YOSUA 21:43 - Allah Wene Fano Wene Hupla Inane

⁴³ A'nogo Tuhan nen he afuni Israel mene inoba kweang mondogat hombuk palogo abok it inambu-inomba inoba yagaisasikhe mene omanogo wogisasikhe. O kweang andiba sebeli kwisukwasik he afuni Israel mene re femhogo andoma welagaukwa.

YOSUA 21:43 Referans Kwoze

KEJADIAN 13:15

Kweang hat heilenggen yethegen mene andoma mondogat hat hebe inom, haren tagomangge mene inom, eise asimbik mondok-mondok logobagaigeluk wokhisagain o.

KEJADIAN 28:4

Allah nen hat hebe fanothafik, haren tagongge mene fanorinafik, Abraham fanot fesikhe andi hak, uago. Nen, Allah nen kweang hat welagen oba yoma Abraham wogotikhe mene andi hat eise logoino o,” iluk yagatikhe.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

ULANGAN 11:31

We horok yogondak arem kweang At hineisena Tuhan Allah nen wokhisasikheba omanogo sebeli kuluk logobagaigen i Yordan palogo hela kuogeluk welagep yi.

KELUARAN 3:8

Andi nen, An nen it afuni Mesir mene nen ferinarek werek andi telogo woginarek o andoma nen o ekhe mondok hokho fanoma andoma lageluk pi wagi o. O andire, kweang mondok muli fanoma, yi mene ti mene nenggarek mene mondok hokhorogo were'ma yogondak afuni inunggulenu Kanaan mene inom, Het mene inom, Amori mene inom, Feris mene inom, Hewi mene inom, Yebus mene inom werek.

ULANGAN 17:14

A'nogo yagaisasikhesik ekhe yagaisikhi logolik, ”Hit ambi kweang hineisena Tuhan Allah nen wokhisasikheba andoma sebeli kwimbik logolik, afuni inunggulenu hit logogun oba andoma hinera'lukwe maserogo welagaikharek mene inogogwi raja werek andoma higit, nirogo raja a'nogo ekhe logoilebe iluk hinendawimo anggogoin logou hak.

KEJADIAN 12:7

Andoma wagaikhesik were'ma Tuhan ebe Abram elokhoma menlagaikhesik he, mel yagatikhe: ”An nen afuni haren tagongge mene wogisagain he, o ebe yoma o,” iluk yagatikhemo, at Abram en Tuhan elokhoma menlagaikhe mene a'nogo faget, yi mene ti mene warogo noleti logogun oba obalik halogo fesikhe.

ULANGAN 34:4

A'nogo yagatikhesik, at nineisena Tuhan nen Musa mel yagatikhe: ”Musa, o heilenggen yethegen oma re, An nen Abraham inom, Ishak inom, Yakub inom, yagaisikhi logolik, O hiren tagongge mene wogisagain o, iluk wene warisasigi a'nogo re, ebe yethegen oma o. O oma re, we, heilenggen enek yethanogen iluk yagaheti meneat he, hat hebe o a'lima lanogoluk yagahesigin lego,” iluk yagatikhe.

BILANGAN 33:53

Kweang andi re, An nen hit wokhisiginggere, hit hinebe andoma lambik eiserogo kwimbik logolik hinebe andoma femhogo logogun.

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

NEHEMIA 9:24

Iren tagomangge mene nen afuni o Kanaan yoma mene mabenet fisaluk, inebe hat hagainafuri inawe a'ma logouwageluk hilinginafigin andi. Hat hagainafuri nen afuni Kanaan mene inunggulenu lombok inogogwi raja inom mondogat a'nogo hilinginabuagaluk homame wogisasigin andi.

BILANGAN 34:2

wene melalek afuni inunggulenu Israel mene yagaisoageluk wogetikhe mene re yi, ”We horok yogondak hit o Kanaan kweang oba, kweang An nen hit hinonggwarek hinanggweang asubagaigeluk wokhisasigiba a'nogo kwi louwogeluk welagep. Hit hinaiba hinanggweang andi huli-huli re yi.

ULANGAN 12:29

A'nogo yagaisasikhesik, ekhe mel Yagaisasikhe: ”Nineisena Tuhan Allah nen afuni inunggulenu hunogoat mene ekhe o andoma welagaikharek mene andi legetfisugunem he, hit elok sebeli kwimbik logogun o.

YOSUA 1:6

An nen hinombalak o wogisageluk wene warisasigiba andoma haren it woginarek o andoma sebeli kwigin andi nen he, hendawinggen hambukhogo hailo lekhogo logoino o.

HAKIM–HAKIM 11:24

Oba nen yogondak yi re haren nekhengge helagain iluk ikhi lagen a? Kweang hat handugwi kembu enu Kamos nen hat wokhetemo andoma nek he hit hinangge hilingik logogin andi fano. Oba nen he nit nineisena Tuhan Allah nen nit ninobaget wo'nisikhe mene andoma re nirogo ninghogo fisogo logogun.

1 SAMUEL 12:8

At Yakub againafuri inom o Mesir lagaukwama, afuni Mesir mene nen inoba enggin-fenggin hokhorogo fikhi lagaukwama, iren he, Nineisena, telninabin o, iluk ayonggo fikhi lagaukwama, At nineisena Tuhan nen he, Musa Harun emberek inayonggo fuluk inoba lakfisasikhe. A'nogo lakfisasikhemo, it emberegen hinombalak o Mesir en woginarek o yoma femhogo logouwageluk halogo fisasikhe andi.

2 TAWARIKH 20:8

A'nogo wogisasiginmo re, iren o yoma logolik Hat foget hafuba iluk o misik ekhe wutukwa. Iren,

MAZMUR 78:55

At amlogomi omanogo inelokhoma nen he it afuni o andoma welagaukwa mene omanogo mugusogo wulaginafi logolik he, At againafuri afuni inunggulenu Israel mene a'nogo mondogat inoba Aren kweang a'nogo mondogat sumburisilik lagaikhemo re, it a'nogo inaselei mene nen inaiba sabu salogo welagaukwa kwe omanogo kwilik lagaukwa.

MAZMUR 105:8

Aren he awene watnisasikhe mene a'nogo faget, endawimo eberek mondok welagarek. Aren wene watnisikhe mene andi re, nit afuni hobuk ta'larik laga logogun mene faget mondok-mondok logogin mene.

YEREMIA 32:23

Oba nen he it o kweang yiba sebeli kwi wagaukwasik logolik, iren Hat hane ugu mene omanogo hologo hilingiti lagaukwa lek. Haren yagaisugu mene andoma mondogat he iren we misikhogo iluk ekhe hilingiti lagaukwa legat. Andiba re yogondak he Haren yi enggin ti enggin inoba lakfei waga lagen yi o.