YOHANES 9:5 - Allah Wene Fano Wene Hupla Inane

⁵ An kweangma yoma logolik, nebe o selek hangge andi nen he, afuni selegerinafirego.”

YOHANES 9:5 Referans Kwoze

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

WAHYU 21:23

Nen, o kota andoma Allah amulit yatik, Domba Eak a'nogo esage hangge yatik, selekhogo yatu kwelek andi nen he, mo inom, tugi inom, yati logogun legat welaga higi.

MATIUS 4:16

O mum oba welagep mene andi, o seleget hinabigin mene hokho mene ekhe hegebo. Hit o andoma wa'lasuogeluk hinoba mum asumo, seleget hinabigin mene ekhe waga andi o,” isikhe a'nogo higithogoat hilinglasuageluk Yesus andoma lagai wagaikhe andi.

KISAH PARA RASUL 26:23

Iren he, Kristus telinaferek mene a'nogo ebe wa'lasimbik At tak eluk asimbik he wene selegerinabigin wene andi, afuni Yahudi mene yagaisigik, endakwe mene yagaisigik, igin o, iluk isukwasik lisu palogo fesukwa andi hagat an nen ikhi lagi o,” iluk yagatikhe.

MALEAKHI 4:2

A'nogo meneat he, hit An nane hologo tiphogo hilingiti lagep mene nek he, hinagap telhinabuageluk An nomame a'nogo re, mo asinandi tilelogo lakfei wagarek andi hak fanothinabi wesigin o. A'nogo hilinghinabi wesumo re, wam wundula nen wulakfei wagunem endawimo hagaiyegen helalue wanherek andi hak hilingisugun.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

MATIUS 5:14

Nen, afuni kweangma selegerinafarek menere, hirat welagep. O sili ekhe punu ebeba wurik mene hinakfoumo re, elo'lek.