YOSUA 6:18 - Allah Wene Fano Wene Hupla Inane

¹⁸ A'nogo meneat he, it ekhe mondogat legetfisikhi logolik, yi mene ti mene mondok legetfisogoin mene andi, hugulengge ekhe wanhubo. Hiren ekhe wanugun halok, Allah nen nit afuni Israel mene ninawi su mene wuri'mo yoma homan ninobagambik ninawi elokhonggen weaget fagain o.

YOSUA 6:18 Referans Kwoze

1 YOHANES 5:21

Halok nagainafuri e. Hiren tugwi kembu fogeratarek mene andomaba nen agaiserati logolik, hinobabut hebelogo logoino o.

EFESUS 5:11

It o mum oba logolik he, fanorinabigin lek mene weak hilingiri'lagwi mene andi re, hinom lambukhogo hilingiti logogun lek. Athe, a'nogo hilingitunem fakhogo wenagisikhi logoino.

YOSUA 7:1

Tuhan nen afuni Israel mene inoba komorinafi logolik yi mene ti mene o Yerikhoba nen mondogat hugul kugun mene andoma re, we misik iluk ogo ekhe wanugun lek iluk yagaisasikhe. Yagaisasikheba nen he wene melalek a'nogo tiphogo hilingitukwa lek. Ap misik ekhe enu re Akhan andi nen wene melalek andi sagalogo hilingitikheba Tuhan anini afuni Israel mene inoba fesikhe. (Hun Akhan andi eisena enure Karmi nen omba re hun Zabdi inunggulenu Yehuda meneba nen he unggulenu agaukhogo re Zerah mene welagaikhe.)

YOSUA 7:25

Fisa lagaukwasik he, Yosua nen hun Akhan oba ikhi logolik he, ”Nenahalok haren nit mondogat ninoba enggin-fenggin andi hilingiten? Yogondak Tuhan en hat weaget habigin!” iluk yagatikhe. A'nogo yagatikhemo re afuni Israel mene mondogaren he hun Akhan ebe inom at eisok erokwe mene inom omanogo helep huk pinggi inoatukwa. Nen angge yi mene ti mene mondogat inom, nen ekhe mene-ekhe mene hinatikhe mene omanogo inom endumo mondogat nolhukwa.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

YUNUS 1:12

at Yunus nen he, ”Ero an weak hilingitiba i ha'labu nen hinoasu hak mondok elo'lekhogo hilingiri'lago andi re, an arat futfigi o. Andi nen he, an nebe hambokhogo i laut oba pelaknobagaumo nek he sogoi abolok ili'lago mene ari hambuk igin o,”

PENGKHOTBAH 9:18

Sige sikhe wanharek andi sebelek hak oba nen he inendawinggen kagalek welagaikharek andi nek he mondok esin, oba nen weak mene endebat ekhe tephogo pigin mene nen amusu fano mene belanga misik keralek weagerogo fou hak.

2 SAMUEL 21:1

At Daud ebe raja logolik ferinarek were'ma andem he sumburu ouwak mondok elo'lekhogo lagasikhesik tahun henagan inukhogo welagaikhe. A'nogo hilingik were'ma re at Daud en he a'nogo agaikhe mene andi faget Tuhan nen yi'nogo ti'nogo yaganesuageluk kinotikhemo, At Tuhan nen ikhi logolik he, ”Sumburu ouwak lagaikhe andi erore at Saul inom at eisok erokwe mene inom weak hilingitaba o, iren he ap Gibeon mene mondogat inoata andi nen,” iluk yagatikhe.

ULANGAN 7:26

Allah nen andi mene homan fisikhemo weak asugun andi hit hinom weagethinabinogo iluk, tugwi kembu hit hinaiba ekhe fugubo. Hineisena Tuhan he, andi mene homan fikherek andi nen, hiren andi mene hinendawimo serametfisaluk hinabit logoino o,” iluk yagaisasikhe.

YOSUA 7:15

A'nogo hilingitunem ap inoba enek agu mene omanogo nen ogo, yi mene ti mene wanu fuk iluk igimo nen helaga mene omanogo hinago werek halok he, at ebe inom, at eisok erokwe mene mondogat inom, angge yi mene ti mene andoma mondogat inom felelenghogo endu nolinabugun, andi re aren wene warek mene a'nogo taganhogo hilingitik, nen it afuni Israel mene inanggele'ma nen kwanirek mene hilingitik ikhe andiba weak mene oba asigin,” ikhe iluk yagaisano, iluk yagatikhe.

ULANGAN 13:17

Yi mene ti mene mondok homan oba werek mene andi re, hit hinonggwarek faget iluk ogo ekhe fakhogoin mondok lego, abirengge mondok pin tagalogo fisamo, At Tuhan a'mage hit hinoba logogin mene a'nogo leget fikhi logolik hit hinoba endawi hundik hilinghinafik, endawi sakhorek oba hilinghinafik, Aren hit hinombawi inunggulenu hokhot fisikhi logolik fanot fisasikhe hakhogo, hirogo a'nogoat hilinghinabigin.

YOSUA 7:13

Yosua, hat yogondak he menlame! Menlasimbik afuni Israel mene andi inebe horogo fakhambik An were'ma wesuagen he fik-fouk esuageluk yagaisano. An nebe Afuni Israel mene ineisena Tuhan Allah a'nogo nen igi mene yi it yagaisano: ’Yago, hit afuni Israel mene yi! Yi mene ti mene hiren lilibukhogo legerasubagaigeluk An nen melalhinobagagi mene omanogo hit hinelu logoligenat he, fisogo welagep andi. Hit hinangge yi mene ti mene helegep mene andoma hugisigi'lek halok he, it hinaselei mene inelokhoma re, hambukhogo fangesu elo'lek logogun,’ iluk yagaisagain enggere, hobit iren fik-foukhogo hilingisuageluk komotfisano.

ULANGAN 23:10

Ap ekhe hubanggo nogogunemen amusu wulibi wesigin oba ebe emetlagu halok he, at andi o sabu wuri'mo omanogo herakfuluk enda'ma wulibi laluk logogin.