YOSUA 16:10 - Allah Wene Fano Wene Hupla Inane

¹⁰ Oba nen he, it inunggulenu Efraim mene nen he ap Kanaan mene re o Gezer oba andoma nen mugusogo wulakfisasukwa lek. Andiba re. yogondak huli nen ap Kanaan mene re o Gezer andoma it Efraim inap inom seberogo welagaikharek, oba nen it ap Efraim mene nen he inamimingengge a'luk yabu hilingiti logouwageluk inane ninghogo yagaisugunem it ineabu hilingitu mondok welagaikharek.

YOSUA 16:10 Referans Kwoze

HAKIM–HAKIM 1:29

O kota Gezer oba nen it inunggulenu Efraim mene nen he ap Kanaan mene afuni andoma o andiba welagaukwa mene mugusogo wulak fisasukwa lek andiba re, afuni Kanaan mene re it inom seberogo andoma welagaukwa.

1RAJA-RAJA 9:16

(Kota Gezer andi re kota ebe o attak andoma raja Mesir mene nen pin kwisukwasik sebelogo fuluk afuni o andoma welagaukwa mene felelenghogo inoatikhesik, o inawi kota ebe endu fatikhe. Oba nen he hobugen kota andi re raja Mesir mene nen he, at a'logo a'nogo hun Salomo inom lombolinafukwa sambul agaiyekhogo iluk wogetikhe mene.

YOSUA 17:13

Hobugen it Israel inap inomame agaukwasigen mene ogore, iren ap Kanaan mene andoma mondogat mugusogo wulaginafukwa lek, iren he ap omanogo inomameba yabu ninghogo hilingiti logouwageluk yagaisikhi lagaukwa.

YOSUA 15:63

Kota Yerusalem andi ogo re it Yehuda nen meneba nen he. it Yehuda inap en he ap Yebus inap o andoma welagaukwa mene mugusogo wulak fisasukwa lek. Yogondak huli nen he it Yebus inap andoma re it Yehuda mene inom seberogo o kota andiba werek.

YOSUA 10:33

Hun Horam, raja Gezer mene andi it Lakhis mene leberisagain iluk wagaikhe oba nen he, Yosua nen at ebe inom at agoromi tentara inom mondogat inomame leget fisasikhe, ap misik-masikhogo iluk ekhe wulifukwa lek, mondogat inoatukwa.

YOSUA 16:9

o kota endep mene inom, o sili wilayah Manasye mene inanggelekwe welagaukwa mene inom andoma.

YOSUA 17:12

Oba nen he, it inunggulenu Manasye mene nen he afuni o kota-kota andomaba werek mene mugusogo wulak fisasukwa le'ma re ap Kanaan mene o andoma femhogo welagaukwa.

1RAJA-RAJA 9:15

At raja Salomo nen he Tuhan Awi inom, nen at raja ebe werek oba awi istana a'nogo inom, nen kweang Tuhan Awi wurik oba nen selatan fikhit a'nogo sebelik loageluk inom he, afuni yabu inomamerogo hilingisuageluk ane omameba yagaisugu kwelek hilingirik lagaukwa. Andi nen he aren o kota Hazor, Megido inom, Gezer inom, wusigiluk ogore a'nogo nek hilinginafi logolik wutikhe.