YOHANES 8:22 - Allah Wene Fano Wene Hupla Inane

²² it ap Yahudi mene inogogwi omanogo nen he, mel isukwa: ”Ap yi nen yaganisikhi logolik he, o an lagain oba andoma hit logoin elo'lego, iluk yaganisikhe andi re, at onggwaregen warageluk ili'logo he a,” iluk isukwama,

YOHANES 8:22 Referans Kwoze

YOHANES 8:52

it ap Yahudi mene omanogo nen he, mel yagatukwa. ”Ap Abraham inom, ap Allah ane yagaisikhi lagaukwa mene omanogo inom, arat wa'larik lagaukwa meneat he, haren ikhi logolik, ap sa nen an nane hologo hilingiti logogin halok, wa'lagi'lek eluk mondok logogin o, iluk egen andi nen he, munggwarengge obabut weak mene eberogoat hendawimo kwikhesik werek, iluk futhobagogo.

YOHANES 8:48

At Yesus nen wene a'nogo yagaisasikhemo, it ap Yahudi mene omanogo nen he, mel yagatukwa: ”Hat hebe ap Samaria mene yi re! Munggwarengge obabut weak mene hendawimo kwikhesik werego, iluk ikhi lago a'nogo eberogoat yagaheti lago higi,” iluk yagati lagaukwama re,

MAZMUR 22:6

Iren telninabin o iluk inane humetunem he Haren lologo fisikhi lagagin, nen it inendawimo nen Hat hoba nek tipsek mondok were'ma re Haren it inendawinggen heiseluageluk oboget isikhi lagagin mondok lek.

IBRANI 13:13

A'nogo wa'lagaikhe andi nen, nit kweangma yoma mondok logogun lek. We, nit hobuk o mondok logogun oba herati lago andi nen he, at Yesus afuni nen inane aik weak asegen wokhikhi yagati lagaukwa andi hak, nit a'nogo yaganisugu kwelek, at oba leget abel endakwe wulifi logouwogo.

IBRANI 12:3

Hit hinendawimo puk a'luk hinomame lek asinogo iluk, it afuni weak hilingitarek mene nen at Yesus inendawimo nen sebelfuluk ebe weagetfugu kwelek halolot fisaluk afe morogo welagaikhe mene andi hiren he, ”At ninggi'nogo hilingitikhe nogo,” iluk hinendawimo nen futfikhi logoino o.

YOHANES 10:20

A'nogo minggilhukwasik, it inebe hokhorogoat omanogo nen he, mel isukwa: ”At yi munggwarengge obabut weak mene endawimo kwikhesik lugulugwi palik agasik wene ugu kwelegat he, hit at ane holhi lagep andi nenahalok,” iluk isukwa.

YOHANES 7:35

it ap inogogwi kaindek omanogo nen, it-it ikhi logolik he, mel isukwa: ”At yi o koma lambik were'ma, nit at herarik lambik ninom ambi asugun legen yaganisikhe anggegep. Ap nit mene o pugulogo afuni Yunani mene were'ma inoba lagaukwasik were'ma inoba lambik, afuni Yunani mene wene yagaisikhi logouwageluk ikhe anggegeba?

YOHANES 7:20

it afuni hokhorogo omanogo nen he, mel yagatukwa, ”Hat he, munggwarengge obabut weak mene hendwimo kwikhesik lugulugwi palhik agendik ikhi lagen a? Sa nen hilingisigeluk ili'logo nen ikhi lagen,” iluk isukwama,

MAZMUR 123:4

It afuni inenggi werek mene nen li'norogo hilingninabi'lagwi mene andoma inom, nen it ap wonoget fakhagarek mene andoma nen puliarogo ninobagali'lagwi mene andoma inom, obabut mondogat hogo o, neisena.

MAZMUR 31:18

Tuhan neisena, an nen Hat hoba henu hombuk palhu mondok welagimo re, an nenggali asuageluk hera'nobagagun o. We it ap weak hilingiri'lagwi mene andoma nek he inenggali hoago, nen it inebere linglongengge afuni wa'la'luk lagaikharek oba andoma pi lambik, inane tonggok uago.

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.