Yago hit afuni o Lakhis welagep mene re, hinebe kereta ba lagaluk heise lobagaigen he, hinanggo kuda ba kelfembik lano. Hiren tak afuni Israel mene nen weak hilingiri'lagwi mene andoma inobabut wokfuluk, hiren a'nogo hilingiti lagep andiba re, afuni Yerusalem mene ogore hit hinobabut waganogo weak hilingiri'lagwiat andi.
YOSUA 10:3 - Allah Wene Fano Wene Hupla Inane3 A'nogo inailo agaukwa andi nen, at kain enupogot Adoni-Zedek en ap ekhe inayonggo fesikhesik ap kaindek inenupogot ekhe enu re Hoham awi kota Hebron mene inom, nen ekhe enu re Piream awi kota Yarmut mene inom, nen ekhe enu re Yafia awi kota Lakhis mene inom, nen ekhe enu re Debir awi kota Eglon mene inom, inoba lakfisikhi logolik yi'nogo yagaisa lano, isikhe: Gade chapit la |
YOSUA 10:3
19 Referans Kwoze
A'nogo lakfisasikhe meneat he, afuni Asyur mene inoe raja Sanherip a'nogo o Lakhis logolik at agoromi tentara esa misik hokho mene logalogo fisasikhesik afuni o Yerusalem mene inoasi wesuageluk lakfisa wagaikhe. Ap tentara esa hokho logalek wagaukwa mene andi re, inogogwi kaindek perwira inebe henagan mene nen woginarek wagaukwa. It andem at ekhe re, tentara inoe panglima mene, nen ekhe re, it kaindek inagai wogisikhi lagaukwa mene inoe, nen ekhe re, raja faget kagalek nikhi lagaukwa mene inoe. It andemen woginarek o kota Yerusalem arat wagaukwasik, inebe i mogo ponggwe higit habuli'mo nen anggwe halogo lakfei wagaukwaba era'lu leimo su sobalhi lagaukwaba andoma welagaukwa.
A'nogo inoa'luk, at Sanherib ebe o Lakhis lagaikhesik were'ma, at Hizkia nen ap ekhe inayonggo fesikhesik wene yi'nogo warogo at Sanherib oba lakfesikhe: ”An mondok weak hilingiti mo o, noe. Andi nen he, noe haren weim ninoasi waga lagen mene ari pal feinogen iluk yagaheti o, noe. Haren yi mene ti mene ekhe kino yaganeten halok, mondogat an nen wokhesigin aro,” iluk isikhemo yagasi lagaukwa. A'nogo yagasi lagaukwama, at Sanherib en he, Hizkia ba yagasuageluk mel yagatukwama yagasi lagaukwa, ”Aren he, perak 10.000 kilo nen inom, emas 1.000 kilo mene inom laknobagai wesuago,” iluk isikhemo yagasi wagaukwa.
A'nogo yagaisasikhemo lagaukwasik yagaisasukwama re, it ap inogogwi raja inunggulenu Amori mene o Yerusalem mene inom, Hebron mene inom, Yarmut mene inom, Lakhis mene inom, Eglon mene inom misi'mo sebe isukwasigen inagoromi tentara mene mondogaren afuni o Gibeon mene o fisagaisogo inoasuogeluk wagaukwa.
Afuni nen he, ”Ap Yosua nen, afuni o kota Yerikho mene inoe kain enupogot inomat mondok wulil tagalogo inoatesik, o kota Yerikho sebelhe andi hak, afuni o kota Ai mene inoe enupogot inomat mondok wulil tagalogo inoatesik inawi kota sebelhe aro,” iluk isukwama, afuni Yerusalem mene inoe kain enupogot enu Adoni-Zedek andi esanggo holhikhe. Nen ekhe re, it afuni ekhe nen he, ”Afuni o kota Gibeon mene nen he, afuni Israel mene yagaisikhi logolik, nit hit ninom fano logolik, hinanggelekwe yugunat logogun o, iluk arat wene wat-wat agama,” iluk isukwama esanggo holhikheat.
Attak-attak he it inebe o kweang andi nen abel selatan fikhit andoma lagaukwasik he o kota Hebron afuni Ahiman mene inom, Sesai mene inom, Talmai mene inom, hun Enak ambisangma mene andoma were'ma asi lagaukwa. O kota Hebron andi re o Zoan Mesir oba a'nogo oan wuti'lek logolik, o andi wutu kwelek 7 tahun nen hilingitukwa.
yagasi lagain iluk lagagi sambul andi re at raja Babel mene a'nogo agoromi inom he o kota Yerusalem a'nogo pin kuogeluk ugunem. Nen kota Lakhis inom, Aseka inom, o kota Yehuda ba andoma kota pire andem he weaget figi'lek mene leget omamerogo wagane'ma omanogo pin kuogeluk ugu kwelek andem wene andi yagasi lagi.
Piblisite