YOSUA 3:6 - Allah Wene Fano Wene Hupla Inane

⁶ A'nogo yagaisasikhesik, it ap Allah eisewerek mene nen Peti a'nogo waluk he, afuni Israel mene inebe hokhorogo hobugetfisaluk attagat wesuagaluk yagaisasikhemo, iren at Yosua nen yagaisasikhe hagat hilingitukwa.

YOSUA 3:6 Referans Kwoze

MIKHA 2:13

An nen hit hinanggwe huthisigik, hele warogo wokhinarek lagaukwama welagep oba andoma nen wokhinarek wilibi wagik, igin o. A'nogo wokhinarek wilibi waga logolik hiren leget pa'leget ambe palek mene andoma langgukhogo lakfisaluk wilibi wesugun. An hineisena Tuhan nebe Raja welagimo re, An nenat hit hinebe wokhinarek wilibi wesigin o,” iluk yagaisasikhe.

YOSUA 3:3

Laga logolik, afuni Israel mene mondogat wene mel yagaisasukwa: ”It ap imam-imam omanogo nen Peti Wene Warogo Tuhan Allah nen wo'ninafikhe iluk hilingik a'nogo waluk lagunem hineilenggen isegep halok he, hirogo re o su mene wuri'mo yoma herakfuluk Peti andi waluk lagunem inombo'neat lano.

BILANGAN 14:15

Haren hagainafuri inebe andi mondogat inoasigin halok he, afuni inunggulenu lombok ekhe nen hat habok o yi awi ti awi lagunem inesanggo holha mene andi nen he,

BILANGAN 10:33

It afuni Israel mene nineisena Tuhan andom Sinai a'nogoba nen herakfisaluk inenggi henagan oba wagaukwa. A'nogo waga logolik, it inawi su mene wusugun oba obalik herasuogeluk peti Allah nen wene warogo wo'ninafikhe iluk hilingik a'nogo tak waluk waga lagaukwa.

IBRANI 6:20

At Yesus nit faget kwe ebekwe yatikhesik o andoma kwisikhesik, ap Melkisedek Allah eisewerek logolik hilingiti lagaikhe andi hak, mondok-mondok hilingiti logogin mene Allah eisewerek kain agaikhesik welagarek andi.

YOSUA 3:5

A'nogo yagaisasukwama, at Yosua nen he, afuni Israel mene mel yagaisasikhe: ”Ohealek he Tuhan nen hit futfouwageluk elalin mene ekhe hit hinanggele'ma hilingisigin andi nen he, hinebe Allah faget fanorogo tegelogo fakhambik logoino o,” iluk yagaisasikhe.

YOSUA 3:7

A'nogo hilingitukwama, At Tuhan nen Yosua mel yagatikhe: ”An nen hat o yogondak yi huli nen hebe kain hilinghabigin o. A'nogo hilinghafunem, it afuni Israel mene mondogaren he, hat agaukhogo fogethafi logolik, An nen at Musa serogo mondok welagagi andi hak, hat setharek mondok logogin andi, futhobagagun o.

1RAJA-RAJA 8:3

It afuni inogogwi kaindek omanogo inebe mondogat andogosi wagaukwama re, it ap Allah eisewerek mene nen he Peti wene warek a'nogo waluk,

2 TAWARIKH 5:4

It afuni melalinafu inap a'nogo mondogat andogosi wagaukwama re, it Lewi inaben peti wene warek a'nogo waluk Tuhan Awi wuri'mo fei kwisukwa.

YOSUA 6:6

A'nogo yagatikhemo, at Yosua nen he, ap imam omanogo wolisasikhemo wagaukwama re, mel yagaisasikhe: ”Hiren Peti Wene Warogo Allah nen wo'ninafikhe, iluk hilingik a'nogo waluk lagu kwelek, ap hit mene ekhe hinebe 7 nen hinambinggong ane hokho mene a'nogo helaluk he, attak kwe wanino o,” iluk yagaisasikhe.