YOSUA 1:1 - Allah Wene Fano Wene Hupla Inane

¹ Tuhan nen he, At amingmingengge Musa ebe wa'lagaikhesik oba nen, at Musa agot Yosua, ap Nun amlogo a'nogo mel yagatikhe:

YOSUA 1:1 Referans Kwoze

ULANGAN 34:9

At Musa a'nogo wa'lagaikhemo, Tuhan nen Yosua ap Nun amlogo a'nogo Musa nen at obulu'mo menfesikhe andi nen he, yi mene ti mene oba heilarogo wogisagarek andi hak, endawinggen kagalek mondok logouwagaluk hilingisogo fesikhe. A'nogo fesikhemo, it afuni inunggulenu Israel mene at Yosua ane hologo logolik, nineisena Tuhan nen, Yi'nogo hilingiti logoino, ti'nogo hilingiti logoino, iluk at Musa yagatikhemo it yagaisasikhe mene andi higithogo hilingiti lagaukwa.

ULANGAN 31:23

A'nogo yagaisasikhemo, At nineisena Tuhan nen Yosua ap Nun amlogo a'nogo mel yagatikhe: ”Yosua, hat hendawinggen hambukhogo hailo lek logoino o. An nen o afuni Israel mene wogisagaluk wene warisasigiba andoma haren it woginarek kugunem An nen lebethiikhi logogin o,” iluk yagatikhe.

ULANGAN 31:3

At nineisena Tuhan ebe nenat kwe wanimbik hit wokhinarek wilibimbik he, afuni inunggulenu o andoma welagaikharek mene wulil tagalogo inoasumo re, it inaiba andoma hit sebeli kugun o. A'nogo kwikhi logolik, At nineisena Tuhan nen ikhe hagat, at Yosua ebekwe wanimbik, wokhinarek kwigin aro.

ULANGAN 1:38

Oba nen he hat lebethabi'lago mene hun Nun amlogo Yosua andi nen enek he, afuni Israel mene yi woginarek kweang andiba kwi lagain enggere, endawinggen hambuget feino,’ iluk yaganetikhe.

KELUARAN 24:13

A'nogo yagatikhemo, Musa ebe inom, lebethikhi lagaikhe mene Yosua inom, emberegen tegelogo fesukwasik he, at Musa tom Allah ebe welagarek oba a'nogo lagasikhe.

ROMA 1:1

Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.

KISAH PARA RASUL 7:45

A'nogo wurik nikhi lagaukwasik, iren tagongge mene Yosua inomen o su mene wurik andi meisalogo waluk he, afuni nit ninaiba yoma were'ma Allah nen mugisogo wulakfisasikhemo inanggweang sebeli kwi wagaikhasik, o su mene andi wusi kwi wagaukwa. Wusi kwi wagaukwa andi sambul o su mene andiat wurik welagaikhesik he, huli Daud eluk welagaikhe andi huli wurik welagaikhe.

ULANGAN 34:5

A'nogo yagatikhemo, At nineisen Tuhan nen amingmingengge Musa ebe wa'lagi'lek werek kwelek yagatikhe higit hogoat, at ebe o Moab andoma wa'lagaikhe.

2 RAJA-RAJA 3:11

A'nogo isikhemo raja Yosafat en heinok wokhikhi logolik he, ”Nit ninobaget Tuhan oba heinok wokhoageluk he nabi yoma ekhe werega lega?” iluk isikhe. A'nogo isikhemo it raja Yoram agoromi sikhe fisogo mene inoe perwira misik ekhe nen onggo ikhi logolik he, ”Hun Safat amlogo Elisa nek he werego. At andi ebere attak ap Elia lebethikhi lagaikhe agun,” iluk isikhe.

1RAJA-RAJA 19:16

Andi hagat, ap Nimsi amlogo Yehu afuni Israel mene inoe raja logouwagaluk menfigik, ap Safat aiba Abel-Mehola mene a'nogo amlogo Elisa hat hobulu'mo an nane yagaisikhi logouwagen menfigik, ilik lano aro.

YOSUA 12:6

At Musa inom afuni Israel mene inomen, ap raja inebe pire inomame leget fisasukwa mene re andem. It raja-raja andem inanggweang he at Musa Tuhan amingmingengge a'nogo nen, it inunggulenu Ruben, Gad inomen it inunggulenu Manasye mene minggilogo fenakwe inom inoba it inanggweang mene asuageluk wogisasikhe.

ULANGAN 33:1

A'nogo yagatikhemo, at Musa Allah nen ayonggo fesikhe mene a'nogo ebe oan wa'lagi'lek logolik, afuni inunggulenu Israel mene Allah nen fanorinafi logouwagaluk wene yi'nogo isikhe:

BILANGAN 13:16

It ap at Musa nen o andi ineil penerik loageluk lakfisasikhe mene re inebe andem. Hosea hun Nun amlogo andi re Musa nen enu agamhogo ket mene Yosua salhikhe.

BILANGAN 12:7

A'nogo meneat he, An namingmingengge Musa nek he, An nagainafuri mondogat inanggele'ma logolik obabut mondok hombunsek andi nen he, a'nogo yagatirek lek.

BILANGAN 11:28

A'nogo yagatunem at Yosua ap Nun amlogo ebe alageba nenat Musa lebethikhi lagaikhe mene andi nen esanggo holhikhesik, Musa mel yagatikhe: ”Noe, iren a'nogo ili'lagwi andi kamo uageluk wenagisano o,” iluk yagatikhe.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

YAKOBUS 1:1

At Iblis nen hinendawinggen kagaligeluk yi enggin ti enggin hinoba fugunem hinendawimo hinagaiyek hikhi logoni o.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

LUKAS 16:10

A'nogo yagaisasikhesik mel isikhe: ”Sa nen endebat mene fisogo logouwageluk wogetunem higithogo hilingite halok he, hokho mene wogosumo, higithogoat hilingiti logogin o. Nen, sa nen endep mene fisogo logouwageluk wogetunem, higithogo hilingiti'lek halok he, hokhorogo wogosumo higithogo hilingisigin legaro.

ULANGAN 34:12

At Musa nen afuni Israel mene mondogat ineilhanem elalin mene hokhorogo hilingitik, inailo mene hilingitik, ikhi lagaikhe andi hak ekhe hilingitarek mondok legaro.

YOSUA 1:2

”An namingmingengge Musa ebe arat wa'lagama re, yogondak hat inom, afuni Israel mene mondogat inom, i Yordan palogo, o An nen wokhisagain oba andoma kwi lobagaigen he, yi mene ti mene tik-tukhogo feino o.

YOSUA 1:15

Wulibi lambik he, iren leberisambik, o i Yordan aik elikwe o mo ubukhogo kwikherek higit nineisena Tuhan Allah nen wo'nisikheba andoma sebeli kuago. A'nogo sebeli kugunem, nineisena Tuhan nen it Israel mene inunggulenu ekhe mondogat fano liokhogo hilingisogo fisikhe halok enek he, it inambotkwe o Tuhan amingmingengge Musa nen o mo yegelogo liabi wagarek higit wogisasikheba inawi eroma yoma wesuago,” iluk yagaisasikhe.

NEHEMIA 8:17

Afuni inenggi hele warogo woginarek lagaukwa mene inambotkwe wagaukwa mene omanogo inebe mondogaren o sabu enggaba a'nogo wutukwasik, inebe andoma welagaukwa. Attagat it o sabu enggaba salhigik welagaukwa mene andi inendawimo eberogo re, at Nun amlogo Yosua werek oba wurogo welagaukwasik oba nen, hobuk ekhe wuti'lek welagaukwa mene re, andem sambul hobuk wutukwa andi. A'nogo hilingiti logolik, it inebe mondogat inendawimo inagaiyekhogo hikhi logolik fano liokhogo welagaukwa.