YOSUA 19:15 - Allah Wene Fano Wene Hupla Inane

¹⁵ Wilayah inunggulenu Zebulon mene andiba re: o Katat, Nahalal, Simron, Yidala, Betlehem andem inomat welagaikkhe. It inaiba andoma re o kota ebe 12 nen inom, o sili endep-endep kwe haningisogo werek mene inom welagaikhe.

YOSUA 19:15 Referans Kwoze

YOSUA 11:1

At raja Yabin o Hazor mene a'nogo nen he it Israel mene inomame arik wagaukwa mene omanogo esanggo holhikhesik he, aren ap yonggo re hun Yobab raja o kota Madon mene inom, it raja-raja o kota Simron mene inom, Akhsaf mene inom,

2 TAWARIKH 11:6

Kota Betlehem inom, Etam inom, Tekoa inom,

2 SAMUEL 23:15

A'nogo sebeli kwisukwama at Daud a'nogo aiba faget endawi ou agaikhemo aren ikhi logolik he yi'nogo isikhe, ”Eige, an he o Betlehem kwe kuguba i mogo habuli'mo a'nogo mene hinagongge ekhe wo'nelepma noba lombukhogo nele agwi!,” iluk ikhi lagaikhe.

RUT 1:19

It emberek pikhit waga lagaukwasik o Betlehem wagaukwa. A'nogo wagaukwama, afuni o kota andoma mene mondogat inane anggiluk weak hokhorogo ikhi logolik, it hemi nen he, mel isukwa: ”At andi re eberogo he Naomi a'nogo a?” iluk isukwa.

HAKIM–HAKIM 1:30

It inunggulenu Zebulon mene nen he ap o kota Kitron mene inom Nahalol mene inom mugusogo wulakfisasukwa le'ma re ap Kanaan mene re it inom seberogo andoma welagaukwa. Oba nen afuni Kanaan mene andoma re it inobaget hilingisuageluk inane ning nanghogo yagaisikhi lagaukwa.

YOSUA 19:14

Abel utara fikhit kweang andi huli-huli re kwanirogo o Hanaton nen he, wurep he o Yifta-El tonggoma andomaba hilingik.

YOSUA 19:16

O kota inom o sili endep-endepkwe andoma inom he it inunggulenu Zebulon mene inanggweang asuageluk wogisasikhemo andoma welagaukwa.

HAKIM–HAKIM 12:8

Yefta wa'lagaikhemo afuni Israel mene re at Ebzan o Betlehem mene andi nen melalinafi lagaikhe.

HAKIM–HAKIM 17:7

A'nogo hilingitunem he andem huli ap alage mene unggulenu Lewi mene ekhe welagaikhe. Attak he at ebe o Betlehem wilayah Yehuda meneba andoma welagaikhe.