YOHANES 7:1 - Allah Wene Fano Wene Hupla Inane

¹ Wene a'nogo arat yagaisasikhesik he, it ap kaindek Yahudi mene nen, Yesus ebe wasuogeluk weim abok ikhi lagaukwa andi nen he, at ebe o Yudea pimbik nikhi logou abiren he, o Galilea tonggwe andoma nikhi lagaikhe.

YOHANES 7:1 Referans Kwoze

YOHANES 4:3

A'nogo ugunem, ”Inesanggo holha o,” iluk, Yesus elu agaikhesik he, at o Yudea herakfisaluk o Galilea ambotkwe lagai wesigeluk lagai wagaikhe.

MATIUS 21:38

Lakfei wagaikhemo wagunem, it ap yabu kwalogo welagaukwa mene omanogo nen, ineilenggen yethasukwasik he, it-it ikhi logolik, ”Ap ari eisena obali'mo yabu eisewerek asigin mene a'nogo ebe waga a'li. Halok, yabu yi nirat eisewerek asuogen he, ebe wasuogo,” iluk,

YOHANES 7:19

Nen, wene Allah nen komotninafikhe wene andi, Musa nen lisu palogo wokhisasikhe lek nogo? Arenat wokhisasikhe anggigi. Meneat he, ap hit mene ekhe nen, wene andi higithogo hilingiti'lek logolik an noasuageluk weim abok ikhi lagep andi nenahalok?” iluk yagaisasikhemo,

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

YOHANES 4:54

At Yesus ebe o Yudea nen Galilea attak lagai wagaikhesik afuni nen ebe futfouwageluk wene elalin mene attak ekhe hilingitikhesik oba nen, hobuk lagai wagaikhesik ekhe hilingitkhe andi.

YOHANES 1:19

At Yohanes nen wene a'nogo yagaisikho were'ma, it ap Allah eisewerek mene inom, inunggulenu Lewi mene inomen, ”Yohanes. Hat hebe re sa nogo?” iluk, oba heinok wanuageluk, ap Yahudi mene o Yerusalem en lakfisa wagaukwama Yohanes oba wagaukwa.

YOHANES 8:40

Menere, an wene ebe wene Allah nen ugunem nesanggo holhigi meneat yagahisikhi lagi meneat he, hiren an nebe noasuogeluk naweim abok ikhi lagep andi hak, at Abraham en a'nogo hilingiti lagaikhe lek meneat hilingiti lagebo.

YOHANES 8:37

A'nogo yagaisasikhesik, ekhe mel yagaisasikhe: ”Menere hit he, ap Abraham en tagongge mene welagep andi an nelu o. Meneat he, hit hinendawimo nen an nane wanu hinabit andi nen he, hirenat an nebe noasuogeluk naweim abok ikhi lagep andi.

YOHANES 7:25

At Yesus nen wene a'nogo yagaisugu were'ma, it afuni o Yerusalem mene inebe fena nen mel ikhi lagaukwa: ”Ap wasugun iluk abok pali'lagwi a'nogo, ebe ari lek nogo? Ebe ari aro.

MARKUS 11:18

Komorinafunem, it ap Allah eisewerek inogogwi kaindek inom, Allah ane lisu palek eisewerek mene inomen wene andi inesanggo holhukwasik he, Yesus wasuogeluk weim abok isukwa. Weim abok isukwa andi re, Yesus nen wene yagaisugunem afuni hokhorogoat at ane holfuluk fogerati lagaukwa andi nen, at ebe inailo agaukwasik he, wasuogeluk isukwa andi.

YOHANES 6:1

Hobuk he, at Yesus i mogo Galilea, enu ekhe Tiberias agaregat andi aik elikwe wulifikhe.

YOHANES 7:11

Andoma pisikhesik werek kwelek, it ap kaindek Yahudi mene seni isatunem logolik Yesus ebe herasuogeluk heinok wanhi logolik he, ”At ebe koma werek?” iluk isukwama,

YOHANES 7:13

A'nogo isukwa meneat he, it ap kaindek Yahudi mene inailo nen he, inane weinamhogo Yesus abok igi'lek, we nguluk habuk enek isukwa andi.

YOHANES 7:35

it ap inogogwi kaindek omanogo nen, it-it ikhi logolik he, mel isukwa: ”At yi o koma lambik were'ma, nit at herarik lambik ninom ambi asugun legen yaganisikhe anggegep. Ap nit mene o pugulogo afuni Yunani mene were'ma inoba lagaukwasik were'ma inoba lambik, afuni Yunani mene wene yagaisikhi logouwageluk ikhe anggegeba?