YOHANES 6:9 - Allah Wene Fano Wene Hupla Inane

⁹ ”Noe. Yoma abo yenggerek mene ekhe sumburu roti logomhigik werogo mene fuaben, nen ikan pire inom fisogo werek meneat he, ap esa hokhorogo hilingi'mo higithogo na hak no go? Elo'lego,” iluk yagaisasikhemo,

YOHANES 6:9 Referans Kwoze

LUKAS 9:13

A'nogo yagatukwama, at Yesus nen he, mel isikhe: ”Hirenat wogisani o,” iluk yagaisasikhe. A'nogo yagaisasikhemo, iren he, mel yagatukwa: ”Nit he, sumburu roti mene 5 nen, nen, ikan he, pire nek werek yoma re, niren afuni yoma faget ekhe onggo palisa loageluk ikhi lagen?” iluk yagatukwa andi,

MARKUS 6:38

A'nogo yagatukwama, aren he, mel yagaisasikhe: ”Hit sumburu roti mene miren werek. Hineilenggen kwelakhani o,” iluk yagaisasikhemo re, it ineilenggen kwelakhasukwasik he, ”Sumburu roti mene 5 nen. Nen, ikan he, pire,” iluk yagasi wagaukwa.

MATIUS 14:17

A'nogo yagaisasikhemo, iren he, ”Nit he, sumburu roti mene 5 nen. Nen, ikan he, pire. We, andem enek fisogo welago o,” iluk yagatukwa.

MAZMUR 78:19

At ane sagalogo hilingiti logoligenat he, iren ikhi logolik he, ”O leimo yoma nen At Allah nen nunggu mene higithogo wo'nisikhi logou hak nogo a?

MATIUS 16:9

Hinendawinggen furogo futfigi'lek yoma ri! Sumburu roti mene ebe 5 meneat he, ap inebe 5.000 mene nengga a'nogo hinonggot agep? A'nogo nenggasik tindelogo fagama, mul ugu mene miren elonggoma kwalogo fegep nogo.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

MAZMUR 147:14

Nen hit hinailoba andoma hinailo legengge logouwageluk Aren kagalhinarek welagik, nen gandum enggen mondok fano meneba hinoba homot hinobagagik, ikherek.

MAZMUR 81:16

Afuni An inabit mene re An nen it sebelogo fisaluk, it inebe mondok-mondok andoma wene inoba fagain o.

ULANGAN 8:8

O andoma re, yi gandum ti gandum inom, anggur inom, e ara inom, e delima inom, e zaitun inom, enggen mondok hokhorogo itik, kin amusu hokhorogo welagik, ikhere'ma o.

WAHYU 6:6

A'nogo nugunem yethigirik, nesanggo holhi hak he, it Allah nen elalinafikhemo ineluk welagaikharek mene inebe enggaminogo omanogo inendawimo nen afuni inane hangge mene mel ikhe: ”Gandum enggen ilirengge waruk oak misigat enek kwalogo re, onggo yabu inenggi misigam faget hilingitunem inenggi onggo wogisagarek andi hak mondogat fogoin o. Nen, hombak enggen hangge enu jelai andi mene ilirengge waruk henagan meneba kwalogo re, onggo yabu inenggi misigam faget hilingitunem wogisagarek andi hak mondogat fogoin o. A'nogo meneat he, minyak e zaitun amusu inom, anggur amusu inom, andi nek he, weaget fogoin lego,” iluk ugunem holhi.

YOHANES 11:32

Wagu kwelek, he Maria a'nogo eilenggen Yesus ebe yethasikhesik he, oba wagaikhesik eindep awi yagaisogo awe a'ma soma isikhesik he, mel yagatikhe: ”Noe, hat yoma we'lendik logoilenma re, an nerei wa'laga andi, wa'la'lep lek anggigi o,” iluk yagatikhesik le agunem.

YOHANES 11:21

Lagaikhesik, Yesus yagati logolik he, mel isikhe: ”Noe, hat yoma we'lendik logoilenma re, an nerei wa'laga andi re, wa'la'lep lek anggigi o.

YOHANES 6:7

A'nogo yagatikhemo at Filipus nen he, mel yagatikhe: ”Afuni nen yabu inenggi misigam faget hilingitunem inenggi onggo rupiah wogisagarek andi mene niren 200 oba sumburu roti mene onggo pali lamo re, afuni yoma endep-endep enggen wokhigik higithogo nogoin ogo? Elo'lek aro,” iluk isikhemo re,

YEHEZKIEL 27:17

It Yehuda mene inom Israel mene inomen hat hangge inom agaum etep mene re gandum inom, kin amusu inom, zaitun amusu inom, amben-amben engge inom oba helikhi lagagin.

MAZMUR 78:41

Iren hobugalep Allah obabut palhi logolik hakhogo nek hilingiti lagaukwa, nen irenat Allah afuni Israel mene ineisena a'nogo endawimo heiselek aple nek hilingfikhi lagaukwa.

2 RAJA-RAJA 7:1

A'nogo wenagetikhemo at Elisa nen he, ”Tuhan nen ikhe mene yi hesanggo fanorogo holin o. Aren he, O ohealek mo ya higit oba, afuni o kota Samaria mene leget pa'leget ambe pale'ma yoma nen, uang perak misik oba nek gandum fano sagalek mene 3 kilo onggo palhik, nen houmbak enu jelai andi mene enggen 6 kilo onggo palhik ugun o, iluk ikhe,” iluk yagatikhe.

1RAJA-RAJA 4:28

It bupati omanogo inebe lombogen ogore gandum inom, engga yerami inom, hun Salomo anggo kuda amboloba lagaluk lagu mene inom, nen kereta wut fuluk li'luk lagu mene inom, omanogo faget waluk wogosi waga lagaukwa. Iren he wam en nunggungge andoma o wam aiba omanogo it nunggu mene higiret higik waluk fei waga lgaukwa.

ULANGAN 32:14

Inanggo sapi kambing domba eilak amusu hokhorogo welagik, it inanggo fano mondok welagik, It mene gandum anggur enggen, amusu fano mondok logouwageluk hilingfisasikhe.

YOHANES 6:11

A'nogo hu'larik lagaukwama re, at Yesus nen sumburu roti mene aremnogo enggimo wanhikhesik he, ”Allah neisena,” iluk hai warogo afuni hokhorogo hu'lagaukwa mene omanogo sumburisasikhesik he, ikan aremnogo a'nogoat sumburisasikhe. Sumburisasikhemo it inendawimo nen, nelo anggasukwa hagat inalabut ninghogo nasukwa.

YOHANES 21:9

Arat wulibi wagaukwasik e so elema nen pi wagaukwa hak he, ikan inom, sumburu roti mene inom, werago endu enggen oba louksek were'ma ineilenggen hasukwa.

YOHANES 21:10

A'nogo hasukwama, at Yesus nen he, mel yagaisasikhe: ”Nagoromi. Ikan kerat wanhep omanogo fenakwe waluk we'ni o,” iluk yagaisasikhemo,

YOHANES 21:13

A'nogo kamo isukwasik werek kwelek, at Yesus nen hobuk inoba horokhogo higilha lagaikhesik he, sumburu roti mene a'nogo wanhikhesik it sumburisasikhesik he, ikan a'nogoat sumburisasikhe.