YOSUA 10:10 - Allah Wene Fano Wene Hupla Inane

¹⁰ A'nogo wulifunem he, nineisena Tuhan nen afuni Amori mene inobabut mondok nonghonghogo hilinginafikhemo re, ineilenggen tentara Israel mene yerisasukwasik he inobakhe eintok palagaikhe. A'nogo hilinglagaikhemo, it Israel mene nen afuni inebe mondok hokhorogo o Gibeon nen inoatukwa. A'nogo inoatukwasik, fena ineluk mene re muginarek o tom Bet-Horon alema andoma pelakfisasukwasik, huli yatmaat o Azeka inom, Makeda inom, i ambutmo higit andoma mugisogo pelakfisasukwa.

YOSUA 10:10 Referans Kwoze

MAZMUR 18:14

A'nogo hilingfikheresik he At Tuhan ebe pogoroba po'lima nen, unggunggu aneba sup pololang eterek, At Lego Mondok welagarek mene a'nogo nen ane holherek.

YOSUA 16:5

Ombo'ne yi re kweang omanogo unggulenu Efraim mene ineisok erokwe lombok hulithigik wogisasikhe mene. Fena timur fikhiren kweang iren mene huli-huli re, Atarot-Adar en hiling-hiling laga lagasik o Bet-Horon-Hulu fikhit andoma.

YOSUA 16:3

Andoma nen lagasik, barat fikhit he o ap Yaflet mene werek fikhigen lagasik o Bet-Horon-Hilir fikhit andoma nen hiling-hiling o Gezer oba nen fem wurepma i Laut Tengah were'ma andoma.

YESAYA 28:21

Tuhan nen endawimo anggikhe mene andi hilingisigiluk he, o tom Perazim oba nen hilingite a'nogo hak inom, athe o Gibeon fanggongma nen hilingitikhe mene a'nogo hak inom, afuni inoba elalinhogo hilingfisikherek mene a'nogo hilingisigin. Aren he afuni nen inoba fok ikherek mene ekhe herak figi'lek mondogat hilingisigin.

HAKIM–HAKIM 4:15

Pisukwasik, Sisera lak inoasuogeluk inoba wulifukwa. A'nogo wulifukwama, Tuhan nen Sisera angge kereta weim yafarek mene omanogo waluk nikhi lagaukwa mene inom, agoromi tentara esa ekhe logolek mondogat inom, inobabut nong-honget fisasikhe. A'nogo nong-honget fisasikhemo, at Sisera a'nogo angge kereta ba nen kweangma pi wagaikhesik, heise eisok oba hela wagaikhe.

YOSUA 10:11

A'nogo mugisugunem, afuni Amori mene weim heise hina'lasuogeluk tom oba nen alema pugu kwelek, Tuhan nen meiso sogenggen hokho mene pogoroba nen pelakfei wagaikhemo, inoarik-inoarik huli o Azeka huli andoma fisa lagaikhe. It inebe ap Israel mene nen inoatukwa mene re we endebat hangge meneat he, meiso sogenggen nen inoatikhe mene nek he mondok hokhorogo inoatikhe.

YEREMIA 34:7

yagasi lagain iluk lagagi sambul andi re at raja Babel mene a'nogo agoromi inom he o kota Yerusalem a'nogo pin kuogeluk ugunem. Nen kota Lakhis inom, Aseka inom, o kota Yehuda ba andoma kota pire andem he weaget figi'lek mene leget omamerogo wagane'ma omanogo pin kuogeluk ugu kwelek andem wene andi yagasi lagi.

MAZMUR 78:55

At amlogomi omanogo inelokhoma nen he it afuni o andoma welagaukwa mene omanogo mugusogo wulaginafi logolik he, At againafuri afuni inunggulenu Israel mene a'nogo mondogat inoba Aren kweang a'nogo mondogat sumburisilik lagaikhemo re, it a'nogo inaselei mene nen inaiba sabu salogo welagaukwa kwe omanogo kwilik lagaukwa.

MAZMUR 44:3

It Hat hagainafuri mene it ekhe inunggulenu amu mene inanggweang oba andoma logouwageluk he, Harenat mugusogo wulak fisasigin o. It afuni inunggulenu amu mene re Haren it inebe alomat fisikhi lagagin oba nen he, it hat hagainafuri mene nek he inebe saga ilik laga logouwageluk hilinginafi lagagin.

2 TAWARIKH 14:12

A'nogo samban isikhesik he Asa inom, agoromi tentara inom a'nogo it Sudan inap inom weim yabi wulifukwama nen he, Tuhan nen it tentara Sudan mene mabenet fisasikhemo re inailo nen heise wulifukwa.

1 SAMUEL 13:18

nen, esa pirenek mene re o Bet-Horon higit lagai wagaukwa. Nen, esa ekhe henaganek mene re o Zeboim tonggwe honggolek, o leimo afuni le'ma honggolek, huli-hulimo andoma pi wagaukwa.

YOSUA 11:8

Nen, Tuhan nen it Israel mene a'nogo it ap andomaba nen inomamet fisasikhe. Ap Israel inaben pin kwikhi logolik it inebe muginarek he, o Misrefot-Maim en uanhogo andoma huli nen he. o Sidon abel utara fikhit andoma nen he, o Mizpa tonggoma mo liabi wagarek fikhit yatmaat andoma huli fisa lagaukwa. Weim andi yafu werek kwelek enek he it Israel mene inaselei omanogo ineluk ekhe wulifukwa lek mondogat inoatukwa.

YOSUA 10:28

Linggene a'nogo sambul Yosua nen he o kota Makeda a'nogo sebeli kwikhi logolik inoe raja ogo ebe pinggi watukwa. Afuni o andiba werek mene re mondogat inoatukwaat, misik iluk ogo ineluk ekhe fisasukwa lek. At Yosua nen ap raja Makeda mene andi re attak raja Yerikho mene oba hilingfesikhe a'nogo higithogo hilingfesikhe.

ULANGAN 7:23

Nineisena Tuhan Allah nen it afuni hinaselei mene andi hinenggiba hinobagaluk, hesangge-pesangge pugulinafunem inebe mondogat alomat lakhogoin o.

YOSUA 10:9

A'nogo yagatikhemo, at Yosua inom, agoromi tentara esa logalek inom, o hubanggo mondok o Gilgal en o Gibeon wagaukwa. Wagaukwasik afuni Amori mene inonggothogo inobakhe palek were'ma inoba wulifukwa.

1 SAMUEL 17:1

Inenggi ekhe sambul he, ap Filistin mene nen ap Israel mene inom weim yabuogoluk inagoromi tentara mene o Yehuda kota Sokho andoma andogosi wagaukwasik inawi tenda o Sokho honggolek, Azeka honggolek, o Efes-Damim andoma wutukwa.

2 SAMUEL 22:15

Aren he andok omanogo sup-sap isigik, aselei mene omanogo hesangge-pesangge hilingfisigik ikherek. Aren he aselei mene omanogo heise loageluk eilabut kulunghogo lakfigik-wakfigik ikherek.

1RAJA-RAJA 9:17

O andi ulun oba re we at Salomo nenat kota andi ambotkwe wutikhe,) Nen ane ninghogo yagaisugu logoligat at Salomo nen he o Bet-Heron i elesi fikhit andoma inom,

HAKIM–HAKIM 4:16

A'nogo wagaikhemo, ap Barak en aselei mene kereta kuda weim yafarek mene inom, tentara mene esa ekhe logalek omanogo inom, muginarek o Haroset-Hagoyim fisa lagaukwasik he, ap Sisera agoromi tentara esa logolek omanogo ap misigat ekhe herakfisigi'lek felelenghogo inoatukwa.

HAKIM–HAKIM 5:20

A'nogo yafu kwelek, it hesagal pogoroba mene re it inebe werekwe andoma laga logolik, ap Sisera wasuogoluk, it inom weim yafaat.

2 TAWARIKH 25:13

It a'nogo hilingitu kwelek a'nogo re it tentara Israel mene at Amazia nen ninom weim yabi lagi'lek hinaiba lani iluk yagaisasikhe mene omanogo re, it afuni Yehuda mene inailokwe o Samaria hilingi'luk Bet-Horon hilingi'luk tulem omanogo pin kwikhi logolik he iren ap inebe 3.000 nen mene inoatik, inasungge mondok hokho-pokhorogo heligik, isukwa.

YESAYA 30:30

Tuhan nen ane mondok omame mene a'nogo holuageluk hilingfoumo re afuni inebe lombogen elalinhogo ugunem holhi logogun, At anini re endu nen o hali ninggerek hak hilingiti logolik he, meiso hokho mene inom, meiso sogenggen es mene inom, sogoi sielu mene inom lakfei wesumo re, mondok elo'lekhogo hilingitunem hogoin.

ZAKHARIA 14:3

A'nogo hilingisumo nen Tuhan wesimbik o attak it ap inunggulenu inap andi inom hilingiti lagaikhe higithogo it inom weim yabi wesigin.