YOSUA 18:1 - Allah Wene Fano Wene Hupla Inane

¹ O kweang Tuhan nen abok wogisasikheba a'nogo mondogat sebeli lagaukwasik he, it afuni Israel mene a'nogo inebe mondogat o Silo kabogetukwasik, O Sabu Tuhan ebe waga logogin oba wutukwa.

YOSUA 18:1 Referans Kwoze

YOSUA 19:51

A'nogo at imam Eliazar, Yosua hun Nun amlogo a'nogo inom, it inunggulenu Israel mene nen it ineisok erokwe lombok inogogwi kaindek welagaukwa omanogo inom he, Tuhan nen wene yi'nogo hilingi'no iluk yagaisasikhe higithogo kweang a'nogo inenggi helebenggen oba walhigik sumbutukwa. Andi re iren o Silo Tuhan awi lelunggulmo nen sumbutukwa. A'nogo sumburik laga lagaukwasik he kweang a'nogo mondogat elugun warogo sumbuthukwa andi.

1 SAMUEL 1:3

A'nogo logolik, at Elkana re nineisena Tuhan Allah omame hokho mene a'nogo fogeratik, wam warogo noletik, igiluk tahun hundik-hundik o Rama nen o Silo waga lagaikhe. O Silo andoma Allah eisewerek mene re, ap Eli againafuri Hofni inom, Pinehas inom welagaukwa.

YEREMIA 26:6

Hiren we hinendawinggen omamerek aple omanogo nek hilingiti logogun halok he, o wene kabogeti logolik, An nobaget hilingiti lagep oba ari re An nen o Silo hilingfesigi hakhogo hilingfagain o. Ma re yi afuni ti afuni inunggulenu lombok kweangma welagaikharek inaben he o Yerusalem enu igisogo homan fisikhi logogun,” ikhe.

MAZMUR 78:66

Aren he it aselei mene omanogo warogo lak fisigik, nen inenggi mondok-mondok faget it mondogat inomame leget fisigik, isikhe.

1RAJA-RAJA 14:2

Ou fakhasikhemo re at Yerobeam en agwe yagati logolik, ”Hat he o Silo nabi Ahia awi attak an afuni Israel mene inobaget raja asigin iluk yaganete mene a'nogo ambit lanogen he fik-foukhogo hilingisin o. Nen hat lageluk, afuni nen heanogo re hinagaisogo amu mene hakhogo hilingfembik lano.

1RAJA-RAJA 2:27

A'nogo isikhesik at Salomo nen hun Abyatar imam welagaikhe mene a'nogo pelak fesikhe. At Salomo nen a'nogo hilingitikhe mene andiba re at imam Eli nen tagomangge mene ambisangma hilinglasigin mene Tuhan ane o Silo nen isikhe mene a'nogo higit agaikhe.

1 SAMUEL 1:24

A'nogo asi wagaikhemo, at Samuel a'nogo eilak palogo fesukwasik he, ebe yenggerek magema, agaisa nen waluk Tuhan awi wuri'mo o Silo wagaukwa. A'nogo waluk waga logolik, wam sapi ai mene ebe umur 3 tahun sebelek mene inom, gandum enggen 10 kilo mene inom, iwak wam agap mene hilingik meneba i anggur amusu ambem hetokhogo hinago mene inom, waluk wagaukwa.

HAKIM–HAKIM 18:31

Tuhan Awi Sabu a'nogo o Silo andoma welagaikhe huli re kembu alik hilingik Mikha nen wutikhe mene a'nogo ogo re, o Lais andomaat welagaikhe.

1RAJA-RAJA 14:4

A'nogo yagatikhemo re, Yerobeam agwe a'nogo nabi Ahia aiba o Silo were'ma ambit lagaikhe. Lagaikhemo nen, nabi andi re mondogat yaman agaikhesik he eil afuni yerisa elo'lek were'ma lagaikhe.

HAKIM–HAKIM 21:19

Andi isukwama iren ikhi logolik, ”Kwe misik werek mene re, Tuhan faget o Silo tahun hundik-handik kabogetu mene a'nogoba nen hilingisu hago,” isukwasik he, iren ikhi logolik (o Silo ari nen abel ambol fikhit he o kota Betel andi werek, nen mo ubuk ikherek fikhit he kwe o Betel mene nen o Sikhem lagaikharek mene werek, nen abel ambol kwe utara fikhit he o kota Lebona werek.)

KISAH PARA RASUL 7:45

A'nogo wurik nikhi lagaukwasik, iren tagongge mene Yosua inomen o su mene wurik andi meisalogo waluk he, afuni nit ninaiba yoma were'ma Allah nen mugisogo wulakfisasikhemo inanggweang sebeli kwi wagaikhasik, o su mene andi wusi kwi wagaukwa. Wusi kwi wagaukwa andi sambul o su mene andiat wurik welagaikhesik he, huli Daud eluk welagaikhe andi huli wurik welagaikhe.

YOSUA 18:2

Ap Israel mene a'nogo inunggulenu sabiren mene re kweang oan heligi'lek were'ma,

YOSUA 18:8

A'nogo isukwama re, at Yosua nen wene yi'nogo hilingi'no, ti'nogo hilingi'no iluk yi'nogo melalogo yagaisasikhe, ”Hit hinebe kweang ari walinget fei lambik huli-hulikwe a'nogo ilirengge walet higik fuluk he, lagokhogo an were'ma nambit wesugun. A'nogo hilingisumo re, o Silo yoma nen he Tuhan en hit hinobaget ninggi'nogo enekhogo fikhe iluk an nelu asigin o,” iluk yagaisasikhe. A'nogo Yosua nen yagaisasikhemo holhukwasik he, iren kweang a'nogo ineil halik lagaukwa.

NEHEMIA 9:24

Iren tagomangge mene nen afuni o Kanaan yoma mene mabenet fisaluk, inebe hat hagainafuri inawe a'ma logouwageluk hilinginafigin andi. Hat hagainafuri nen afuni Kanaan mene inunggulenu lombok inogogwi raja inom mondogat a'nogo hilinginabuagaluk homame wogisasigin andi.

MAZMUR 78:60

Aren he Awi Sabu o Silo wurik mene a'nogo herakfisasikhe, nen it afuni inanggele'ma At ebe welagarek mene a'nogo inomat herakfisasikhe.

YEREMIA 26:9

Haren hailo mondok legengge Tuhan enuba hane ikhi logolik, o Tuhan awi yi re o Silo hilinglaga hak asigin igik, nen o kota yi mondogat he leget foumo re afuni ekhe logogun lek igik, ikhi lagen omare nenahalok?” Iluk ikhi logolik he an nebe afuni hokhorogo nen haningisogo kwelaknobagaga.

YEREMIA 41:5

ap inebe delapan puluh nen engge o Sikhem inom, Silo inom, Samaria inom oba mene wagaukwa. Iren he, inomborosi palhik inasu tilip-talaphogo lakfigik, inagap paligik, hilingitukwasik waga logolik, iren gandum inom, kemenyan amben fanongge Tuhan Awi wuri'mo fogoin nen iluk waluk wagaukwa.

BILANGAN 32:22

o kweang andi At a'ma sebe umo nek he hit hinambotkwe wesugun o. Nen, hiren Tuhan obaget hilingisuageluk werek mene omanogo inom, hit hinagaila'lak Israel mene inobaget hilingisuageluk werek mene omanogo inom, mondogat hilingisugun andi nen he hinoba seleget lasugun. Nen, Tuhan nen he kweang o mo liabi weri'lago fikhit yoma hit mene asuageluk wogisagain.

YOSUA 22:19

Nen hit hinaiba welagep oba andi obalik mondok emere'ma hiren wene kaboge'luk Tuhan obaget hilingituba iluk ekhe hilingisu elo'legen hilingiti lagep halok he, o hinebe pugulogo re Tuhan Awi Sabu Salek werek fikhit yoma we'ni o. Nit ninaiba andoma kino ugun he fano, oba nen he nit nineisena Tuhan Allah obaget he mezbah mondogat werek kwelek oba nen he, hiren mezbah amu mene ekhe mangoti lagep andiba re Tuhan ane sagalhik, nit ninane sagalhik ikhi lagep andi re mondok elo'lego.

HAKIM–HAKIM 21:12

Ma re hit afuni Yabes welagaukwa mene omanogo inanggele'ma nen he helime tugum ap inagap inonggot mene inebe 400 nen were'ma isasukwa. Isasukwasik he iren helime omanogo woginapluk he o Silo andi re o Kanaan kweang oba andoma o tenda sale'ma omanogo woginarek lagaukwa.