YOSUA 23:6 - Allah Wene Fano Wene Hupla Inane

⁶ Andi halok he, hiren Buku Wene melalek Musa nen a'nogoba palek werek higithogo nek futfuluk hilingiti logobagaigen he kagal fakhambik logoino. Wene melalek werek mene andi misik iluk ogo ekhe taganhogo hilingisu fuk.

YOSUA 23:6 Referans Kwoze

ULANGAN 28:14

A'nogo meneat he hiren wene an nen hilingiti logouwageluk yagahisigi mene andi higithogo hilingiti'lek ap amu mene nen hilingitarek higithogo hilingisugun lek. Hiren amu mene faget allah ap-ap hilingfuluk apne wanhu meneba apne wanhik, obaget hilingitik ikhi logogun lek,” iluk yagaisasikhe.

ULANGAN 5:32

Allah againafuri Israel mene yi sani! Hit hineisena Tuhan Allah nen awene melalek yagahisikhe mene andi re ane hologo hilingiti logolik fi-furogo hilingiti logoino. Wene melalek andiba nen misik ekhe sagalogo herakfisa fuk.

IBRANI 12:4

Hit enek he, weak hilingisu hinabiren, weim inomamerogo yafarek andi hak hilingitunem, hinamep wulagaisogo hinoati'lek mene welagebo.

ULANGAN 17:20

Aren a'nogo hilingiti logogin halok obabut sebelasimbik, an enek fano it afuni yoma sebelek hak anggigi'lek, Tuhan Awene melalek werek mene a'nogo obabut ninggi'nogo iluk ogore sagalogo figik lek hilingitik, hilingiti logogin. A'nogo hilingiti logolik at ebe inom aren tagomangge mene inom it inunggulenu mene a'nogo halinafu mondok logogun o,” iluk yagaisasikhe.

ULANGAN 12:32

Wene an nen, yi'nogo hilingiti logoino, iluk mondogat yagahisigi andi, hiren wene hunogo mene ekhe oba labelhik, ekhe sebelogo pelafik, ugun mondok lego,” iluk yagaisasikhe.

WAHYU 21:8

A'nogo meneat he, it afuni ekhe inailo werek mene inom, Allah ane wanharesigen herakfisagarek mene inom, Allah abit mene hilingitarek mene inom, afuni inoatarek mene inom, pailak fakfisigik, fakfisoageluk hilingitik, agarek mene inom, wesagun anggwelek inoatarek mene inom, tugwi kembu oba himbirik logolik, fogeratarek mene inom, ineranen agarek mene mondogat inom, i laut endu mene yenggelek were'ma, hendali al hangge amben weak mene enu belerang inom amulok nunggu mondok welagare'ma andoma lakfisagain o. Lakfisagain andi re, inebe attak elama faget wa'lasimbigen hobuk wa'lasugun andi aro,” iluk yaganete.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

YEREMIA 9:3

ineranhogo wene ugu mene faget fikfouksek logolik werek inap. O kweang yi mondogat oba re eberogo hilingitarek mene a'nogo re sagarek werek lek, Henarogo hilingitarek mene nek he yikwe tikwe mondogat sagarek. Tuhan nen ikhi logolik, ”An nagainafuri nen he inanini mondok weak mene andoma palfigi'lek hilingiri'lagwi o, iren An nobaget nineisena Allah iluk fageri'lagwi mondok lego,” iluk ikhe.

MAZMUR 101:3

Weak hilingitarek mene andi re ekhe logouwageluk herakfagain mondok lek, wene weak mene inoba fuluk hilingitarek mene andi re an he mondogat nabit, Wene ariginik mene andi re an noba ekhe logogin mondok lek.

MAZMUR 119:102

An he Haren enek yanggulneti lagenma re, Hat hawene melalek andoma an nen ekhe herakfikhi lagi lek.

1RAJA-RAJA 2:3

Tuhan nen yaganisasikhe mene andiat higithogo hilingiti logoino o. Hat he, we, o koma laluk, yi mene ti mene hilingitunem elok enek aga logouwagaluk, wene Allah nen, yi'nogo hilingiti logoino, ti'nogo hilingiti logoino, iluk wene isa hilingisogo komotninafikhe wene, Musa nen lisu palogo fesikhe mene a'nogo hologo higithogo hilingiti logoino o.