YOSUA 10:5 - Allah Wene Fano Wene Hupla Inane

⁵ A'nogo yagaisasikhemo lagaukwasik yagaisasukwama re, it ap inogogwi raja inunggulenu Amori mene o Yerusalem mene inom, Hebron mene inom, Yarmut mene inom, Lakhis mene inom, Eglon mene inom misi'mo sebe isukwasigen inagoromi tentara mene mondogaren afuni o Gibeon mene o fisagaisogo inoasuogeluk wagaukwa.

YOSUA 10:5 Referans Kwoze

YOSUA 10:6

A'nogo wagaukwama, afuni Gibeon mene nen at Yosua o Gilgal su mene wuri'mo were'ma yagasi loagaluk wene warogo lakfisasukwama lagaukwasik he, mel yagatukwa: ”Noe, nit ninamunek obokhogo herakninobagagun o. It ap kaindek inunggulenu Amori mene tomkwe werek mene inogogwi inenupogot mondogat inagoromi tentara inom sebe agasik he, nit ninoasuogoluk wagaikhasik werek andi nen he, weak-weagat telninabi we'no o,” iluk yagasi lagaukwa.

BILANGAN 13:29

Afuni inunggulenu Amalek mene inaiba re, i ambut mo selatan fikhit andoma were'ma isogo. Nen, afuni inunggulenu Het mene inom, Yebus mene inom, Amori mene inom, inaiba re tom oba era'lukwe wuthigik welagaikhare'ma o. A'nogo werek kwelek it afuni inunggulenu Kanaan mene nek he, i laut yenggelek esanggokwe mondogat inom, i Yordan aik fena-fena elesi ambut mondogat inom, it mondok welagaikhare'ma isogo,” iluk yagatukwa.

KEJADIAN 15:16

Afuni Amori mene inobabut mondok weak hilingitunem wene inoba fagain mene oan welagi andi nen he, haren tagongge mene re, huli inebe enggaminogoba ta'lasimbigen hat hombalak inambotkwe o yoma wesugun o,” iluk yagatikhe.

YOSUA 10:16

Oba nen he, it raja Amori mene inebe fuaben aremnogo re lobonghogo wulibi lagaukwasik o Makeda oumo misik meneba andoma hinago welagaukwa.

1 SAMUEL 7:14

Afuni Filistin mene inaiba o kota Ekron inom Gat inom tulem huli-hulimo andoma, afuni Israel mene inaiba kota hokhorogoat it Filistin mene nen sebelhukwasik, ferinarek welagaukwa mene omanogo re, inambotkwe inonggwarek sebelasukwa. A'nogo sebelasukwasik, afuni Israel inom Amori mene inom fano seberogo logolik lioksek mondok welagaukwa.

YEREMIA 34:7

yagasi lagain iluk lagagi sambul andi re at raja Babel mene a'nogo agoromi inom he o kota Yerusalem a'nogo pin kuogeluk ugunem. Nen kota Lakhis inom, Aseka inom, o kota Yehuda ba andoma kota pire andem he weaget figi'lek mene leget omamerogo wagane'ma omanogo pin kuogeluk ugu kwelek andem wene andi yagasi lagi.