A'nogo yagaisasikhesik, ekhe mel yagaisasikhe: ”Nineisena Tuhan Allah nen o hit hobuk logogun oba andoma wokhinarek lambik, afuni inunggulenu hokho mene pugulogo wulakfisagain. Wulakfisambik logolik inunggulenu 7 nen hit hangge lek. We, it inunggulenu hokhoat, inomame hokho mene, mugusogo wulakfisagain o. It andi re, inunggulenu Het mene inom, Girgasi mene inom, Amori mene inom, Kanaan mene inom, Feris mene inom, Hewi mene inom, Yebus mene inom, mugusogo wulakfisagain o.
YOSUA 3:10 - Allah Wene Fano Wene Hupla Inane10-11 Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o. Gade chapit la |
YOSUA 3:10
37 Referans Kwoze
A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.
Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.
A'nogo anggasukwama, at Pinehas imam Eleazar amlogo a'nogo nen it inunggulenu Ruben, Gad, Manasye timur fikhit mene aremnogo inoba yagaisikhi logolik, ”Yogondak he hiren Tuhan ane sagalogo hilingitep le'ma re Tuhan nit ninom werek a'nogo hinelu aga. Hiren he Tuhan nen afuni Israel mene wene inoba feinogo iluk inagap telinafep,” iluk yagaisasikhe.
It a'nogo hilingita halok he, An na'makwe mondok hetperimbik, nanini inoba fagain o. A'nogo fembik it inebe arat herakfisambik he, inebe mondok legetfisagain o. A'nogo legetfisikhi logolik, yi mene ti mene inailo mene hokhorogo inoba fugunem iren he, eige, nit he, nineisena Tuhan Allah fetninarek werek lek higi, iluk futfogoin o.
Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.
Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.
A'nogo yaganetesik he, ekhe mel yaganeteat: ”Meneat he, hobuk An nen he, afuni Israel mene inebe ial i laut hokho yenggelek mene era'lukwe inenggi wenatik, iwak elema kwelagaisogo kilo walhigik, u mondok elo'lek andi hak, inebe mondok hokhorogo hilingisogo fisagain o. Yogondak An nen he, Hit An nagainafuri lego, iluk yagaisigirek aro. A'nogo meneat he, hobuk, hit An Allah neluk mondok welagirek mene nagainafuri o, iluk yagaisagain oba werego.
A'nogo yagaisasikhemo, at Mikha nen he, mel yagatikhe: ”Hat noe hebe hambotkwe selek fano wagen halok he, wene an nen yagaheti mene andi re, Tuhan nen yaganete mene re fuk. We, an nendawimo kagalogo yagahetimo iluk enegat asigin o,” iluk yagatikhesik, hobuk afe hebekhogo afuni era'lukwe mendek welagaukwa mene omanogo inoba yagaisikhi logolik he, ”Hit mondogat hinesanggo holek werek kwelek wene yagati andi, hineluat logoino o,” iluk yagaisasikhe.
Wene Yosua inom afuni Israel mene inom inomame aga logolik raja-raja mabenet fisilik laga lagaukwa mene omanogo faget he inabok wialarik laga logolik, raja i Yordan fena o mo ubuk ikherek fikhit werek mene inom, tomkwe welagaikharek mene inom, tonggokwe o abel fena-fena welagaikharek mene inom andoma i Laut Tengah huli andoma nen he tom Libanon soganogo eil ambolkwe andoma huli, o andoma it raja Het mene, Amori mene, Kanaan mene, Feris mene, Hewi mene, Yebus mene andoma nen holhukwa.
A'nogo hilingi'mo hasukwasik, Daud en hun Ahimelekh o Het mene a'nogo inom, Abisai inom, abo Yoab andi re (it inagaisa hwe Zeruya) a'nogo amlogomi aremnogo inom inoba heinok wogisikhi logolik he, ”Hun Saul awi sabu salogo nogoli'lagoba ari ailo lek mene an ninom sa kugun ilik heinok wogisasikhemo at Abisai nen ikhi logolik he, ”An o!” iluk isikhe.
Afuni inunggulenu Amalek mene inaiba re, i ambut mo selatan fikhit andoma were'ma isogo. Nen, afuni inunggulenu Het mene inom, Yebus mene inom, Amori mene inom, inaiba re tom oba era'lukwe wuthigik welagaikhare'ma o. A'nogo werek kwelek it afuni inunggulenu Kanaan mene nek he, i laut yenggelek esanggokwe mondogat inom, i Yordan aik fena-fena elesi ambut mondogat inom, it mondok welagaikhare'ma isogo,” iluk yagatukwa.
At raja Yabin andi ogo re it afuni Kanaan mene i Yordan fenakwe mo ero fikhit werek mene inom, mo ubuk ikherek fikhit werek mene inom inoba wene warogo lakfikhi logolik, it ekhe Amori mene, Het mene, Feris mene, Yebus mene, o tomkwe werek mene inom, nen Hewi inap tom Hermon erokwe nen o Mizpa andoma werek mene inomat inoba yonggo wulafikheat.
O wilayah andoma re tomkwe inom, o mo ubuk ikherek fikhit punu a'makwe andoma inom, Yordan Tonggoma nen punu abel fena-fena andoma inom, mo lagai wagarek fikhiren alo esi mondok lekwe andoma inom, eil a'ma selatan fikhiren leikwe andoma inom wogisasikhe. O andoma re attak ap inunggulenu Het, Amori, Kanaan, Feris, Hewi, Yebus inom welagaukwa mene inawilunkwe.
Andi nen he, hobuk hit i Yordan palogo wulibi wagagipsik, o Yerikho arat wagagip. A'nogo wagagipsik oba nen, it ap Yerikho mene nen hinoasuogoluk isukwaat. Nen, ap Amori, Feris, Kanaan mene nen inom, Het, Girgasi, Hewi, Yebus mene nen inom, hinoasuogoluk isukwaat andi. A'nogo isukwa meneat he, An nen he, hiren it mondogat mabenet fisobagaigen iluk, inebe hinenggiba fisasigi.
Piblisite