YOHANES 8:53 - Allah Wene Fano Wene Hupla Inane53 Nit ninomba Abraham wa'lagikhe mene andi ebe yenggerek hak, nen hat enek he hebe kain a? It ap Allah ane yagaisikhi lagaukwa mene omanogo wa'larik lagaukwa meneat he, hat hebe sa hagen ikhi lagen nogo,” iluk yagatukwama, Gade chapit la |
Nit ninombalak he, iren tagongge mene. At Kristus ebe nit afuni ta'lagorek hak ta'lagaikhe andi, it mene nen tatukwa mene re, ebe Allah mene aro. Yi mene ti mene mondogat he, a'ma hak meneat he, at enek he, abel ponggwe lego mene andi nen he, at enek fogerati logogun andi, ebe asuak, iluk u hak, ”Amin,” ikhi logouwok.
A'nogo isikhemo, it afuni hokhorogo omanogo nen he, mel yagatukwa: ”Wene Allah nen komotninafikhe wene andiba re, nit afuni telninabuageluk Allah nen ap ekhe lakfei wesigin andi ebe wesimbik he, eluk mondok logogin. Iluk isikhemo ninesanggo holhorek meneat he, haren ikhi logolik he, An abat ta'lasi wagagi a'nogo afuni nen kweangma yoma mennobagagagun iluk egen andi re, ap ekhe abat ta'lasi wesigin isikhe andi ebe sa faget isikhemo nen egen,” iluk yagatukwa.
it ap kaindek Yahudi mene omanogo nen inenggi sabit oba Allah faget weat logolik, Yesus nen ou higisu lek mene higitikhe andiba nek ebe wasuogeluk isukwa fuk. Athe, aren, ”An nebe Allah nemberek higit,” u hak he, ”An neisena ebe Allah aro,” iluk isikhe andi nen ebe wasuogeluk ebenagai'mo weim abok isukwa.
At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.