wulibi waga logolik warisasigi mene andi higit he fuk. Iren An faget he hemi inaguni hakhogo hilingik welagagi, oba nen he An ninom wene watugu mene a'nogo iren taganhogo hilingiti lagaukwa.

YESAYA 24:5

Afuni nen Allah ane sagalogo fagarek andiba inom, nen iren At Tuhan inom wene mondok-mondok logogin mene faget watukwa mene a'nogo taganhogo hilingiri'lagwi andiba inom, andi nen iren wene melalek werek mene a'nogo taganet fili'lagwi andiba inom kweangma amben mondok weak mene sang igin.

2 RAJA-RAJA 18:12

It afuni Israel mene ineisena Tuhan Allah ane hologo hilingiti'lek logolik, Allah nen, ”Yi'nogo hilinghinabigin,” iluk wene warogo woginafikhe mene a'nogo sagalogo herakfisigik, nen amingmingengge Musa nen, ”Yi'nogo hilingi'no, ti'nogo hilingi'no,” iluk komorinafikhe wene a'nogo, inesanggo hologo higithogo hilingiti'lek herakfisigik, ikhi lagaukwama maben agaukwa andi.

HAKIM–HAKIM 2:20

A'nogo welagaukwa andi nen he, at Tuhan a'ma kwe het-perisikhesik he, mel isikhe: ”An nen it yi inombalak yagaisikhi logolik, wene An nen warogo woginafigi wene andi kofologo herakfanhi'lek ninom hundigat logouwok, iluk yagaisasigi. A'nogo yagaisasigimo ninom hundigat welagagu meneat he, it hobuk mene yi, wene warogo woginafigi mene andi kofologo herakfanhasik, An nen, yi'nogo hilingiti logoino, ti'nogo hilingiti logoino, iluk yagaisasigi wene andi sagalogo hilingiri'lagwi andi.

YOSUA 23:16

Hineisena Tuhan Allah nen wene melalek hiren hologo hilingiti logouwageluk yagahisikhe mene a'nogo sagalogo fuluk, hiren ambi tugwi kembu amu meneba obaget hilingisi lagik, kembu andoma apne wanhik, hilingisugun halok he, Tuhan anini hinoba fembik wene hinoba fagain o. Linggene misik oba nek hit hinebe mondogat o kweang fanoma hineisena Tuhan nen hit wokhisikheba oma nen legethinobagagin o,” iluk yagaisasikhe.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

ULANGAN 17:2

Hit hinesanggo holhugunemen ambi o kota misik oba ekhe, aben ogo, helime nen ogo Tuhan Allah elokhoma weak hilingiti logolik,

IMAMAT 5:15

”Nen, ap misik ekhe nen wenggelek legengge nen Tuhan obaget palfigi'lek hundik-handik fikhi logogin ilugen, figi'legengge hilingitu halok he ap andi nen fei wesigin lek mene andi higithogo fouwageluk obali'mo waluk nolesi wesigin fano. Nolesi wesigin mene andi re domba ogo kambing ogo ai mene halok misiktek higik, agap oba agambut palek lek mene halok o Tuhan Awi Sabu sale'ma onggo werek higithogo fuluk fei waga logogin.

YOSUA 7:10

A'nogo yagatikhemo Tuhan nen onggo Yosua oba ikhi logolik, ”Menlame o! Haren a'nogo kweangma helokhe sagaum logolik hilingiti lagen andi nenahalok!

1 SAMUEL 14:38

A'nogo kamo isikhe andi nen at Saul en ap tentara inogogwi mene inoba yagaisasikhe: ”Hit hinebe mondogat andoget ha wesimbik o yogondak he, sa nen ekhe weak hilingitemo iluk hera'ni o.

2 RAJA-RAJA 5:24

Waga lagaukwasik, o tom oba at Elisa welagaikheba asi wagaukwama re, at Gehasi nen uang inom, su inom, omanogo it ap Naaman amingmingengge aremnogo inenggimo nen wanhikhesik he, oloba fouget fesikhe. A'nogo fesikhesik, ap Naaman amingmingengge aremnogo inambotkwe lakfisasikhe.