YOSUA 3:13 - Allah Wene Fano Wene Hupla Inane

¹³ Hobuk it ap imam en Peti Wene Warogo Tuhan nen wo'ninafikhe iluk hilingik a'nogo waluk i Yordan ineisogen sebelhugunem he, i yaga'lasimbik firok igin o. A'nogo firok imbik he, i misi'mo yenggelasimbik logogin o,” iluk yagaisasikhe.

YOSUA 3:13 Referans Kwoze

KELUARAN 15:8

I yenggelek a'nogo heleage futhegenmare, I habunarogo kat senghogo hilinglagasik, Kat senghogo helage palogo menlagama re, Ial oba elok wulibi wago.

MAZMUR 78:13

Aren he, i laut yenggelek a'nogo pelanghogo fena-fena maminget fesikhemo re, it omanogo selek wulifukwa. I a'nogo re helage palogo fugunem hakhogo fena-fena habunarogo menogo fesikhe.

HABAKUK 3:15

Hanggo kuda amboroba lagaluk i laut yenggelek agum ebene wagunem, i ha'labu hilingiti logolik wesilagap langgi wap langgi hilingirik wagendek andi.

MAZMUR 33:7

I laut yenggelek mene andi re misi'mo andogorogo fesikhe, i agum yagamakhogo yenggelek mene andi re Aren helage palogo yagat fesikhemo werek.

YOSUA 4:7

yi'nogo yagaisikhi logoino: O endamat, niren nineisena Allah nen Peti Wene Warogo wo'ninafikhe iluk hilingik a'nogo waluk wulibi wagunem, i Yordan yaga'lagaikhesik firok isikhemo, waluk wulibi wagagu mene o, iluk yagaisikhi logoino. Wene andi, it afuni nen hinedawimo ebethisikhi logou hak, helep andi nen, Allah nen ti'nogo hilingitikhe iluk hit afuni Israel mene hinendawimo ebethisikhi logogin o,” iluk yagaisasikhe.

MAZMUR 74:15

Haren he i elesi wulakfigik, i lagu agai anggwe halogo latik, nen i lagu agai andi ebe hokho agai oba nen he Harenat firitoget figik egendek.

1 TAWARIKH 29:11

Hat he mondok hokho mene logolik halong welagen. Hat he hombak-pak logolik halong welagik, haren hilingiti lagen mene re ambisangma mondok tiphogo nek agik, Hebe mondok lego welagik, hilingik welagen. Yi mene ti mene pogoroba inom, kweangma inom andoma Hat honggwarek hangge nek. Hat he (Raja) mondok lego mene welagenma re, yi mene ti mene mondogat Hat homame a'ma nek werek.

YESAYA 54:5

Hebe elalhafe mene andi re hagun higit asigin, Israel ineisena Allah amu horek mene andi re hagap telhafu mene asigin. Tuhan Omame Mondok Hokho mene iluk enure andi, At he Allah o kweangma yoma mondogat Enupogot welagarek mene.

ZAKHARIA 4:14

A'nogo yagatimo aren ikhi logolik, ”Andem he, ap pire mene Tuhan o pogot kweang elalhikhe agun a'nogo nen At obaget hilingiti logouwageluk enogo menfisasikhe mene aremnogo re andem o,” iluk yaganetunem higi.