YOSUA 11:8 - Allah Wene Fano Wene Hupla Inane

⁸ Nen, Tuhan nen it Israel mene a'nogo it ap andomaba nen inomamet fisasikhe. Ap Israel inaben pin kwikhi logolik it inebe muginarek he, o Misrefot-Maim en uanhogo andoma huli nen he. o Sidon abel utara fikhit andoma nen he, o Mizpa tonggoma mo liabi wagarek fikhit yatmaat andoma huli fisa lagaukwa. Weim andi yafu werek kwelek enek he it Israel mene inaselei omanogo ineluk ekhe wulifukwa lek mondogat inoatukwa.

YOSUA 11:8 Referans Kwoze

YOSUA 13:6

Ekhe it ap Sidon mene inaiba andoma inom, nen it o tomkwe werek mene tom-tom o Libanon nen hilingi'luk, tom Misrefot-Maim en hilingi'luk tulemkwe andoma inom he mondogat oan telhi'lek” iluk yagatikhe. Tuhan nen ane ekhe inom yagati logolik he, ”It inunggulenu mondogat andoma re An nen it namlogomi Israel mene weim yabi kugun sambul hobuk mugusogo wulak fisagain,” iluk yagatikhesik ekhe yagati logolik he, ”Kweang andi re An nen hat yagahetigi higithogo, haren it afuni Israel mene inanggweang asuageluk sumburisagaino.

YOSUA 19:28

o Ebron, Rehob, Hamon, Kana inomen he o Sidon soganhogo andoma huli.

ZAKHARIA 9:2

O Hamat o Hadrakh inom huli-hulimo andi ogo re, o Tirus oba kota andoma inom o Sidon oba kota andoma inom afuni o andoma werek mene nen yi wene ti wene hilingitu mene faget inungguloak kagalek mene andoma inom he, An mene nek.

YOSUA 21:44

A'nogo hilingitukwama re Tuhan nen it inambu-inomba inoba wene warisasikhe mene higithogo kweang andiba re At Tuhan nen omame a'ma ferinarek were'ma re inailo legengge inambong serogo welagaukwa. It inaselei mene misik iluk ogo it inom weim kagalasu hak mene ekhe hilingiti lagaukwa mondok lek, andi re Tuhan nen it inoba inalonget fisasikhemo a'luk hilingiti lagaukwa.

YOSUA 11:3

At raja Yabin andi ogo re it afuni Kanaan mene i Yordan fenakwe mo ero fikhit werek mene inom, mo ubuk ikherek fikhit werek mene inom inoba wene warogo lakfikhi logolik, it ekhe Amori mene, Het mene, Feris mene, Yebus mene, o tomkwe werek mene inom, nen Hewi inap tom Hermon erokwe nen o Mizpa andoma werek mene inomat inoba yonggo wulafikheat.

KEJADIAN 49:13

Nen, hat Zebulon he, hebe haiba i laut yenggelek era'lu andoma logogin o. Were'ma e so hokhondek enu kapal hat haiba i esanggoma andoma waluk we'luk he, tegelogo fikhi logogun. Hat haiba logogin oba andoma nen huli o Sidon huli logogin.

KEJADIAN 10:15

Nen, at Kanaan nen taginafikhe mene re Sidon amlogo manggusa mene inom, Het inom taginafikhe.

YOSUA 11:7

A'nogo yagatikhemo re Yosua inom agoromi tentara mondogat inom he i Merom akhogo lagarek mene horokhogo andoma ferekhogo youk la'lak inoasi kwisukwa.

YESAYA 23:4

Hat kota Sidon yi re, legeisogo hobagakhi lagaikha mene omanogo mondogat lek agaikha o! I laut eil uanhogo yenggelek mene nen ogore hat hobaget legeisogo hobagagi'lek logolik, yi'nogo ili'lago, ”An he nomalik takhikhi lagi'lek mene o, nagainafuri abengge ogo helime ogo taginafi lagi legaro” ili'lago.

ULANGAN 7:2

Nineisena Tuhan Allah nen it afuni andi hit hinenggiba foumo, hiren it mabenet fisambik inebe hinendawi nen ekhe herakfisambik, ninom hundik logouwok, iluk wene warisogoin mondok lego. We, inebe mondok felelenghogo inoa'no o.

ULANGAN 9:3

A'nogo meneat he, yogondak at nineisena Tuhan Allah ebe endu nen yi mene ti mene felelenghogo nilik lagarek andi hak, hinelokhoma attagat laga logolik it afuni andi mondok mabenetfisilik lagunem hineilenggen tomok hogoin aro. A'nogo mabenetfisilik lagunem, At nineisena Tuhan Allah nen, hobuk yi'nogo hilingisugun, iluk wene wathisasikhe higithogoat, hiren it afuni andi weak-weagat mugisigik legetfisigik, ugun o.

YOSUA 10:20

Yosua inom afuni Israel mene inomen it afuni Amori mene andoma inoatukwa. Oba nen he, it fena re heise inawi kota ba omanogo lagaukwasik hina'lasi lagaukwama re inebe inoatukwa lek.

2 SAMUEL 24:6

andoma nen o Gilead kwi lagaukwasik he, o Kades it afuni Het mene inawi wilayah fikhit andoma lagaukwa. Andi nen it a'nogo o Dan fikhit lagaukwasik he andoma nen haningisogo re o Sidon mo ubuk ikherek fikhit andoma asi lagaukwa.