YOSUA 13:9 - Allah Wene Fano Wene Hupla Inane

⁹ Nen wilayah it mene agaikhe kwere o Aroer (i Arnon Tonggoma nen esanggo fikhit), o kota tonggo andi tulem andoma werek mene inom. Andi nen tonggo legoma andoma mondogat o Medeba nen he o Dibon huli,

YOSUA 13:9 Referans Kwoze

YOSUA 13:16

Wilayah iren mene re o Aroer (i Arnon Tonggoma nen esanggokwe andoma inom) nen kota tonggo andi tulem andoma welagaukwa mene inom, nen o Medeba horokhogo kweang lego welagaikhekwe andoma huliba,

BILANGAN 21:30

Oba nen he yogondak it inambisangma mene omanogo re. Ebekwe o Hesybon nen Dibon lagaikharekwe omanogo inom, o Basyim en he o Nofah lagaikharekwe inom, o Medeba horokhogo lagaikharekwe omanogo lek agaikha,” iluk isukwa.

YEREMIA 48:22

o Dibon, Nebo, Bet-Diblataim inom,

YEREMIA 48:18

Yago, hit afuni Dibon hinap femhogo welagep mene yi sani, hit hinanggweang Moab oba weaget fagain mene a'nogo arat asi waga o. Nen aren he hit hinawi leget omamerogo waganogo kwelabek mene a'nogo mondogat wolelenggen isagain enggere, hit he hinebe hinobalik fanoma hurek welagep oba oma nen pi wesimbik he kweangma wul oba hurek logoni o.

YESAYA 15:2

Afuni Dibon mene re le asuogeluk inangge tugwi kembu fogeratarek kwe tom oba omanogo lagakhi logogun. Afuni Moab mene re o kota Nebo inom Medeba inom faget inendawimo weakhogo le aga logogun. Iren he fong warogo iluk enegengge re inesi hogolhik, inomboro palhik ikhi logogun.

YOSUA 12:2

Ap misik ekhe enu re Sihon, raja Amori mene inoe kain logolik, o Hesybon andoma welagaikhe. O aren ferinarek welagaikhe kwe re, o Gilead andoma fena minggilogo: o Aroer (Arnon Tonggo esanggo) andoma huli nen he, tonggo andi tulemkwe o kota-kota welagaikhe kwe andoma nen hiling-hiling, i Yabok werek huli o it inunggulenu Amon mene inom huli-hulimo andomaba hilingik welagaikhe.

ULANGAN 3:16

Nen it inunggulenu Ruben mene inom, Gad mene inom inoba re, an nen o Gilead en hilingi'luk i Arnon nen hilingi'luk tulem kwe andoma wogisasigi. I andi ebe tulem heire'ma re it werek oba nen eil ambol kwe re i Yabok huliba, nen a'ma fikhit he it afuni Amon mene inaiba inom hulirek andi.

ULANGAN 3:12

A'nogo isikhesik ekhe inom ikhi logolik, ”Kweang a'nogo niren mondogat sebelfakhasugusik, an nen it inunggulenu Ruben mene inom Gad mene inom he, o i Arnon horokhogo o kota Aroer en ambolkwe inom o Tom Giliad en tomkwe fena werek mene inom o kota-kota inomat wogisasigi.

ULANGAN 2:36

Nit nineisena Tuhan Allah nen lebetninafu kwelek o Arnon tongge fem wure'ma o Aroer huli nen o kota tongge andi elonggoma mene mondogat inom he, o Giliad huli o kota andoma mondogat eise asi kwisugumo re, o kota misik ekhe leget-pak leget helep oba omamerogo waganek mene welagaikhe mondok lek.

YOSUA 13:8

It inunggulenu Ruben mene inom, Gad mene inom, nen it inunggulenu Manasye mene fena aremnogo inom he kweang a'nogo nen it mene at Musa Tuhan amingmingengge a'nogo nen i Yordan fena mo lagai wagarek fikhit omanogo wogisasikhemo helasukwa.

YOSUA 13:10

nen o afuni Amon mene inawi huliba andoma. Andi nen he kota hun Sihon raja Amori awi Hesybon mene a'nogo a'ma welagaikhe mene andoma inom.

2 SAMUEL 24:5

Lagaukwasik he, it inebe i Yordan palogo wulibi lagaukwasik, at Yoab a'nogo agoromi inom he it Gad mene inawi wilayah meneba tonggoma tulem heire'ma andoma o kota misik ekhe enu Aroer andi abel a'makwe selatan fikhit andoma inawi tenda sali lagaukwa. Andoma nen hiling-hiling he abel utara fikhit o enu Yaezer andoma lagaukwasik,

NEHEMIA 11:25

Afuni hokhorogo re o kota it ineabu werek kwe omanogo horokhogo welagaukwa. It afuni inunggulenu Yehuda mene fenakwe re inebe o Bersyeba abel a'ma fikhit andoma inom he o Lembah Hinom abel ambolkwe fikhit andoma inom welagaukwa. It a'nogo logolik, inebe welagaukwa kwe o kota re yi: Kiryat-Araba, Dibon, Yekabzeel, Yesua, Molada, Bet-Pelet, Hazar-Zual, Bersyeba, Ziklag, Mekhona, En-Rimon, Zora, Yarmut, Zanoah, Adulam, Azeka, Lakhis inom oba andoma welagaukwa.

YEREMIA 48:8

O kota andoma mondogat he wolelenggenhogo legasigin, misik iluk ekhe linet lasigin lek. Tonggokwe inom, fanggongkwe inom he mondogat legasigin. Iluk An Tuhan nen nane mondogat igi.