YOSUA 14:8 - Allah Wene Fano Wene Hupla Inane

⁸ Ap an ninom wagagu mene omanogo nen he afuni Israel mene inendawimo inailo asuageluk hilingfisasukwa. Oba nen he, an enek he neisena Tuhan Allah a'nogoba nendawinggen tibet fesigisik higithogo nek hilingitigi.

YOSUA 14:8 Referans Kwoze

BILANGAN 14:24

A'nogo meneat he, An namingmingengge Kaleb, An faget obabut mondok hombunhogo hilingiterek mene andi amunek he, An nen at attak lagasik wagaba andoma waluk lagain o. O andoma re, kweang mondok fano lio'layokse'ma yogondak afuni inunggulenu Amalek mene inom, Kanaan mene inom, welagaikharego. A'nogo meneat he, hobuk o andoma namingmingengge Kaleben tagongge mene eise asugun. Ma re, ohealekwe re hit hinambotkwe o leimo afuni le'ma i Akaba yenggelek higit andoma lani o,” iluk yagaisasikhe.

ULANGAN 1:36

We hun Yefune amlogo Kalep enek he, an naiba nane holfuluk higithogo nek hilingiti laga andi nen arenek he kwi lagain. Nen at Kalep inom ap eisok erokwe inom enek he, kweang ineil penerik lagaukwa kwe andi wogisagain o, isikhe.

YOSUA 14:14

Andi nen he. at Kaleb eisena Tuhan afuni Israel mene ineisena Allah a'nogoba tiphogo hilingiti logolik higithogo nek hilingiti lagaikhemo re, yogondak huli nen ogo o kota andi re at Kaleb hun Yefune amlogo ap Kenas mene andi ambisangma mene nen kweang andi eiserogo sebelek welagaikharek.

BILANGAN 13:31

A'nogo yagaisasikhe meneat he, it ap at Kaleb inom ineil penesi lagaukwasik wagaukwa mene omanogo nen he, mel isukwa: ”Nit ninomame lek mene re, it afuni andoma welagaikharek mene inomame mondok hokhore'ma isogongge a'nogo re, niren inoasi logoin mondok elo'lego,” iluk isukwa.

WAHYU 14:4

It afuni andi inebe re, tegelek logouwogeluk, hemi inom nogo igi'lek logolik, inambeba nen ineranen ekhe agarek legat, nen, afuni ekhe nen he, ”It andi weak ekhe hilingitama,” iluk wene inoba fou legat mene, logolik, Domba Eak a'nogo kwe komakwe lagu halok, ombo'ne nugunem, sumburu ebe oan werek kwelek, attak mene nenggarek andi hak, Allah nen yi afuni ti afuni inanggele'ma nen kigilogo inonggo palogo telinafikhemo, it inebe Allah inom, andomba fisagasik, were'ma isigi o.

BILANGAN 32:12

Ap mondogat he unggum helasukwama nen he, we Kalep hun Yefune amlogo ap Kenas mene a'nogo inom, Yosua hun Nun amlogo a'nogo inom enek he, iren Tuhan oba inendawinggen tipsek welagaukwama re unggum helasukwa lek andi.

BILANGAN 14:1

It ap o Kanaan ineil wani lagaukwa omanogo nen afuni Israel mene mondogat inendawimo kagalhukwama inesanggo holhukwasik he, ”Ninggi'nogo hilingisugun he,” iluk o hup hundik inane hokhorogo le agu mondok kamo isukwa.

ULANGAN 1:28

Arigini'mo re, nit he nenahalok o andoma logoin ogo? Ap niren o andoma lak fisogo mene omanogo nen aleik kwe lagaisogo ninailo asuageluk yaganisikhi logolik he, afuni o andoma werek mene re nit ninom he higitsek lego, it he inomame mondok hokho logolik, inalong-pinalong inap werego, nen inawi kota inebe welagaikharekwe andoma re inaleget mondok omamerogo wokhigik pogot higithogo liabe'ma re, it inebe ogo re mondok hokhondek inoakhuse yatek-patek were'ma isogo, iluk isukwama hiren he nit he nenahalok o andoma kwi logoin? iluk isigip.